ضيدان بن قضعان مرثيه

[فلاح الهاجري]

مرثية قالها ضيدان بن منصور بن قضعان في الشيخ عبدالله بن بعيث شيخ شمل ال الحمراء من شيوخ بني هاجر رحمه الله






ليت الحزن في عيـن دار الجديـده
ونقول حزِنِ مرنا مثـل الاحـزان
لكن حـزن اليـوم حالـه فريـده
حزنِ شمل كل القبايـل والاوطـان
حـزنِ شمـل يـامِ بديـده بديـده
من قبل لايشمل مداغيش قحطـان
حزنِ على شيـخِ علومـه مجيـده
يفرح به ضعوف ويتاما وضيفـان
راعـي يميـنِ ماتمـد الزهـيـده
يشهد على قولي طراقي وجيـران
عبدالله بن بعيـث محـزم عظيـده
لاظاعة الهقـوات بفـلان وفـلان
شيخ ال الحمرا فالسنين الشديـده
كم فرج الكربه وكـم سـد ديـان
وكم من سجينِ فالدجاء فـك قيـده
وأعتق رقبة إللي بلا أعمام وإخوان
ياحلفـنـا ياطيبـيـن العقـيـده
ياصادقين الحلف مـره وعجمـان
عـزالله انـه راح منكـم فقـيـده
شيخِ جمع شيخه ومسجـد وقـران
ولملم شمل ربعـه بعينـه وبيـده
وخلد لهم في قمة المجـد عنـوان
الراس قاسـي والمشابـح بعيـده
والقلب ليـن والعطيـات سفطـان
لوكل شيـخِ ياصـل إللـي يريـده
ماميز الله شيخ من بيـن شيخـان
من حبـه الله حببـه فـي عبيـده
ومن يعمل المعروف يجزا بالاحسان
يالله عسى الروح الفقيـده شهيـده
وعسى عوضنا في طويلين الايمان
عواله إللـي كـل منهـم وليـده
مقدامهـم فهـد وخالـد ومشعـان
روس الحـرار النـادرات العنيـده
تخريجهم من مدرسة طير حـوران
يالله عسى عقب الحيـاة السعيـده
تجعل لـه الجنـه مقـرِ وعنـوان

[طاوي الشوق]

الله يرحم الشيخ ويرحم المسلمين اجمعين


وهذا من طيب اصل ضيدان انه يعيش حال عوانيه من الهواجر


بيض الله وجهك يافلاح


تقبل مروري

[فهـد الجـذع]

الله يرحم الشيخ ويرحم اموات المسلمين ويغفرلهم



ولاهنت يالهاجري على المرثيه


تحياتي


أخوك فهد الجذع

[مخلف الهقاوي]

الله يرحم الشيخ رحمة واسعة

وجمّل الله حالك يابن قضعان

ونعم والله في قبايل يام كلها

ولاهنت يافلاح على نقلك القصيده

وبيض الله وجهك

[فلاح الهاجري]

الله لا يهينكم يا شباب وجزاكم الله خير