وين شعراء المحاورة [الأرشيف] - الهيـــــــــــــلا *** منتدى قبيلة عتيبة

بن عبيدان

01-Aug-2007, 11:20 PM

سلام ياشعار والمعنى على الشاعر كبير= ماهوب ضوء اسراج والمعنى على سطح القمر
الليل ياشعار نبغاء الملعبة نار وسعير= يحكي بها الهراج والمعنى على سطح القمر

مرزوق حمدان العتيبي

01-Aug-2007, 11:30 PM

يامرحبا ياللي تسلم ياعسى فالامر خير = اضحك وفل احجاج .. والمعنى على سطح القمر
اليادخلت الملعبه صوّت وتلقى لك خشير = احراج ماش احراج .. والمعنى على سطح القمر

ابن عصيم

01-Aug-2007, 11:33 PM

سبقتني يا عكاشة

واصلوا وأنا مع المتابعين

حمدان المطيري

01-Aug-2007, 11:42 PM

صح لسانك يامرزوق والعذر والسموحه رديت
مانتبهت لردك واصل والله يعطيك العافيه
وعلي المتابعه

بن عبيدان

02-Aug-2007, 12:23 AM

مانارد العد الروي ياصحبنا بحبل قصير= والدرب لة مدراج والمعنى على سطح القمر

بنشدك عن حيا ربى في ميتن حجمة صغير= دور لها مخراج والمعنى على سطح القمر
المعذرة ياخي على التاخير كنت خارج عن الموضوع

مرزوق حمدان العتيبي

02-Aug-2007, 12:43 AM

اليا انشدت انشد مجرب لا تقول انشد خبير = كانك لهم محتاج.. والمعنى على سطح القمر
ياللي تحاول تخفي المقصود مقصودك ظهير = بين كما الابراج .. والمعنى على سطح القمر

مرزوق حمدان العتيبي

02-Aug-2007, 12:44 AM

...
.
لاهنتم يابن عصيم ويالسهم الملتهب ..
...
تحياتي

أبو نجر النفيعي

02-Aug-2007, 12:46 AM

..

يا سلاااام سلّم ..

بدااااااااااايااااااااااات جزله ...

وصحة السنتكم ..

متاااااااااااااااااااااااااااابع

:)

بن عبيدان

02-Aug-2007, 12:57 AM

حمل القعيد مايشابة للجمل والا البعير= لاتعتبرها ازعاج والمعنى على سطح القمر

تراء الهدف ياصاحبي معروف والدنيا بخير= اعرج بها المعراج والمعنى على سطح القمر

مرزوق حمدان العتيبي

02-Aug-2007, 01:10 AM

ترى الغشيّم يبتلش لاطب فالبحر العزير = تلعب به الامواج .. والمعنى على سطح القمر
امشي معك واللي تباه يصير يالطيّب يصير = كلش ترى إله علاج.. والمعنى على سطح القمر

مرزوق حمدان العتيبي

02-Aug-2007, 01:14 AM

...
.
صح بدنك يابو نجر
واحلى الولاكم :)

بن عبيدان

02-Aug-2007, 01:22 AM

الي ماعندة راس مال بسوقنا مالة نصير= يندس فالادراج والمعنى على
سطح القمر

ياصاحبي مشيك على رجليك حذرا لاتطير= اخاف لاتنعاج والمعنى على سطح القمر

مرزوق حمدان العتيبي

02-Aug-2007, 01:34 AM

يابن عبيدان ان بغيت الصدق منطوقك مثير = تسهج مع المسهاج .. والمعنى على سطح القمر
اللي يعاندني ترى شكره على السيف الشطير= ومقطّع الاوداج .. والمعنى على سطح القمر

بن عبيدان

02-Aug-2007, 01:53 AM

تراء الجمل عيب علية ارغاها من عقب الهدير= قد قالها الهراج والمعنى على سطح القمر

انتم عتيبة والنعم وانا كما نجم ينير=غلباء لها منهاج والمعنى على سطح القمر

مرزوق حمدان العتيبي

02-Aug-2007, 02:03 AM

..
والنعم يالغلبا ...

مايرغي الا ميّت الهمه ومعدوم الضمير = قدره 3 انعاج .. والمعنى على سطح القمر

حنا عتابه واسمنا لطامة الجمع المغير = لو كان عشر افواج .. والمعنى على سطح القمر

بن عبيدان

02-Aug-2007, 02:25 AM

الله يعز المملكة ويعز حكامٍ تسير= بالامن للحجاج والمعنى على سطح القمر

اليوم كلن في مقامة خادم والا مدير= ماعاد فية اسراج والمعنى على سطح القمر

اسراج سرج الفرس

تصبح على خير ياخي مرزوق وسعت معك بهذة المحاورة واشكرك على معانيك الموزونة والتغطية الممتازة
تقبل تحياتي

مرزوق حمدان العتيبي

02-Aug-2007, 02:35 AM

...
هههههههههه والله انك خطير

...
الله يعز المملكه ولاّ ترى منت بنظير = جلدك كما الديباج .. والمعنى على سطح القمر
اليوم صرنا اخوان مالك دور يالشر الشرير = عان الصبح منباج .. والمعنى على سطح القمر

مرزوق حمدان العتيبي

02-Aug-2007, 02:36 AM

...
.
تصبح على خير يابن عبيدان ولاهنت على رحابة صدرك
والله يعطيك العافيه
....

خالد المقاطي

02-Aug-2007, 02:47 AM

الله الله الله

ابداع منقطع النظر

عساكم على القوه على امتاعنى

بن عبيدان / مرزوق

لاهنتو متابع بشقف

مرزوق حمدان العتيبي

02-Aug-2007, 03:12 PM

...
.
مرحبا ياكعام المعادي
.... تعطرت الصفحه بحروفك ..
وسعدنا بتشريفك ..
...

السميــــــري

02-Aug-2007, 03:45 PM

ابن عبيدان ..

الله يعز المملكـة ويعـز حكـامٍ تسيـر
بالامن للحجاج والمعنى على سطح القمـر

خطييررر ومبدع .. صح لسانك ..

...
مبدع مبدع يابو محمد ..
دائماا وانت تستفرد بالقسم الاكبر

حنا عتابـه واسمنـا لطامـة الجمـع المغيـر
لو كان عشر افواج .. والمعنى على سطح القمر

ذيب روق

03-Aug-2007, 01:08 PM

صح لسان مرزوق وبن عبيدان محاوره رايعه استمتعنا بمضمونها تحياتي لكم .

مرزوق حمدان العتيبي

03-Aug-2007, 06:13 PM

...
.
السميري مرحبا في مرحبا في مرحبا ..
نورت الصفحه ياسنايدي ... ولاعليك زود ..
...

مرزوق حمدان العتيبي

03-Aug-2007, 06:15 PM

..
.
صح بدنك ياذيب رووق
مرحبابك ونورت الصفحه ..
...