عرش وكروش,, القريب ياشعار [الأرشيف] - الهيـــــــــــــلا *** منتدى قبيلة عتيبة

مشاهدة النسخة كاملة : عرش وكروش,, القريب ياشعار

فارس الباديه

31-Jul-2007, 04:24 PM

يا سلا مي سلامٍ مثل راس السعودي
.................................................. .. كاسب العز غادي في فعول الجدودي
وانا شاعر وشاطر في جواب الردودي
.................................................. . واول الــغيث قــطره واخر الـطب كـيه

فلسطين الجريحه في عذاب وصمود = والمحاكم تريح فوق عرش وكــروش
الـيدين القصيره مــا هي عـند اليهود = والـعيون الـبصيـره عــندنـا والرموش

عايض بن زوير

01-Aug-2007, 06:40 PM

تحياتي أخوي فارس الباديه .. واستلم ..

مرحبا بك وانا شاعر سعودي وساطي
...................وعزوتي كان شبت فالحرايب مقاطي
والفعول الجزيله ما تجي بالهياطي

.....................وأول الغيث قطره وآخر الطب كيه

النمور الجريحه فالوطن والاسود=روحت مثل لقمه في حلوق الجحوش
واليدين القصيرة عانها فالقيود=والدواير علاها ناقشه بالنقوش

مرزوق حمدان العتيبي

01-Aug-2007, 08:36 PM

...
.
صحت السنتكم ياثنين.
...
واصلوا .....

عايض بن زوير

02-Aug-2007, 03:22 PM

صح بدنك أخوي مرزوق منور الصفحه بمرورك

وأنا لها الحين جلس أنتظر الغالي فارس

تأخر وااااااااااجد الظاهر .. طاب في زحمه

؛؛؛؛

؛؛؛

؛؛
؛
مقاطي الحجاز

فارس الباديه

02-Aug-2007, 11:14 PM

يالعتيبي مقاطي وانــا عــمّري جـنوبي
...................... مير وين العزاوي في بلاد النشوبي
شاهد الذيب داني في خضوع وهروبي

............................................واول الغيث قطره واخر الطب كيه

الــعـمايـم دفـيـنـه فــي مـهــاد الـولـــود = لو تطول الشوارب وش تسوي الوحوش
مــير خــل الـعقايـد فــي يـمين الـــعقود = لــين تــطـول ذراعـه ثم يــقـدر يــنـوش

فارس الباديه

02-Aug-2007, 11:15 PM

السموحه على التاخير ومرزوق اكبر شرف مرورك يالغالي

عايض بن زوير

03-Aug-2007, 03:10 PM

فارس الباديه

04-Aug-2007, 12:49 AM

الحمد لله على وصولك يالفارس.. واستلم..

لا تغارب يافارس من زمنا وطبعه

......................................آخر الوقت قالوا تاكل الذيب ضبعه
مار عطني علوم أصحابنا صفر سبعه

......................................أول الغيث قطره وآخر الطب كيه

والله ان السوالف في عيال القرود=تجرح الكبد والراكد بعدها يدوش
لكن اعزم بلير وقلطه عالقعود=وقول له مرحبا2000 وش حال بوش..؟؟

حياك الله يالمقاطي ولي الشرف بالعب معك واستلم يالغالي

إن وقفنا صمدنا مثل صــم الجبالي
................................................ وان سكنا سكنا في جبالٍ عوالي
مير عطنا علومك يا كريم السبالي
................................................ واول الغيث قطره واخر الطب كيه

بــهلوان الــقرودي يـــنشرى بــالــنقود = ماهي تسوى رجولك خلها وسط حوش
يــوم جــاهم سفيري في مرام وجمود = صــار بـوش المسمى في لثامه يفوش

مخلف الهقاوي

04-Aug-2007, 01:44 AM

صحت السنتكم يامبدعين

وااصلو عساكم على القوه

متابع لكم:)

فارس الباديه

04-Aug-2007, 02:03 AM

مخلف الهقاوي لا هنت يالغالي على المرور العطر

عايض بن زوير

04-Aug-2007, 02:21 AM

خابر انك تناقز فالجبال الطويله
.....................................مير فوقك بروق(ن) تصطفق فالمخيله
ياحليل الجنوبي صاحبي ياحليله

.........................................وأول الغيث قطره وآخر الطب كيه

كيف تشري وقرشك فالمخابي رقود=يالجنوبي طبيعي لو تعبد القروش

ما تعدى سفيرك يالزميل الحدود=وان تعدى يحول في ديار الحبوش

عايض بن زوير

04-Aug-2007, 02:27 AM

مخلف الهقاوي مرورك غير

تحياتي لك

؛؛؛؛

؛؛؛

؛؛
؛
مقاطي الحجاز

عايض بن زوير

04-Aug-2007, 02:30 AM

فارس الباديه أبقاك الله والشرف لي يالغالي

؛؛؛؛

؛؛؛

؛؛
؛
مقاطي الحجاز

فارس الباديه

04-Aug-2007, 02:38 AM

مير سنع هروجك ونت صفر اليساري
.................................................. . ما قصدنا رويسك في رصاص السواري
يــا عتيبه عــلامه مــا يــدل المساري
.................................................. . واول الــغيث قطره واخــر الـــطب كيه

الـخميلـه عـلينا يــالعميل الــحقـود = لـيه صار المقاطي فـالجنايز نــبوش
يـــالعتيبي معاني مــالقينا الــردود = مير خل السواحل لا تاكلك القروش

فارس الباديه

04-Aug-2007, 02:40 AM

لا هنت يالمقاطي والله من طيب اصلك ونعم بعتيبه ولا تهون القبايل

عايض بن زوير

04-Aug-2007, 03:08 AM

مرحبـــــــــا ألف يافارس ومحلك بين الضلوع الحنايا..

فار دمك ولكن يالزميل المفدا
.........................................لا تعدى حدود الملعبه لا تعدى
أنت فارس وطبعك خابره ما تردا

.........................................وأول الغيث قطره وآخر الطب كيه

من وصوف الجنوبي ياخذون اليهود=سجلوها دعايه ياعرب فالدشوش
ان وردنا وردنا صافيات العدود=يوم بعض الخلايق وردها للغشوش

فارس الباديه

04-Aug-2007, 03:24 AM

تسلم يالغالي وانت كذلك

لـــيه عادت حليمه في عوايد قديمه
................................................. النديمه قــديمه والقديمه نـديمــه
جيت أوصل سليّم ثم نرضي سليمه
.................................................. . اول الغيث قطره واخر الطب كيه

ليه صارت هوازن مثل عــاد وثمود = يرجمون المحمد والمحمد بشوش
يــوم جاكم الطايف والعتيبي جحود = سـبقناكم لمكه لا تحارب هـــروش

عايض بن زوير

04-Aug-2007, 06:32 AM

عودت نعنبوها عقب هاك الزماني
.................................................. ..................يوم جانا يجر الجيش منكم يماني

مير عود وعشره نحمد الله ثماني
.................................................. ................وأول الغيث قطره وآخر الطب سيه

فيه علم ذميم وفيه علم امحمود=والعقول الفطينه من حداها تحوش
رايح(ن) يم مكه نعنبو هالجغود=أبرهه قدمكم والفيل ساق الجيوش

فارس الباديه

04-Aug-2007, 05:02 PM

لا تـجينا بـسيه وانت راعــي خــطيه
.................................................. ... الـنقيصه نــقيصه والــدنيه دنـيـه
فوق ظهر العتيبي شوفوا 2000 كيه
.................................................. ... واول الغيث قطره واخر الزود زيه

فيه علـمٍ غثيث وفيه علـمٍ سعود = قام طَش العمامه واهتواله طربوش
الصنم في ديارك مع الرب امعبود = جـهيمان العتيبي ذاق ذبـح الكبوش

مرزوق حمدان العتيبي

04-Aug-2007, 05:54 PM

..
مقاطي الحجاز وفارس الباديه
يعطيكم العافيه ...
في الحقيقه شعر المحاوره اذا خرج عن الدفن في المعنى
والتلميح بالكلمات التي لايفهما الا المتمكنين ...
اصبح بلاروح وخرج عن مساره الصحيح ....
ملاحظه وتنبيه فقط
تقبلوا فائق الاحترام والتقدير ....

فارس الباديه

04-Aug-2007, 06:11 PM

مرزوق لاهنت يالغالي على المرور وتشوف اللي يرضيك انشاء الله

عايض بن زوير

04-Aug-2007, 09:05 PM

تحياتي.. أخوي مرزوق...وكلامك عين الصواب..ولا يختلف عليه اثنين.. ولكن ان ماطاعك الزمن طعه؛؛

وتحياتي لك أخوي فارس والحقيقه اني استمتعت باللعب معك

تقبل تحيات أخوك

؛؛؛؛

؛؛؛

؛؛
؛
مقاطي الحجاز

عايض بن زوير

04-Aug-2007, 09:10 PM

ملاحظه أخوي فارس السيه المقصود بها الكيه باللهجة العتيبيه

فارس الباديه

04-Aug-2007, 11:34 PM

لا هنت وانا اكثر يالغالي .. وشكرا على المعلومه .. :)

عايض بن زوير

05-Aug-2007, 05:51 AM

أخوي فارس الباديه..مشكوووووووووووور يالغالي

حاولت اراسلك على الخاص لكن النظام يأبى ذلك..

أخوك

؛؛؛؛

؛؛؛

؛؛
؛
مقاطي الحجاز