انت وانت والميدان شوف الضريبه ..!! الفاااااااالح

[ناصر الجلاه]

الفالح مساء الخير واقرب للاستفاده .

استلم :



يابن ثعلي الليله طلعنا على فوق=انت وانت والميدان شوف الضريبه


انا من بني برقا وهو من بني روق=وفي حزت الميقاف حنا عتيبه

[علي فلاح العضياني]

انا شاعر اغنّي على كل طاروق=اشوف الضريبه والضريبه قريبه
ترانا عيال العمّ ما بيننا فروق=يا فزاع عندك علم عجّل وجيبه

[ناصر الجلاه]

نبى نشتري ونبيع في داخل السوق=وانا تاجر فالسوق مارضى الغليبه

مابه شك مير ألنا مشاريه وحقوق=تدور دواء للجرح وان طبيبه

[علي فلاح العضياني]

ترى الناس يا فزاع سابق ومسبوق=وكلٍ يحصّل في حياته نصيبه
تفضّل وقدمك قاضي الحق مرزوق=تدوّر ولكن ماش ما تدّعيبه

[ناصر الجلاه]

ترى الرزق ياعضيان أله باب مطروق=ولوه في يدين الناس صارت مصيبه

ابنوخه للحق ابو دقن محلوق=ومرزوق يعط الحق ماهي غريبه

[علي فلاح العضياني]

ترى المرجله نستاقها قدمنا سوق=وتمشي رضا ولاّ لك الله غصيبه
اظنّه يحمّل فوقك الطاق مطبوق=ترى من يحلب الديس يشرب حليبه

[*الجاثوم*]

نبى نشتري ونبيع في داخل السوق
وانا تاجر فالسوق مارضى الغليبه
مابه شك مير ألنا مشاريه وحقوق
تـدور دواء للجـرح وانته طبيبـه

:)


ترى الناس يا فزاع سابق ومسبوق
وكلٍ يحصّل فـي حياتـه نصيبـه
تفضّل وقدمك قاضي الحق مرزوق
تدوّر ولكـن مـاش مـا تدّعيبـه


:)




مستمتع لهكذا ابداع ،

[ناصر الجلاه]

ههههههههههه



وحنا هل الفزعات والطيب والذوق=لنا فالجزيره صيت عز(ن) وهيبه


يابن روق لاقلنا لك السالفه رُوق=ترى الحق مايزعل طليب وطليبه

[ناصر الجلاه]

الجاثووم لاهنت على مرورك العطر


م
و
د
ت
ي

ل
ك

[علي فلاح العضياني]

كسبتوا نعم والعلم ثابت وموثوق=وحنا نجومٍ في سماها رقيبه
ترى السالفه ما توزم ملازم حلوق=مزوحٍ تجي بين الصحيب وصحيبه

[ناصر الجلاه]

ترانا عيون الراس بالنون والموق=ولايلحق الاخوان شك(ن) وريبه

اجل خلها ياصاحبي جوف صندوق=ترى السر مدفون(ن) بداخل قليبه

[مقعد الدغيلبي]

داخل قليبه

الله

الله

صحت اللسنتكم ياعتابه

مبدعين دايم


لكم خالص الود والشكر

[ناصر الجلاه]

صح بدنك يابو فيصل


لاهنت على التشجيع الدائم


يشرفنا من عملااااااااق بمكانتك

[علي فلاح العضياني]

نسابق على علم الوفا كل مخلوق=ليا صار كلٍ قام يفخر بطيبه
انا خايف انّه يصبح السر مسروق=وتصبح مروّجت العلوم تحكيبه

[علي فلاح العضياني]

مقعد هلا وغلا والله

يالله حيه




نورت المتصفح يالغالي

[ناصر الجلاه]

ترى كل مطرود(ن) مع الوقت ملحوق=وراع الصليب يعيش شايل صليبه


يقال الزبيدي طلع في جنب رقروق=وانا قول شوفوا في علاوي شعيبه

[علي فلاح العضياني]

الشاعر الكبير فزاع صح لسانك ويعلم الله اني استمتعت باللعب معك

واستفدت منك كاستاذ ولا هنت على هالطاروق الجميل


ولنا لقاء ان شاء الله عن قريب


تحياتي لك

[ناصر الجلاه]

لاهنت يالفااالح الأستفاده انا والله كسبتها من مجارات شاعر بمثابتك

وصح لسانك


وعلى خير نتواجه بإذن الله


م
و
د
ت
ي


ل
ك