سلطان بن وسام روتانا

[فلاح الهاجري]

ارسل الشاعرمبارك بن اعينان الهاجري قصيده الى الشاعرسلطان بن سام عندما سمع انه سافرالى لبنان لعمل مقابله معه في قناة روتانا
ومبارك ترى من شعار بني هاجر الكباريقول مبارك بن اعينان




تكفين يا ميره فضل عند سلطان
مافي يدك لاجـاك لاتذخرينـه
تـراه اول مـره يزورلبـنـان
غشيم في بيروت واهله ودينـه
خليه يقطف منه بستان بستـان
وغنيله اجمل ذكريات المدينـه
خلي يساره خوخ واحيان رمان
وباقي عناقيد الحديقـه يمينـه
تراه كتله من مشاعر ووجـدان
والحب لا حبـه لعـن والدينـه





رد سلطان بن وسام(الوزن الثقيل) :-





يا كبرها كبـراه يـا بـن اعينـان
يالله عساهـا كـل يـومٍ سكيـنـه
يا ملاحي الورقا على خضرالاغصان
لحن الهوى عادك وغـد لاعبينـه
يلاح يامواحي يا لاحي يـا ليحـان
حـن الخفـوق ولاسمعتـو حنينـه
انته دريول مستوبيشـي ونيسـان
وانـا تمثنـيـت البحربالسفيـنـه
مال الغشامه في هذا الراس مسكان
راسٍ مقابيـس الظفـر ساكنيـنـه
يابوك انا اسنـع قبايـل وسلفـان
وانته علي توصي بنـات المدينـه
لاهنت يامبـارك محمـد ولا هتـان
دارٍ قطفـنـا فـلـه وياسميـنـه
يالله يالله يـاربٍ غفـورٍ ورحمـان
عسـى علاقتنـا بعفـوك متيـنـه
نلوذبكم من شـر دورات الازمـان
ولاتوليـنـا اليـديـن المهيـنـه
اللي ولت صـدام واخـوه بـرزان
وصار الاسد كلـن يهاجـم عرينـه
عزيـز قـومٍ ذللـوه المريـكـان
غبينـةٍ يـا كبرهـا مـن غبينـه




وسلامتكم

[أبو مرحبا]

صــح السان الشاعر مبارك بن اعينان والشاعر سلطان بن وسام


لاهنت يافلاح الهاجري على النقل الموفق



أحترام وتقدير


أخوك

أبو مرحبا

[مـجـول الـعـصـيـمـي]

ومشكور

ولاهنت على الموضوع الرائع

[نبض عتيبه]

صــح السان الشاعر مبارك بن اعينان والشاعر سلطان بن وسام

[ابوبجاد الرويس]

مشكور اخوي فلاح

وصح لسان الشاعر ,,,,,,,,,

[فلاح الهاجري]

الله لايهينكم على المرور

[ابو بدر الروقي]

صــــح لســــان الشــــاعرين الكــــبيرين ويــــافلاح شـــاكر لك النـــقل الجميل والرائع قــــصيده فى غـــايه الروعه ولاتخلو من الطرافه أكرر شكرى لك يالغالي ودمت بخير

[العطاااااوي]

صح لساااااااااااان ان عينان
وصح لسان سلطااااااااان


عز الله انه ثقيل

ومشكوووور
ياااااااا
فلاااااااااااح

[فلاح الهاجري]

بيض الله وجيهكم على المرور