لو سمحتو يا اخوان ابغا العب مع فهد العجمي

[ابو شرف]

يافهد مساك الله بالخير ابغا العب معاك محاوره قويه على معنى واللحن لحن قديم اللي يقول فيه الشاعر خلف بن هذال سلام مني وابا مستور ما ابغا غير مستور....الخ.
امسك سبحتك وسمي بالله..
سلام مني على العتبان وعلى كل الاعضاء
.........................يامرحبا ياهلا بك يالعجمي وشيلو ياصفوف
الليله الملعبه بنت سوات اريام وهيفاء
........................واللي يغازلها عيونه تنعمي وشيلو ياصفوف

[فهد العجمي]

مسيت بنور

انا راح اجاريك طال عمرك بس ترى ما اعرف الحن وجبت لحن ركب على بيتك وانا راح اجاريك على لحني وسامحني طال عمرك

واستلم

مرحبا للعتبان تبدء بالارض وتوصل لفضاء
.................................................. ..يــدوم البقى دامك يمي وشيلو ياصفوف

الملعبه ســوات اريام وهذا امر وقضـــاء
................................................وا لحيه الرقطه بسمه يرمي وشيلو ياصفوف



واسمحلي ترى ما عرفت الحن وجبت لحن من عندي والحن الي جبته ركب على بيتك

hajes_alashar@hotmail.com

[ابو شرف]

العلم بيني وبينك يافهد سوات الحرباء
.....................لكنك امشي على هونك وسمي وشيلو ياصفوف
لان كان عندك خبر عن الموضوع عطنا الانباء
.....................ونته سوات ابو تركي العصيمي وشيلو ياصفوف

[الصريدحي (الدغيلبي)]

رد يا العجمي

[فهد العجمي]

طيب طيب

العلم الي بيني وبينك مايفكونه الاقوياء
...............................................مير يابو شرف تعال قدمي وشيلو ياصفوف

انا عندي علم(ن) وخبر يفيد العلم الحياء
............................................وانته سوات راشد السحيمي وشيلو ياصفوف

[خيال العجمي]

متا11111111111111111111111بع

وين ابو شرف

[ابو شرف]

الوقت دوار والايام بين النون والهاء
............................................لكن خلك على هونك ياسمي وشيلو ياصفوف
جيتني يا فهد العجمي في ليلة فجاء
...........................................والناس تمشي على ممشى الصمي وشيلو ياصفوف

[ابو شرف]

وينك يافهد..

[فهد العجمي]

طيب طيب

الوقت دوار والايام بين السين والياء
...........................................يابو شرف دربي مستقيمي وشيلو ياصفوق

بين خط اللبخه السهل وبين خط الحساء
...........................................بـيـنـه م عـلاقت(ن) وسلمي وشيلو يا صفوف

[ابو شرف]

دارة الايام والاعمال ما راحت هباء
..............ترى الجديد ماهو سوات القديمي وشيلو ياصفوف
ترى وطنا يعيش يافهد في عز ورخاء
..............والخط مايل ولاهو بمعقيمي وشيلو ياصفوف

[فهد العجمي]

هالله هالله

دارة الايام وفيها الغنيين وافقراء
................................................ات رك عنك السيني والجيمي وشيلو ياصفوف

كلن من مرض يعالج ويشرب دواء
................................................وا نــا انـفـذ ذراعــي بـكــمي وشيلو ياصفوف

hajes_alashar@hotmail.com

[ابو شرف]

يكفي يافهد الله يعطيك العافيه وبيض الله وجهك علي الحرام انها محاوره تسجل في التاريخ وحرام بالله انك شاعر مو بسهل ولك ظهور قوي باذن الله في المحاوره وبين الصفوف..
مير ادخل على الموضوع اللي بعده اللي فيه محاوره بيني انا وابو جواد وعطنا رايك.
مشكور وتحياتي...

[فهد العجمي]

بيض الله وجهك وتراني ماني شاعر كل هذي مجرد محاولات وانت الي لك انشاء الله مستقبل والله يوفقك وياليتك تضيفني على ايميلي الخاص

hajes_alashar@hotmail.com