وين تجار البلد وين الذهب والماس وينه

[طــارووق]

السلام عليكم :


وين تجار البلد وين الذهب والماس وينه

ضعت بين ملوّن اللوحات وكبار الاسامي

بيرق الاسلام رفرف فوق بيبان المدينة

وان دخلناها غدانا من حرامي في حرامي


يالربع تنسيق قصيدة شعرية عيّا يزبط معي كل ما أسويه تطلع الصفحة فاضيسة .......... ممكن شوية مساعدة

[مرزوق حمدان العتيبي]

ارررررررررررحب ياطارووووووق
ماشاء الله علاك تعرف تبروز النص ولاتعرف تنسقه ههههههه
اضغط على المربع اللي عن شمال مربع البرواز
واضغط على اعتمد بدون ان تغير شي سوى
اذا بغيت نكبر الخط اختر رقم 5 في الحجم

وصح لسانك نبقى في انتظار الشاعر المقابل
.....

[طــارووق]

اتمنى والمناوي = ماتطاوع من تمنى
يطلع البيت متساوي = مااختلف منا ومنا

اشكرك عرفت الها وهاذي تجربة ... كنت ما أحط يساوي بين الشطرين

تسلم بارك الله فيك

[مقعد الدغيلبي]

البلد مامون ياطاروق وحصونه حصينه=وانت لاجيت البلد واهل البلد رد السلامي
بيرق الاسلام من دونه رجالن محتمينه=هاته علمك لاتطول فالنقاش وفالكلامي

[راع العلطا]

البلد مامون ياطاروق وحصونه حصينـه
وانت لاجيت البلد واهل البلد رد السلامي
بيرق الاسلام من دونه رجالن محتمينـه
هاته علمك لاتطول فالنقاش وفالكلامـي


مقعد صح اللسانك ولا يهون طارق

[مقعد الدغيلبي]

ابو محمد

ارحب

ارحب

والحمد لله ع السلامه

انور متصفحنا واشرق بحضورك

ومرورك


لك كل ودي

[مقعد الدغيلبي]

راع العلطا

صح

بدنك


وهلابك ملايين

واسعدني مرورك وحضورك

لاهنت 0وتقبل خالص شكري

[أبو نجر النفيعي]

وين تجار البلد وين الذهب والماس وينه
ضعت بين ملوّن اللوحات وكبار الاسامي
بيرق الاسلام رفرف فوق بيبان المدينة
وان دخلناها غدانا من حرامي في حرامي


الله الله يا طاروووووق .. مبدى جزل .. وصح لسانك مليون ..

..

البلد مامون ياطاروق وحصونه حصينه
وانت لاجيت البلد واهل البلد رد السلامي
بيرق الاسلام من دونه رجالن محتمينـه
هاته علمك لاتطول فالنقاش وفالكلامـي


يا سلام سلّم .. ابداع ورد كايف يابو فيصل .. صح لسانك مليون ولا تكفيك ..

الليل الليل ..


متابع .

[سلطان الجـذع]

بيرق الاسلام من دونه رجالن محتمينـه
هاته علمك لاتطول فالنقاش وفالكلامـي

ياسلام ياسلام


واصلوا واصلوا

[مقعد الدغيلبي]

ابو نجر

0000000

سلطان الجذع

000000

ارحبووووووووا

تراحيب المطر

وحضوركم يسعدني


لاهنتو يالذيابه

لكم خالص الشكر

[طــارووق]

ياخسارة يالبطاقة عند عمّال الكبينة= اثر يكفيها الهلل و توصلك شرقن وشامي

والسلوك اليا التوت بين الظفيرة والمكينة = اقطعتها المروحة ولاّ يميع ابها اللحامي





يارياجيل المنتدى ما يحدّث (Refresh) ............... مدري البلا في متصفحي او عندكم

[مقعد الدغيلبي]

البخل عندك يساره والكرم عندي يمينه=واوجودي يالجمل عليان مردوم السنامي
الحمول الجايره منها الجمل نسمع حنينه=وانت مجهول الهويه لاشداد ولامسامي

[مقعد الدغيلبي]

ههههههههههه

طارووووووق

الله يعينك على جهازك

حاول تدبره وتصلحه

[طــارووق]

من حجر واسمنت ولاّ البيت من لبنه وطينه = كيف اعرفه قبل اطق الجدر وازيل الرخامي
بشتك الضافي وسيع اكموم وطوالن يدينه = دونه ادميت النحر من كثر صدّي للسهامي