محاورة الطياره ( السناني + الرياحي + العصيمي + العازمي )

[الذيب]

--------------------------------------------------------------------------------

السلام عليكم ورحمة الله وبركاته


جايب لكم اليوم محاوره من اشهر المحاورات في الجزيره العربيه . دارت رحاها بين أركان الشعر في المملكه وهم

1- محمد السناني الجهني
2- فيصل الرياحي البقمي
3- مستور العصيمي العتيبي
4- حبيب العازمي العتيبي

ــــــــــــــــــــــــــــــــــــــــــــــــــ ـ




- فيصل -

ونصفو في الطايف وين العب الكايف
فوق الضلع النايف طيري ياطياره

- محمد -

منهو شاف حبيب عنده علماً طيب
يلحق قبل يشيب طيري ياطياره

- مستور -

يافيصل سيرها وأفكارك غيرها
وأين انت وطيرها طيري ياطياره

- حبيب -

يامحمد ريحنا بالدعوه صارحنا
أمسينا وأصبحنا ما طارت طياره

- فيصل -

خندف مع شبابه لابه تنطح لابه
والدنيا غلابه طيري ياطياره

- محمد -

الموقف موقفنا والطيب شرفنا
ياحبيب سولفنا طيري ياطياره

- مستور -

خندف في ديرتها لاتقرى سيرتها
جابتها ودتها طيري ياطياره

- حبيب -

لا ينكبك العيه وتضويلك سيه
تسعين من الميه حمله في طياره

- فيصل -

يا مستور الثوره لنفس المغروره
خلوها مستوره روحو في الطياره

- محمد -

النكبه مقسومك يالي قرب يومك
غصب طيح نجومك طيري ياطياره

- مستور -

يا فيصل العيره طاحت في حفيره
صفر بالصفيره وأركبلك طياره

- حبيب -

راحت حطو وشيلو أعتدلو مع ميلو
كم يمشي من كيلو طبلون الطياره

- فيصل -

أثر العود مهذري ويسولف ما يدري
جاكم يمشي عبري ودعسته طياره

- محمد -

العاقل له طاعه وأسمع بالسماعه
خمسميه بالساعه طبلون الطياره

- مستور -

يا فيصل لو تدري عن ما حاوي صدري
ما تنقص من قدري يا راعي الطياره

- حبيب -

قام محمد ينزي ويدور للكنزي
ويسافر بالعنزي في وسط الطياره

- فيصل -

يا منفوش الشوشه لا تفرح بالهوشه
لك فرشه مفروشه في ذيل الطياره

- محمد -

أحبيب له خطه وأفكاره مختلطه
بيسافر بالقطه في زقم الطياره

- مستور -

يا كساي السرحه لا تحلم بالفرحه
مالك غير الذبحه من دون الطياره

- حبيب -

ليش تذم الهره يا محلا هل الفره
راح وجيهك صره في وسط الطياره

- فيصل -

يا مسحرنا الداحه الحجل النباحه
خلك في مرجاحه تسحبك الطياره

- محمد -

عاقل وأرفع نفسي ماأبغى الهرج العكسي
باأوقف راعي التكسي وأطلع بالطياره

- مستور -

سولفلي عن ساره خيالً بالغاره
والدنيا دواره ياراعي الطياره

- حبيب -

يا محمد هرجنا ولا لا تزعجنا
الموقف يحرجنا جنحان وطياره

- فيصل -

ساره تسوى ميه منكم يالبسليه
نكست الطاقيه في ظهر الطياره

- محمد -

علمي علماً ثابت بندق صابت صابت
والعقال أرتابت طيري ياطياره

- مستور -

ساره فلقحناها وتصيح لعزاها
وأنت تشيل أرداها في جوف الطياره

- فيصل -

لا تقوم تبلبل ماأنت خيال البل
ياكاذب يا تنبل طايح من طياره

- مستور -

من يكذب غيرك لين تحرف سيرك
أرقص وأندر زيرك في جوف الطياره

- فيصل -

ليله وأبرك ليله رز الثعلب ذيله
بالله وش الحيله ثعلب في طياره

- مستور -

أنت ذيل الثعلب تجلس ولا تلعب
يافيصل لا تنشبب في باب الطياره

- فيصل -

أنت ولد الجني لاكن أبعد عني
يالطيار القني خربت الطياره

- مستور -

عاشو قوم الخرمه يوم أعطوك الدرمه
وأنت مثل الحرمه في جوف الطياره

- فيصل -

لا تذكرنا الحربي يا سحاب الزربي
مع بابها الغربي تدخل في الطياره




المحاورة ناقصة ولكن اتمنى من اللي عنده كاملة أن يضيفها وله الشكر


كذلك لدي سؤال عاجل

كيف أحصل على هذه المحاورة بالصوت ؟

أتمنى الاجابة السريعة أو على تاريخ الملعبة والشعراء الذين حضروها

حتى أستطيع البحث عنها في مكاتب الشعراء ...وتقبلوا تحيات أخوكم الذيب

[الذيب]

ابشركم لقيتها بالصوت على هذا الرابط

http://upload.9q9q.net/file/qRNpqmbA3/-------.zip.html

[ابوبجاد الرويس]

مشكور اخوي الذيب

وبيض الله وجهكـ على المحاوره

واسم على مسمى ذيب

[الذيب]

مشكور أخوي ابو بجاد

الله يعطيك العافية

[لافيزي]

مشكور يا الذيب

اسم على مسمــــى

[الذيب]

العفو اخوي نادر 1414

بارك الله فيك

ومشكور على الرد

[الذيب]

أنا كنت أتوقع المحاورة ناقصة لكن حين استمعت إليها وجدتها كاملة

والسؤال المحير هو

ماهو سر انسحاب حبيب والسناني من المحاورة قبل انتهائها ؟

اتمنى لو أجد لهذا السؤال إجابة .

[ابو شرف]

مشكور يالذيب على المحاوره الرائعه..
تحياتي..

[العروي2020]

اخوي ذيب يعطيك العافية




واجابة سؤالك حسب علمي في هذه الأبيات بعد مانزل مستور وفيصل في المحاورة قال محمد

عاقل وأرفع نفسي ماأبغى الهرج العكسي
باأوقف راعي التكسي وأطلع بالطياره

- حبيب -

يا محمد هرجنا ولا لا تزعجنا
الموقف يحرجنا جنحان وطياره

- محمد -

علمي علماً ثابت بندق صابت صابت
والعقال أرتابت طيري ياطياره
طيري ياطياره

[الذيب]

ابو شرف الله يعطيك العافية

ومشكور على الرد

[الذيب]

أخوي العروي

بارك الله فيك ويسر الله امرك

ومشكور على الرد وإجابة سؤالي

[نفيع العتيبي]

بيض الله وجهك

ونتتظر جديدك


تحااااتي لك
نفيــــع العتيــــــبي