الشاشه اللى مابها ..اسمه عساها للكسر (( راعي العلطا ))

[خالد المقاطي]

ياهاجسي ود الخبر .. ياهاجسي رد الخبر = لعل ابو ( كايد ) بخير وكل علم(ن) يطعمه
الشاشه اللى مابها اسمه ياعساها للكسر = ماهو سوات اللي يخمخم فالمعاني خمخمه

[وحي العقل]

الله الله

بيتين ((سبيكة ذهب ))


صح لسانك يالمقاطي وفي انتظار راع العلطا

[وحي العقل]

الصف صفك ياكعام

[خالد المقاطي]

طويق


الصف يزهابك يابن عمي

والشرف لي لاعدمتك

[سلطان الجـذع]

الله الله الله يالمقاطي صح لسانك وفي انتظار

راع العلطا ليكتمل الابداع

[خالد المقاطي]

يامرحبا يامرحبا ( يالجذع )

من طول الغيبات :)

مرورك .. فخر لاعدمتك

[مخلف الهقاوي]

ياهاجسي ود الخبر .. ياهاجسي رد الخبر = لعل ابو ( كايد ) بخير وكل علم(ن) يطعمه
الشاشه اللى مابها اسمه ياعساها للكسر = ماهو سوات اللي يخمخم فالمعاني خمخمه


ياسلام ياسلام هذا والله العلم

رائع ياكعام المعادي وننتظر راعي العلطا

[راع العلطا]

كعام المعادي السموحه على التاخير
وستلم لاهنت



ياكعام انا طالعت بالشاشه قبل نصف الشهر=وحصلت بالشاشه كعام القوم مرفوع اعلمه
وشتاق قلبي للمعاني عقب حققت النظر=وين القعود اللي تبانا يابن عمي ناسمه

[راع العلطا]

طويق مراحب والصف واحد

سلطان الجذع هلابك

مخلف الهقاوي مرحباا

مشكرين على مروركم ولااهنتم

[خالد المقاطي]

مرحبابك ياراعي العلطا :)


ياكثر تجار البلد .. ياقل وافين الشبر = وافي وابا .. وافي سواتك لابغيته نزهمه
شفت السفينه غارقه ياصاحبي وسط البحر = والموج يلطمها على كيفه وهي متحطمه

[راع العلطا]

اخذ التجارب من زمانك وفتهم واخذ العبر=وعليك بالطيب ترى الطيب قويٍ محزمه

قدمك سفينة نوح قد غرقت على روس الصخر=برض العراق اللي لك الله كل من جاه ارجمه

[مرزوق حمدان العتيبي]

ابداع وجزاله غير مستغربان
صحت السنتكم واصلوا يامبدعين ....

[راع العلطا]

شكرٍيا اخ مرزوق على متابعك لنى

[خالد المقاطي]

انا احمد الله مغتني والحمد لله والشكر =والسابق اللي معي .. في علم النشامه مقدمه
المخطيه ماهي مصيبه .. والمصيبه فالبشر = اللي يفك الباب مايعرف خراجه بسلمه

[خالد المقاطي]

مرزوق العتيبي

يامرحبابك اجهرتنا بنورك

مرحبا مرحبا

[مرزوق حمدان العتيبي]

...
النور نوركم يامبدعين\ازهلوا الصف ....

[راع العلطا]

ماكل من يبغى السباحه ياولد عمي قدر=غديت فاللجه ورح لبليس جود معصمه
بعض السحاب يمر للاوطان مايمطر مطر=لكن خل السالفه يابن الاكرام امدمدمه

[خالد المقاطي]

مازم نيشاني ولاكن مقصدي فات ودبر = وبليس والله يابن عمي كل ليله نلجمه
السيل سيل والعما .. مشر علامات الخطر = يامدعين المعرفه .. العلم لحدن يخطمه

[مرزوق حمدان العتيبي]

بعض السحاب يمر للاوطان مايمطر مطر
لكن خل السالفه يابن الاكرام امدمدمـه
...
الله الله
...

السيل سيل والعما .. مشر علامات الخطر
يامدعين المعرفه .. العلم لحدن يخطمـه
..
ياسلام ياسلام
واصلوا...
.

[راع العلطا]

العلم واضح بيننا وابغاك تطمرها طمر=تسري مع البيدا ومن يمسك رسنها يلزمه
خل العمى يبلش بها ياطى على مثل الجمر=انا ماريد القاف يمشي مع رجالٍ تضلمه

[خالد المقاطي]

النور وضاح الظلام .. بليل والا في فجر = وشلفا ذياب اليا رماها تلتحم وسط عظمه
نبا نشن الحرب انا وياك ونجيب السمر = واللي يعاند نكفته بالنار ويضيع نسمه

[خالد المقاطي]

مرزوق العتيبي

مرورك بحد ذاته يزيد الواهس

وتشجيع قوي

لاهنت على المرور

.......

راع العلطا رد على الرساله :)

[خالد المقاطي]

راعي العلطا

صح السانك يابن عمي

استمتعت بالعب معك

لنا لقاء قريب :)

[خالد المقاطي]

ياسلام ياسلام هذا والله العلم

رائع ياكعام المعادي وننتظر راعي العلطا

يامرحبا يامرحبا

بشاعرنا ..

مرورك اجهرنا يابن عمي

مرحبابك :)

[راعي البلهـا]

صح لسانك ...........................لافظ فوك
ايو الله الشاشه الي ما بها اسمه عسا تنكسر
شكــــــــــــــــــــــــــــــــــــــــــــــــ راُ

[خالد المقاطي]

راعي البها صح بدنك

مرورك هو الشي :)

[خالد المقاطي]

اشكر جميع

من مر في هذا المصفح

مع التحيه