أجمل بيت فتل ونقض سمعته (الكل يشارك)

[ابو فايح]

الحقيقه وجدت هذه الفكره في احد المنتديات فقلت ان عتيبه هم اهل الشعر وهم اكثر من يحبون الشعر الجزل فلابد من طرح الموضوع في المنتدى لعلنا نظهر باجمل ماسمعوه من الفتل والنقض واريد من الجميع المشاركه وانا ابتدي:

في بداية ظهور الشاعر حبيب العازمي على الساحه سمع عنه الشاعر رشيد الزلامي من الشعراء والجمهور فحين التقا به اول مره بدا رشيد وقال:
علموني عن علوم الحيا علموني ****** قلت ابا اعس ما اثق في علوم الطراقي
فرد حبيب :
لاتنشد بعد ماشفت لمع المزوني ****** اول الخير عندك واخر الخير باقي
المقصود ان الزلامي شبه حبيب (بالحيا ) والجمهور والشعراء (بالطراقي) وهويقول لزم علي ان ارى بنفسي لانني لااثق في علوم الناس .
وحبيب قال لاتنشد بعدما قابلتني بعض العلوم سمعتها والبعض الاخر ياقي.

[وحي العقل]

طيب

يقول بن مشيط


يابو وافي حذفت البشت وانت من الشتاء بردان =ولا اقول انك الاول ولا اقول انك التالي

قال الامبراطور


ليامني حذفت البشت صار لوقفتي برهان =اشره في فناجيل العرب وافتك فنجالي

[ابو شرف]

حبيب:
انا الشاعر وانا الماهر وانا السابح وانا الغطاس
وانا اللي لو تدرهم يالثبيتي ما تعداني
مطلق:
تنوش مسجد الهادي ودور مسجد العباس
مدام انك سواتي مكتسي منته بعرياني

[ابو شرف]

حبيب:
انا ومستور ربع ومثل الاخوان
لكن هذه السنه ماني بداري
والسر موجود في خاتم سليمان
ولا قراه سلمي ولا مطاري
مستور:
هذا من اول لكن اليوم يافلان
حطيت لك يا حبيب عم غاري
رفعت راسك وصار الجيب مليان
ولا من اول تقيل في الكباري

[قادح شرار]

مطلق الجازي الثبيتي(رحمه الله)سحابك يالحصيني ماسمعنا فيه حس رعود==لكن السيل تال الليل جانا حادر الــوادي
والا يا كبر خشمك مير عيــا يــرّوح البــــارود==كما خشم البعير اللي بليا خرج وشدادي

جارالله الســــــــواط
أنا ماني بزيدي وأنــت تاكلك نشــوق زيــــود== ثلاث سنين وأنته فاليمن ســرداد مــــردادي
حليلك يا بعير(ن) دوب شفنا في جنوبك دود==بدى فيه الدبر والدود فجنوب الجمل بادي




أبو فايح : مشكور لنقلك للفكرة الرائعة وعسى الله يعطيك العافية

أخوك:الناقد.

[كريزي نجد]

حبيب العازمي





إختلفنا وإتفقنا وإختلفنا قولوا ألاّ
أنت ياللي تنطق ألا ليش ماتنطق بعد لا

[راعي البلهـا]

فكره حلوه مشكور على النقل حقيقه بدون تعصب لشاعر معين او قبيله معينه كثيره هي تلك الابيات وتحتار لتختار الاميز بينها

ملفــــــــــــــــــــي المورقي

الليله الملعبه حلها صارت حال ..... و ياويـــــلها من بعـض عشــاقها

صياف الحربي
الليله الملعبه فيها صفوف ورجال..... لاشافت اهل اشرف تاقف علا ساقها

الضاهر لخبط بالشطر الاول بالله الي يعرفه يعدلي

[عامر بن صعصعه]

ألف شكر لك يا ابو فايح على الفكره الرائعه ووالله انك عرفت يالغالي وين تحطه فأنتم اهل الشعر وقبيلة الشعّــار


لكن خذ هالبيتيتن لـصيّـاف وشف وش رد عليه ابو فيـصل ( حبيب )


(1) قال صياف :


يوم الأسامي كثيرة ويش سموك = الليل عجل عليه بالإجابه

ورد حبيب :


سميت شاعر شبابه وانته الغوك = ماعاد لك لا مقام ولامهابه

:) عز الله انك شاعر شبابه يا ابو فيصل :)


تحياتي لكم / عامر بن صعصعه ( الــسبـ 503 ـيـعـي )

[الـــقـــرم]

ابــو فـايـح ..

فـكـره رائـعـه لـشـخـص رائــــع ومـوضـوع ممــــتـع صـراحـه ..
.
.
ومـوضـوع سـوف يـكشـف لـنـا ابـيـات جـميلـه دفـنـهـا الـزمـن ..
.
.
.
ولـكـن دوك هـالـبـيــوت ..
^^^^^^^^^^^^^^

ملفي المورقي يـقـول :

العرب ترحل وتنزل وانت هاك الضلع حوله
.......................................... ناشب في دفته كنك حصاةٍ من حصاته


:) ههههههههههههه يـعـنـك انـه بـيـت جـامـد



الرد من رجاءالله الحربي

علم يعقل نسمعه وعلوم ماهي بمعقوله
................................ مير ملفي مايشوف من البعير إلا لهاته




[ مــودتــي .. وتــقديــري ..// الــقــرم ]

[ابراهيم الزراقي]

صراحه موضوع قمه في الروعه ولاهنت يابو فايح على الموضوع لاكن انا عندي بيت للشاعر فلاح المورقي يقول للشاعر عبدالهادي المطيري

على لحن الرديه

انا من عتيبه الهيلا قويين العزوم....وانتم كما الديره الي بالعصا نحتاها

[ابو شرف]

محمد بن جرشان البقمي.
مدام ابن عواد في الملعبه حاضر وموجود
.......................................خيل خيال يبرق الصبح ماتوقف بروقه
صياف بن عواد الحربي.
مدام بن عواد موجود ضلع طويق ممدود
.......................................يوجعك لو يطيح فوقك ولو تطيح فوقه




تحــــــياتــــــي..

[سعود النفيعي]

أشكرك اخي الكريم أبو فايح على الموضوع الجميل وانا بذكر بعض أبيات المحاورات اللتي شدت أنتباهي

بيت للشاعر الكبير الداهيه شاعر هذيل عبدالله المسعودي رحمه الله وهو أقوى بيت له ولم يستطيع أحد الرد عليه من الشعراء العمالقه يقول البيت::
سلام=ردية عجل=وابطي عليّه لين اشوف******بين الصفوف=لكل جمع الحاضرين=اثني سلام

الشام=مالي فيه اهل=وانا ليا جيت معروف*****ياهل الظروف=اللي عليها كاتبين=الدرب شام


أبيات من محاوره بين العلاقين مطلق الثبيتي وعبدالله المسعودي رحمهم الله :

المسعودي



نهاية يوم ذي الحجه بداية يوم من عاشور******هلا يامرحبا والمملكـه باحلـى لياليهـا
انا ماهمني فالوقت لا مطلق ولا مستـور******مركبها على قمة جبـل وتهـز رجليهـا




مطلق



انا اشوف المدافع فالمحاجي والفرود اتثور******يدوم الك البقا وانته جملها وانت راعيهـا
تقوله وانت محني في يديه حنية الباكـور******وانا اللي من قديم الوقت طابخها وشاويها



المسعودي



عينت الشايب اللي لقمته ماوصلت الحنجور*******فضيحه لن تفلها وان بلعهـا سمهـا فيهـا
منول ياذهبنا كنت في صندوقنـا مصـرور********وذلحينـه تشالتـك الحراميـه باياديـهـا



مطلق



عينت الطرقي اللي شق قدرة شعلة الدافور******لياجاته ضيـوف الله يـزري لا يعشيهـا
انا ماني بشايل لي عصاة راسها مشقـور********لكن التاجـر اللـي جابهـا لازم يوديهـا

[لافيزي]

مطلق النومسي

أنا والله لعلم عنك حاكم دار أبن مكتوم واقول محمد ابن مشيط من هذي الا ذيه


محمد بن مشيط

فتحت الباب يا طير السعد وأنته عليك علوم تمتع بالسعودية تمتع بالكويتية

[لافيزي]

مطلق النومسي

أنا والله لعلم عنك حاكم دار أبن مكتوم واقول محمد ابن مشيط من هذي الا ذيه


محمد بن مشيط

فتحت الباب يا طير السعد وأنته عليك علوم تمتع بالسعودية تمتع بالكويتية

[ابو فايح]

الف شكر لكل من شارك في الموضوع ونريد المشاركه من بقية الاعضاء لتعم الفائده ونخرج باجزل الابيات .أحد شعراء السلمان الشباب وهو تركي يسأل حبيب عن مشكلته مع فيصل الرياحي ويقول لماذا لاتصالحون في هذا البيت:
ياحبيب ليت بهجت تصالح مع بجيه**** قبل يدعي للسحابه ويكبر سيلها

بهجت :حبيب بجيه: فيصل او العكس

رد حبيب:هذا أمر مايخصك ويش مدخلك فيه **** السحابه وصلت طويق وانت تخيلها

المعنى :هذا امر لاعلاقة لك به المشكله بحجم ضلع طويق وانت تسال عنها

[الكاايد]

موضوع قديم وحبيت اجدده .. طبعاً بعد اذن ابو فايح :)


وبصراحه كثيره ابيات الفتل والنقض القويه .. ولكن كل بعد يومين نجيب ماتيسر


0000000000000000000

صياف

ياسرع مشيك يوم تمشي من سليم اليا مطير
تطى على شوك السلم ومن الزعل ماتونسه

مستور

انا اتمشى في الدير وانته على ظهر السرير
صياف مايمشي كما مشي العرب لين انخسه

[سلمان بن سالم]

محمد الشمالي


ان كان ماحطيت على علباك مشعاب سلمي=ماني عشير ام الكفوف اللي تدق خضابها


سلطان الهاجري


ان كان ماحطيت مشعابك تحت راس قدمي=ماني عشير الاصحاب اللي تعز اصحابها

[متعب المقاطي العتيبي]

ابو مشعاب
.
.


سوقها عبر الفضاء دام الضماير حرة=الفضاء مافيه ترحيبة ولا تسليمة
عالم الذرة تفنن في علوم الذرة=مير عيت تستفيد الناس من تعليمه

الشبح
.
.

لو وصلت الى الفضاء مرجعك فوق الحرة=لاترحب لين تبني فالفضاء لك خيمة
مستفاد الي على دربه يقص الجرة=شدة العالم وحلت والعلوم امقيمة
.
.
لاهنت يابو فايح(وانا من المتابعين لكتاباتك)

[فالح الشهراني]

فــهد العازمي :

لو اني بنشدك واقول لك كم بيض السمان *** مانته مجاوبني تقول اكثار رفرف ياعلم


محمد بن ثايب :

ماني بعده مثل عدك من مكان إليا مكان *** أدخل على الله من لهوب النار رفرف ياعلم

[فالح الشهراني]

بصراااحه الفتل والنقض الاجمل في نظري كان بين حبيب وابو مشعاب ...


حبيب

ياراعي المشعاب حطه واستريــح *** لاترفعه عند العرب وانا هنـا


ابو مشعاب

ان كان نفسك فيه علم بالصحيح *** أكلــه لعله يا حبـيـب بالـهـنـا

[الكاايد]

الموضوع (( فتل و نقض ))

:)


مستور العصيمي
ياذيب ياللي تجر اعواك عنا فالخفى منت ذيب
من جوع ولا طبيعه فيك ياسرحان تضرابها

عبدالله المسعودي
ياسامع الصمت كيف بتسمعه لو كان منكم قريب
الموت في روحك اقرب من عصاك اللي تعصى بها

[فهااد]

المسعودي /



يالعصيمي بعد سله ومله دوب دوب = اعذر الغايب وناخذ علوم اللي حضور




عالي العصيمي /



يالهذيلي بعد سله وذله توب توب = وان سرينا ما درينا عن قصاف الظهور

[حسن إبراهيم الدجيماء]

من أجمل ماسمعت ,,

صياف الحربي -رحمه الله - :


يوم الأسامي كثيرة ويش سموك = الليل عجل عليه بالإجابه

حبيب العازمي :


سميت شاعر شبابه وانته الغوك = ماعاد لك لا مقام ولامهابه

[مطني الحافي]

[حبيب العازمي

ياحبيب عساك تروح وانت متعافي=بعد مستور عدا الكارثه بالسلامه

العرب للحريق يمنون المطافي=والزلامي يشب النار دري علامه

رشيد الزلامي

ياحبيب بوجهي مايجيك الخلافي=ثم انا ماخبر الروقي تراعد عضامه

العصيمي ترا الي جاه ماهوب كافي=وانت يمكن على راسك تقوم القيامه

.....

مستور العصيمي

اللحم والدم من دون العضام=......................زغرات النعم


رشيد الزلامي


ابعد بدمك ولانته بالرحام=وان كان ماجازلك على شحم

.............

مستور العصيمي

هلا يامرحبابك يالزلامي وانته المطلوب,=,ليا منه حضر فالملعبه داين لديانه

وانا ماجيت ساري غير ابا افصل عليك الثوب=وابا اوسع لك اكمامه وابا اوسع لك ابدانه

رشيد الزلامي

يدوم الك البقا يابوهلا وحسابكم محسوب=كلامك فيه فن ونيتك ماهيب فنانه

لكن اليا بغيت تقول كلمه قولها بسلوب=وانا ماني في حاجة دور ناس عريانه


..................

مستور العصيمي


ان بعدت تقول وينك وان قربتك ماتداني =والعصيمي مايغشك انت واحد من عياله



رشيد الزلامي


يالله انك لاتواخذني بكلمه من لساني=لوابوي من العرب مستور خليته لحاله

............

صياف

اخر اللليل نبغا النار اكل حطبها=لو يزعل رشيد ولو يزعل رفيقه


ابشر ان الديوس اللي تبي تحتلبها=صرروها رجال يعرفون الحقيقه


رشيد الزلامي

اخر الليل ولعها وطيح بلهبها=كان زعلان ياصياف زدناك ضيقه

راحت المرجله وانته تنوش ذنبها=عقب كل خلص ودك تولع حريقه

[ابن عتيبه البار]

العصيمي


اتعبت رأسك ياحبيب في مصادمة الجبال = أما تعل بروسها والا انسدح في ظلها

حبيب



انا تعليت الجبال من الجنوب اليا الشمال = تقول ربي ماخلقها غير انا ضد لها

[فهد الشهيب الثبيتي]

مطلق الثبيتي


يالعصيمي معاشك من بنوك اليمامه=واما انا من بنوك الله يجيني معاشي
مستور العصيمي


انت رزقك تجيبه من جحلط تهامه=مزنة ٍ من مطرها مالحقنا رشاشي

================================================== ========

حبيب العازمي

اليا عدلت السنام اللي على الثور=تقدر تعامل مع البنك التجاري

مطلق الثبيتي


الثور في غاربه مايركب الكور=الكور يخر ّ على جنبه مواري

[الجوراسي]

فكرة ممتازة يابو فايح وياكثرها الابيات والمحاورات اللي فيها فتل ونقض وخاصة كبار الشعراء

يقول فلاح القرقاح

حقيقة موهبتك الاوله يبغى لها تجديد ^^^ عسى بنك البلاد ينافس البنك البريطاني


حبيب

انا من فضل ربي كل مازاد العناد ازيد^^^ هذا مفتاح جيبي كان ابن ريفه تحداني

فلاح

^^^^^^^^^^^^^^^^^^^^^^ ____________ وان كنت نشمي لا تعداني

حبيب

اعرف انك سبوق ومستعد ارددك ترديد ^^^^ وهذا قصة من عهد جدانك وجداني

ههههههههه

وغيرها الكثير والمعذرة نسيت شطر لفلاح القرقاح

وتحياتي لك يابو فايح

[عقاب العنزي]

لاهنت على الفكره يابو فايح ودائما ً مواضيعك مميزه




محمد الجبرتي







انا بطني كبير وياخذ الرجال عرض وطول = لك الله ماتجي لي ربع لقمه يادخيـل الله




دخيل الله القعياني اللمطيري






وانا سماً قليل ولو كليت السم ويش تقول = ذبحك السم في بطنك ومت ولا رحمك الله

[مساعد المطيري]

موضوع رائع ولي عوده اذا تذكرت شي


عقاب العنزي

دخيل الله الشلاحي وليس الزحيمي اللي رد على الجبرتي

تقديري

[عقاب العنزي]

هلافيك يامساعد المطيري


وفالحقيقه اللي اعرفه ان البيت للشاعر المرحوم - دخيل الله الزحيمي السلمي


والحقوق لابد ان تحفظ للاصحابها مع احترامي الشديد لك وللشاعر دخيل الله الشلاحي


واذا كانت لديك ادله وبراهين اثبتها وان ثبت ان البيت للشلاحي اقدم لك اعتذاري بنفس الموضوع



كل التقدير

[محمد العبيدي]

أشكر صاحب الفكره وموضوع حلو ورائع بالمره


من أجمل ماسمعت من النقض


بيت للشاعر الكبير ملفـــــــــــي المورقي


يقول فيه


درب المسلمين يمين وأنته غديت يسار ** ** عيونك يابن شايق بأصابعك لاطمها



رد عليه جنرال الشعر ابوشنب


أنا مسلم ومجنب (ن) سكة الكفـــــــار ** ** معني منول أضيـق مناســـمهااا

[الرمز]

هذا بيت ورده من محاورة علي الدعيه والشاعر الكبير رشيد الزلامي وصراحة هذه

المحاوره جميله جدا ومن خلال الثلاث السنوات الاخيره اشوفها من افضل المحاورات


علي الدعيه : ما كسبنا من عسير ومن مصيفه كود مصقول يرد القوم عنا

رشيد الزلامي : سيف معنى روحبه ما منه خيفه إقبل اللي جاك واهل السييف حنا

[شداد المري]

ملفي المورقي وزيد بن فهيد المري في النعيريه ..


ملفي المورقي ..


لولا طويق الظلع جيناكم لو انكم في قطر = حتى تثور الدار بغبار اسمع العلم اسمعه

زيد بن فهيد ..


البعد منكم ماحدانا يوم غرنا من فجر = على الغزيز ودمكم فار اسمع العلم اسمعه

ملفي المورقي ..


سويت لك تاريخ فالدنيا بتحريف الصور = تشهد لنا عبده وسنجار اسمع العلم اسمعه

زيد بن فهيد ..


سويت لي تاريخ بفعولً لها عندك خبر = ياما نطحنا كل مغوار اسمع العلم اسمعه

[الرحاال]

موضوع جميل يابوفايح وفي اغلب منتديات الشعر وتشكر على طرحه في المنتدى المميز......








رشيد الزلامي



انشروها في الجريده واعلنوها في الاذاعه = قصتي معكم ياهل وادي كرا قصه غريبه





محمد بن جرشان

مانشرنا الاعلوم الطيب ودروب الشجاعه = مار صايم يوم مايفطر على حبة زبيبه








سفر الدغيلبي

ياشين طبع ابن رسا لاقابلت قوم لقوم = يذبح من الحيين والموتى يحفر قبورها



سود الليالي محتريتك كل ليل وكل يوم = وانت متهاون عن غرابيل الزمان وجورها






مسلط بن رسا

ماعاد للساعه عذر يصحابنا لو ماتقوم = والفرق واضح في سباع المملكه ونمورها


ان كان عندك علم يالروقي ترى عندي علوم = والله يبارك باليال اللي يشعشع نورها

[محمد العبيدي]

رشيــــــــــــــد الزلامي :::

والله إنا نسينا من حنا فاقدينا ** ** تأخذ الراعي وناخذين محتمين الجهامي



عبدالله بن شايق :::


كان شيخك راعي عندك شيوخك ضايعينا ** ** أنت صاحي بس بعض أحيان يأخذك المنامي

[عقاب العنزي]

محمد بن مشيط



حنا بني مره مقابيس الخطر = جيراننا نغزي وناخذ ثارها



كريم العنزي



وحنا بني وايل يقصون النحر = يكفيك عن طول العلوم اقصارها

[سلطان نايف العضياني]

خلف بن هذال

سلام الله سلام يخلص الطالب من المطلوب=سلام ماتبور إبه الرجال والا يبور إبها

أنا الليله كما بحرن يثور ومركبه منكوب=وعادات البحور إنحركت تغرق مراكبها


مطلق الثبيتي

ألا يامرحبا في حلة اللي كمل الماجوب=عسى الله ينصر الحله ويسعد حض صاحبها

نبا ندخلك للجنه كمنك ماعلاك ذنوب=وناسن مثل ابن هذال تسلم مانحاسبها