يا والله القلب صابه هم واحزاني

[شاعر مبتدي]

السلام عليكم ورحمة الله وبركاته

اول قصيده اشارك فيها معكم في المنتدى وان شاءالله تكون قد المقام







ياوالله القلب صابه هم واحزاني=بسباب حبٍ عساه تموت احزانه

ذوقني المر وذقت الموت بالواني=اشوف موتي بعينه طاوي اكفانه

يا كيف ينسى غلاه وصدق الاشجاني=عقب الموده تباعد درب خلانه

حسنه تسيد صبايا الزين سلطاني=موطنه عزٍ تربع عرش سلطانه

دايم واناله رحوم الحال شفقاني=ياعلِ عمري فدى فله وريحانه

ياقوم صوتٍ سمعته داخل اذاني=عز الله اني ذبيح الترف باعيانه

رمش ٍ طغابه يسل السيف شاماني=خدٍ حَّماره لهيب الجمر نيرانه

خصر ٍ نحيل ونعيم الردف روياني=ياويه ردفٍ عليه ابضيق فستانه

ذكره طرالي وانا والنجم سهراني=هاجوس ذكره صباحٍ شع بالوانه

اسوق لجله جميع الحرف والحاني=حبٍ زرعته حشايه هلت امزانه


سلمان العتيبي == شاعر مبتدي

[عنادالرويس]

سلمان

صح لسانك ماشالله عليك وشذا الابداع

ذكره طرالي وانا والنجم سهراني
هاجوس ذكره صباحٍ شع بالوانه

والله انت اللي شعيت لنا بقصيدك الحلو

لك مني خالص التدير والاحترام

اخوك
عنادالرويس

[شاعر مبتدي]

الله يسلمك اخوي عناد الرويس وهذي اول قصيده اكتبها

وبيض الله وجهك وعساك سالم وانا اخوك

[أبو نجر النفيعي]

..

صح لسانك على الرائعه يا شاعر مبتدي ,,
وبيض الله وجهك ..

.
وننتظر جديدك.





أخوك.

[ابوبجاد الرويس]

صح لسانك على الرائعه يا شاعر مبتدي ,,
وبيض الله وجهك ..

.
وننتظر جديدك.

[مخلف الهقاوي]

شاعر مبتدئ..

بدايه رائعه اخوي صح لسانك ويعطيك العافيه

:)

[شاعر مبتدي]

صح بدنك اخوي ابو نجر وجهك ابيض وسلمت

[شاعر مبتدي]

صح بدنك اخوي ابو بجاد والله يسلمك وجهك ابيض

[شاعر مبتدي]

الله لا يهينك اخوي مخلف ولا خلا ولا عدم