العتبان والضرب فالميت

[محمد العضياني]

يا مرحبا ترحيبة التقدير في دار الكـــــــرام=من هاجسً لو ضاقت الدنيا باهلها ما يضيق
يا ربعنا العتبان دام الضـــرب فالميت حرام=ترفعواعن راعـــي القلبــات خوّان الصديق

[أبـــو مشـــعاب المطــيري]

دام البقى يا بواردي ليتك توفر بالكلام=من هاجسً بالمعرفه ما راج عن حيد الطريق
في ربعك العتبان قومً ما نبادلها احترام=نحرق بها لين العرب تعرف مواقيد الحريق

[محمد العضياني]

ياللي سلبت اسم البقيلي كيف اخذته يا غلام=وانته ليا هاجت بك امواج البحرتصبح غريق
حطّاب ليل ولا معك سيفً حديد ولا حزام=والسيل جاك يقلع الشيران من راس العقيق

[أبـــو مشـــعاب المطــيري]

ماني مثل غيري لبن عمه سريع الأنقسام=كلً تحاما وأفترقتوا كل قايد له فريق
العلم طيب وأفتهم للعلم يا راع الملام=نحسب حسابً للعقول الفاهمه يا من تويق

[محمد العضياني]

ما يعترض للقوم غير اللي يفكــــّـون الزحام=وانته تظن ان الذهب ينباع في ســوق الدقيق
انته على ربعك بنفسك معترف لي من شمام=وشهدت بان امطير سنجتهم يخونون الرفيق

[قادح شرار]

هههههههههههههههه حلوة يابو مشعاب . الكتاب يبين من عنوانه

[أبـــو مشـــعاب المطــيري]

التاجر أللي بايع السلعه على وقت الظلام=ما ضر به غش العرب لو قالوا العالم سريق
فالمحكمه ما يخلف القاضي كثير الأزدحام=حكم المزور ياخذه حتى ولو يشهق شهيق

[معجب العتيبي]

شاعرين وابداع وحظور متميز

اسمحلي يابو مشعاب انا بكون في صف ابن عمي عشان ماتقول تتخلون عن بعضكم ههههه

شدو حيلكم امتعونا باللعب والكلام الصدق ولو ان الشعراء مايصدقون ههه

[أبـــو مشـــعاب المطــيري]

سارح البال


الله محييك يالغالي

وكافي شوفتك وحضورك بالصفحه يالغالي

[محمد العضياني]

تراك سجــلت اعترافك عند حامين الجهـــــام=وعرفت بان مطير مقصودي يابو دقنً حليق
لا ترمي البندق بدون عيار تفضحك الانــــام=واللي سواتك ينعذر يبا يقوم ولا يطيــــــــق

[محمد العضياني]

سارح البال

مرحبا تراحيب المطر

نورت الصفحه والصف

[معجب العتيبي]

تراك سجــلت اعترافك عند حامين الجهـــــام=وعرفت بان مطير مقصودي يابو دقنً حليق
لا ترمي البندق بدون عيار تفضحك الانــــام=واللي سواتك ينعذر يبا يقوم ولا يطيــــــــق



بصراحه في الثمانيات

والله يعينك يابو مشعاب شد حيلك والشاعر مايعسره شي

[أبـــو مشـــعاب المطــيري]

تراك سجــلت اعترافك عند حامين الجهـــــام=وعرفت بان مطير مقصودي يابو دقنً حليق
لا ترمي البندق بدون عيار تفضحك الانــــام=واللي سواتك ينعذر يبا يقوم ولا يطيــــــــق




عارف خفاياكم وأعرف أللي على ظهر السنام=ما يلتفت للي سواكم والنوى يمة طويق
خمسه حداكم روحوا والسادس أنته بالتمام=ما باقي ألا عودكم نقطع به أصوات النهيق

[ولد نجم]

هههههههههههههههه

الموت يابو مشعاب


طق



وووووووصح السان الشعار

[أبـــو مشـــعاب المطــيري]

هلا يا خال



انا زعلانً منك لا تحاكيني

هههههههههههههههههههههههه


مهملني من اليوم وانا اتطاحن مع الرياجيل ما جبت حتى الما للصفوف

وهاللحين تقول طق بعد





عطني خشمك >>>>><<<

[محمد العضياني]

انته تهوجس فالصلاه ولا انت صاحي للامام= نسوق لك من صافي الدله وعينك فالبريق
في ماضي الايام ما حطيت بيت ولا خيام =واليوم حديناك يم الموقف اللي مايليق


وصح لسانك يا ابو مشعاب المطيري

شاعر خلوق وحليم وتقبل اعتذراي ان كان ........

ترى الدعوى قصيد

[ولد نجم]

صح السان الشعاررررررر

ولاشنتووو


ابو مشعاب


عان الما عند طواع

اخلص

[محمد العضياني]

ولد نجم صح بدنك ويا هلا

[أبـــو مشـــعاب المطــيري]

البواردي


صح ألسانك ولا هنت يالغالي



ويشهد علي الله ان اللعب معك ينومس

وشاعر خصم ولا يستهان بك

ونسوق ألك العذر ان كان حصل غلط منا والقلوب صحاح يالغالي

[علي فلاح العضياني]

صح لسانك يالبواردي


وسجل اعجابي وتقديري





ولا يهون ابو مشعاب

[محمد العضياني]

ابو مشعاب صح بدنك وماجا منك قصور وافي يالطيب



الفالح ارحب تراحيب المطر

صح بدنك ولاهنت

وشاكرين لك حضورك المشرف