الوداعيه

[الصريح العتيبي]

هناك شخص لايربطني به سوى اخر اسمه واحببت مساعدته والوقوف معه وابلغته ذلك وكلفني بخدمتاّ قمت بها على اكمل وجه لااريد لها مقابل الا اني تعرضت بسببها الى مشاكل انا في غناء عنها وهو يعلم ذلك واحببت ان اودعه وابلغه عدم استطاعتي الاستمرار معه وكان مولد هذه القصيده في هذا اليوم 3/7/1428 واسميتها الوداعيه ارجوا ان تنال اعجابكم واستحسانكم





وين انت يالي تفرق البيض والسود=ياللي تميز نظرتك بين الاضداد

رايك يكفيني عن النقـص والـزود=ويزيدني حكمه وتوجيه وارشاد

العذر منك ومن سلايل هل الجـود=اللي لهم في قمه المجد ميراد

واللي يحط حـدود ويغيـر حـدود=اليوم وسط بلاد والصبح ببلاد

مايستمر امـره ولايمكـن يسـود=لو قالوا انه في العرب راعي شداد

قد قالها لي شايبـاّ ينطـح الكـود=رايه يقيد تايه الراي بقياد

وانا بعد ماني على الوضع محدود=ماعاد لي ياطّيب الساس مقعاد

واحتامها ماذعذعـت ذاري النـود=سلام يبراله شذى المسك والكاد

[دريد ابن الصمة]

وانا بعد ماني على الوضع محـدود
ماعاد لي ياطّيب السـاس مقعـاد

صح لسانك والله ملايين اخوي الصريح العتيبي

قصيده جزله من جزل

وتشرفت بقراءتها

[ماله امان]

مسية بالخير يالصريح والله وانا اخوك مثلك عارف ولكن اسمح لي بهذه

المجاراه الذي قلتها في وقت تنزيل قصيدتك والمعذره كان فيها تقصير0



ياللي بدعت القاف للشعر ممــدود=وبأحسن كلام القول مرفوع الاســناد

حيث العلوم مكمله وانت محمــود=شرح الكلام الزين يشفي له أكـــــباد

تملي على الاجواد والأ على زيـود=الهرج واجد والعرب مـــالهـــــــــــازاد

غير الحكي فالناس والقول ياعـــود=كلاً على كيفه على الدرب منقـــــــاد

واللي سواتك يترك الدار لأ اعبــــود=اللي على الدربين سراد مــــــــــراد

حيثك عزيز الجاه والعلم مشهـــــود=تسندلك البيضأ على رؤس الاشهـاد

أنته وابن مشيب على العز مولــــود=فواز راع الكايده سيد الاســـــــــياد

بالجود والمعروف مايبغي أعضـــــود=خاله وجده شيخ من كل الاجــــداد

واليوم ذاك الدار مافيه من فـــــــــود=طاحت أركونه والولد مـــالــــه اولاد

خربت وخربها سعيد ومسعــــــــــود=واللي طبخ له طبخة ٍ صيدها جـــاد

وجتك الرساله والمعاريف لتعــــــــود=واللي يقدر صاحبه مـــــابعـــــد راد

[الصريح العتيبي]

الاخ/دريد..........سلمه الله
شكراّلمرورك ولطيف عباراتك
دمت بخير

[الصريح العتيبي]

الاخ/ماله امان................سلمه الله
اشكر لاخي مروره العذب ومجاراته وكان بودي بل رغبتي الاكيده الا يصل به غضبه الى ماوصل اليه من انفعــــــــال ودايماّ الوسطيه مطلوبه والمثل يقول (اليا لطمت الخشم تدمــــــــع العـــــــــــين)
وفي الختام دمت برعايه الله وحفظه

[مخلف الهقاوي]

الصريح العتيبي

راائع كعادتك قمة في الروعه

صح لسااانك حتى ترضى

:)

[الصريح العتيبي]

الاخ/مخلف الهقاوي00000000سلمه الله
شكراّلمرورك ولطيف عباراتك
دمت بخير

[الصريح العتيبي]

الاخ/ماله امان0000000000سلمه الله
شكراّ لمرورك ولطيف عباراتك
دمت بخير

[عايض بن زوير]

الصريح العتيبي

ماله أمان

..صحت ألسنتكم جميع..لو ان الجو مكهرب شوي

؛

؛

؛
؛
مقاطي الحجاز

[ابن تميم]

اخوي صريح العتيبي صح لسانك مليون يا الغالي على هذه القصيدة الجزلة وتقبل مروري

[الصريح العتيبي]

الاخ/مقاطي الحجاز0000000سلمه الله
شكراّ لمرورك ولطيف عباراتك
دمت بخير