سلام الله على اللي لاذكرته طار حلو النوم

[سعود البرقاوي]

سلام الله على اللي لاذكرته طار حلو النوم=ابو نجر النفاعي صاحبي واغليه واودّه
انا عندي له علوم(ن) تسره مار فيه علوم=توقف كل واحد من شراستها على حده

[وحي العقل]

سعود البرقاوي

اول محاوره او بالاصح اول بدع اقراءه لك

ومن الان سجل اعاجبي بشاعريتك

وفي انتظار //ابو نجر

[سعود البرقاوي]

طويق

جعلني ما اعدمك يابعد راسي

[أبو نجر النفيعي]

هلا يا مرحبا باللي علومه تونس المهموم = أبن عم وغلاته في ضميري جاء لها مدّه !!
تهرّج لا تفرّج وادرج ادلالك لامير القوم = ومن لد النظر في صاحبه يا نعنبوا جدّه

[وحي العقل]

هلا يا مرحبا باللي علومه تونس المهمـوم

ابو نجر ياسلااااااااااااااااام عليك رد كايف

ولكن لو استبدلت الكلمه اللي باللون الاحمر بكلمه اخرى مثل


((تفرح))

[سعود البرقاوي]

توكلنا على الله والسوالف بين ليل ويوم=تجيكم يارجال الطيب والمعروف والشدة
الا ياهل البجادة لازحفتوا من ورى ام الدوم=تبا تشبع غنمكم والذهيب ادع الله يرده

[أبو نجر النفيعي]

..

طويق لاهنت على المتابعه ..

وتونس متداوله بين مجتمعنا وبالاصح (( ربعنا )) وصارت معنا ..

والكلمه وحده ولافيه فرق // مع اني أؤيد تونس على تفرح :) وكلها سوا

لاهنت يا طويق ..

اخوك

[وحي العقل]

ابو نجر تعجبني


ربما ان الغلط مني ((الاعتراف بالحق فضيله ))


بس يمكن متداوله عندكم يااهل البجاديه


يعني لغه محليه بحته _وانا اشوف الشاعر لابد

ان يبتعد عن اللغه الاقليميه قليلا لانه الذين يسمعون

بيته او يقروانه من شتى القبائل

[أبو نجر النفيعي]

..



عسى ربي يبارك فيك يا شاعر ويا شغموم = ليا من الحرايب قنبعت تسري مع البدّه !!

الا يا سعود حنّا بخير وستر الله عساه يدوم = هذا رد النفاعي كان تبغى يا ولد ردّه

[سعود البرقاوي]

اقول الله يعدينا يابو نجر العتب واللوم=لاقام الشخص يفتن شخص ماهو حوله وقده

مع الاجواء يطير الحر والا الطير ابو زلقوم=ماعاش مع الحرار ولاش به قنّاص يهتده

[أبو نجر النفيعي]

ظلم ناسٍ وفي وقته يقول اني أنا المظلوم = عليّه بالحرام أن النظر في دربه أنلدّه !!
تجاهل سيفنا المحدود واهوه سيفه المثلوم = ولا يسعود وش رايك على هجمات مرتدّه !!