من اروع ماسمعت فتل ونقض بين حبيب العازمي وسلطان الجلاوي

[ابوتيجان]

السلام عليكم

هذي محاورة جرت قبل اسبوعين في الطايف بين الشاعر العملاق حبيب العازمي والنجم الشاعر المعروف سلطان الجلاوي بداها حبيب

حبيب العازمي



ودي اخذ قاف اله زبدة مفيدة=دام فالميدان سلطان الجلاوي
الليال اللي قديمة والجديدة=تعرف ابن فهيد وبخيت العطاوي

سلطان الجلاوي


عاشو اهل الجود والاريا السديدة=سرها قدام والدرب متساوي
مامضى يالعازمي نقدر نعيدة=حلها ماجود يالحر النداوي


حبيب العازمي


العتيبي نظرته دايم بعيدة=وانت خلك من بعيدين الهقاوي
عندنا فرسان وسيوف(ن) حديدة=وان دعانا الامر والله مانراوي

سلطان الجلاوي


لاتسمع في كلام(ن) فالجريدة=تدري انا كفو لاجات العزاوي
من تعب فالوقت حقق مايريده=احسب احسابك لياجات النخاوي

حبيب العازمي


داخت الشعار من بيت القصيدة=واصبحت بلوى من كبار البلاوي
انت الك مذهب ولك سلم وعقيدة=قفل الصندوق عن قوم الرشاوي

سلطان الجلاوي


النشيدة يوم غنيت النشيدة=جمع الناتج وقلي وش يساوي
لاتنزل فالوطن شلة رفيدة=خلها تزحف عن السيل النحاوي

حبيب العازمي


الفقيدة ماغدى منا فقيدة=والعطية للفقير من الغناوي
الله اعلم بالمنية من تصيده=مار شق الليل يالنجم السماوي

سلطان الجلاوي


الفقيدة كان ماجبنا الفريدة=والعطية عندنا بشت حساوي
روسنا يالعازمي روس(ن) عنيدة=وعندنا ماجود للعلة مداوي

حبيب العازمي


الزمان اللي يدبرلك مكيدة=قد عملها للف شاعر والف غاوي
علمو سلطان لايكشف رصيدة=لين يبدى ايران بالحرب النواوي

سلطان الجلاوي


الزمن لوكان يكثر في وعيدة=ماحسبناله وذيب الضلع عاوي

[نادر العش]

..



جميلة ..



اشكرك ..



..

[الهيـــــزع]

الله يعطيك العافيه يابو تيجان

[كريزي نجد]

هل المعنى واضح أتمنى ذلك !!!!!!!!!!!!!!!!!

مشكور أخوي ابو تيجان على المحاوره الجميلة

[عكاش]

الله هذا اللعب ولا بلاش الشبح والسهم وتقابلو لازم يطلع العب له طعم خاص

الشبح


الفقيدة ماغـدى منـا فقيـدة=والعطية للفقير من الغنـاوي


السهم



الفقيدة كـان ماجبنـا الفريـدة=والعطية عندنا بشـت حسـاوي



بيض الله وجهك يابوتيجان

[شامان]

الله يعطيك العافية ،، ولا هنت عالنقل .

[مجودشداده]

الله يعطيك العافية ،، ولا هنت عالنقل .

[ابو فايح]

الحقيقه محاوره راااائعه وليله كانت من اجمل الليالي في مدينة الطائف بحضور زيد العضاله وحبيب والجلاوي وكامل السلمي حيث كانت القاعه تغص بالحضور والصفوف لاتجد مكان للعب والالعاب الناريه تضي السماء مع كل موال للجلاوي ولكن ما احزنني ذلك الليله انها مرت وزيد لم يلعب مع الجلاوي والسبب غير معروف ويقال انه اعتذر عن الحفل في البدايه لكن حبيب اصر عليه بالحضور لان السلمي شاعر مبتدي وسلطان شاعر عتيبي فلابد من وجود شاعر كبير من قبيله اخرى وهذه الابيات اعتقد انها تحتاج الى شاعر لكي يفسر لنا معناها لان من شاهد المحاوره يرى الابتسامات المتبادله بين حبيب والجلاوي بعد كل بيت واعتقد ان المعنى يدور حول الجلاوي وقبيلة مطير والذي جعلني اقول هذا الكلام بيت حبيب.
انت الك مذهب ولك سلم وعقيدة
قفل الصندوق عن قوم الرشاوي



الف شكر لك اخوي على النقل الرائع

[ابوبجاد الرويس]

مشكور اخوي

ولاهنت على المحاوره

ولاهنت

[قادح شرار]

أبو تيجان الف شكر لك على المواضيع الفريدة
والمعنى بين الاثنين مصيبة مدري وش يدور حوله عندي شك والله العالم

تحياتي واحترامي للجميع

[ابو براك]

مشكور على المحاوره الرائعه


والله يعطيك العافيه

[مخاوي العتبان]

مشكووور ابو تيجان على المحاورة

وياشباب من عنده هذه المحاورة فيديو او صوت ؟؟