أبن مسلم
10-Jul-2007, 05:55 PM
رداد الذويبي العتيبي وجه قصيده مسندها إلي انا وناصر بن سعدي العازمي وعبدالله مرزوق المرشدي وانا نبت عنهم بالرد على رداد من غير قصور بالجميع فإليكم القصيدتين لعلها تنال إعجابكم
قصيدة رداد الذويبي العتيبي
ياقبلة المولى على الوجه الطري =اللي بخلق الله ماشفنا حلاه
حازالجمال بكل معنى جوهري=بدٍرتعلا يابن مسلم في سماه
إن كان بن سعدي يبينا نحتري=للمرشدي وانسيرياربعي غزاه
اهل الحميه للكرم تجري جري=والطيب منهم لا حشى ملقا جزاه
نعمين ياهل السيف واهل الخنجري=عتيبه اللي تعمي القوم الطغاه
والله لو عاشوا زمان البحتري =ليـبين مدحه في عتيبه مع ثناه
وارجع لساس العلم والمعنى ثري=ياللي تلبون الطلب للي يـباه
ابا اشرح إلكم قصتي حالي بري=مثل القلم بيدين جاهل لابراه
قدام في هرجي مع العالم جري=واليوم علمي ماتطلّعه الشفاه
جبت التمر نوعين صفري وسري=عسى يعود الحال وإيقرّبْ شفاه
واساس شرّي من غزال مقتري=يلعب على قلبي وزود لي عناه
والعقل يالاخوان ذرا به ذري=شرق وشمال وياصل اجبال السراه
إن جيت ارد النفس عيت تصبري =تقول ياقلب المولع واش كواه
ماتدري إن السم في مجرا المري=صياد ماهر طاح فالقلب وشواه
إله كثير الود يحمل خاطري=ابديت نص العلم ونصه في خباه
انا ادري إنه عن غلاته مادري =سيد العذارا ياعسى قلبي فداه
الله ولا جور الليال اللي عري=تجعل عزيز القوم يرجع في قفاه
لن صاح قالوا واش هذاك المفتري=وإليا سكت وإلياه عودٍ فالعباه
واش حلها واهل البصاير تبصري=لا وجّهوْا لي علم انا اعده غناه
انقا سمين الهرج واترك للهري=حشمه لهم والجدر قوّانا بناه
شعرٍطري واحيان شعرٍماطري=والسيل يالاجواد من يجمع غثاه
كم مزنةٍ تنشي وهلّت ماطري=مره برد وامرار وبل ٍ من سماه
إن جاء على وقته تطيب و تزهري=اشجار جازاها الدهر قاسي جفاه
وايصير منظرها للاعين ساحري=واتلاعب امواج الهوى فاول صباه
ياليت وقتٍ فات يوم اني بري =يرجع لنا قدام ازيد الآه آه آه آه
سوقوا سوالفكم تسلي خاطري=والدرب من يخطيه نعرف واش جزاه
نبي نسامر للنجوم السُّمّري=وانصوغ صفحة شعر يعجب من قراه
من هاجس ٍ فالليل عنا ماسري =نحبك سواليف السعاده في سناه
الطيـّبه من سوقها تشرا شري=والا الرديه مالها حظ ونجاه
تكفون ياشوق العنود الغندري=قولوا لنا كيف البصر كيف السواه
لقيت الي فالسوق بدوا واحضري=والكل منهم في يده شايل عصاه
فيهم جمل واللي سوات البربري=والثاني اللي ماعرفنا واش لغاه
ونشدتهم عن حالهم حسب إخبري =كلا يدور صاحبه واش هو عماه
ياعلهم عند السلايل واجدري=تراثنا ماهو لهم نادي عراه
والظلم مادانيه اشوفه بنظري=يالله قلبي لاتخيب له رجاه
واختامها عداد نو صابري =صلى على المختار من يبغا النجاه
شفيعنا في يوم هول ومحشري = كلا يبي نفسه ولا همه ذراه
وهذا ردي عليه
سبحان من بأمره تدور الأشِهِري= شهر يروح وجاك شهر آخروراه
ابن الذويبي قام يمي يشْري= وللعازمي والمرشدي وجه نداه
وانا عن الاثنين لقافي مشهري=من غير نقص ٍ في هذا ولاهذاه
انا اشهدإنه صاغ قافٍ يبهري= ولاهو على منصاه صعب ليابغاه
يشكي علي من الغزال الأعفِري= الجادل اللي حبها بيح خفاه
وشهي نجاح ويش زينب عسكري= يقول مايسون ماطى(ن)قد وطاه
غيره على قلبي مازولٍ ينطري= انا ومااملك ياعساني من فداه
اهلاً هلا يابيوت رداد أسفري= اللي مثل رداد مانبخل علااه
وضح لها حبك ترى الدعوى فِري=ولاحاصلن لك ماتبيه إلا كذاه
بس إنتبه لاتنخدع بالمظهِري= من يخسر أهل الدين قل تربت يداه
وانا معك بالمال لوماني ثري= وبجاهي أسعى معك لعل وعساه
لاكنّ خلك مسكنه وسط القِري= ولابدويٍ كل واد(ن)قد مشاه
حتى أني أعرف مدخلي من مظهري= واحسب حساب الوقت عجْله من بطاه
اماركبنا فوق جمس(ن)أخضري= ولاركبناالشاص ابوعزبه بماه
وانخى شبابه كلها وبلسمري= واصيح ياخنذف نبي منكم(إ) بداه
وانجيبها بالطيب ولابقشري=ومن يعترض من دونها نلعن ثواه
وجهودنا بامر الولي تاتثمري=ثم يجتمع ردادمع غاية مناه
ونحط لك حفلٍ يليق ويذكرِي= ونبثه لكل الدول عبر القناه
واباأختصر للقاف لومايعسري=لاكن أشوف العلم وصل منتهاه
وسلامتكم
قصيدة رداد الذويبي العتيبي
ياقبلة المولى على الوجه الطري =اللي بخلق الله ماشفنا حلاه
حازالجمال بكل معنى جوهري=بدٍرتعلا يابن مسلم في سماه
إن كان بن سعدي يبينا نحتري=للمرشدي وانسيرياربعي غزاه
اهل الحميه للكرم تجري جري=والطيب منهم لا حشى ملقا جزاه
نعمين ياهل السيف واهل الخنجري=عتيبه اللي تعمي القوم الطغاه
والله لو عاشوا زمان البحتري =ليـبين مدحه في عتيبه مع ثناه
وارجع لساس العلم والمعنى ثري=ياللي تلبون الطلب للي يـباه
ابا اشرح إلكم قصتي حالي بري=مثل القلم بيدين جاهل لابراه
قدام في هرجي مع العالم جري=واليوم علمي ماتطلّعه الشفاه
جبت التمر نوعين صفري وسري=عسى يعود الحال وإيقرّبْ شفاه
واساس شرّي من غزال مقتري=يلعب على قلبي وزود لي عناه
والعقل يالاخوان ذرا به ذري=شرق وشمال وياصل اجبال السراه
إن جيت ارد النفس عيت تصبري =تقول ياقلب المولع واش كواه
ماتدري إن السم في مجرا المري=صياد ماهر طاح فالقلب وشواه
إله كثير الود يحمل خاطري=ابديت نص العلم ونصه في خباه
انا ادري إنه عن غلاته مادري =سيد العذارا ياعسى قلبي فداه
الله ولا جور الليال اللي عري=تجعل عزيز القوم يرجع في قفاه
لن صاح قالوا واش هذاك المفتري=وإليا سكت وإلياه عودٍ فالعباه
واش حلها واهل البصاير تبصري=لا وجّهوْا لي علم انا اعده غناه
انقا سمين الهرج واترك للهري=حشمه لهم والجدر قوّانا بناه
شعرٍطري واحيان شعرٍماطري=والسيل يالاجواد من يجمع غثاه
كم مزنةٍ تنشي وهلّت ماطري=مره برد وامرار وبل ٍ من سماه
إن جاء على وقته تطيب و تزهري=اشجار جازاها الدهر قاسي جفاه
وايصير منظرها للاعين ساحري=واتلاعب امواج الهوى فاول صباه
ياليت وقتٍ فات يوم اني بري =يرجع لنا قدام ازيد الآه آه آه آه
سوقوا سوالفكم تسلي خاطري=والدرب من يخطيه نعرف واش جزاه
نبي نسامر للنجوم السُّمّري=وانصوغ صفحة شعر يعجب من قراه
من هاجس ٍ فالليل عنا ماسري =نحبك سواليف السعاده في سناه
الطيـّبه من سوقها تشرا شري=والا الرديه مالها حظ ونجاه
تكفون ياشوق العنود الغندري=قولوا لنا كيف البصر كيف السواه
لقيت الي فالسوق بدوا واحضري=والكل منهم في يده شايل عصاه
فيهم جمل واللي سوات البربري=والثاني اللي ماعرفنا واش لغاه
ونشدتهم عن حالهم حسب إخبري =كلا يدور صاحبه واش هو عماه
ياعلهم عند السلايل واجدري=تراثنا ماهو لهم نادي عراه
والظلم مادانيه اشوفه بنظري=يالله قلبي لاتخيب له رجاه
واختامها عداد نو صابري =صلى على المختار من يبغا النجاه
شفيعنا في يوم هول ومحشري = كلا يبي نفسه ولا همه ذراه
وهذا ردي عليه
سبحان من بأمره تدور الأشِهِري= شهر يروح وجاك شهر آخروراه
ابن الذويبي قام يمي يشْري= وللعازمي والمرشدي وجه نداه
وانا عن الاثنين لقافي مشهري=من غير نقص ٍ في هذا ولاهذاه
انا اشهدإنه صاغ قافٍ يبهري= ولاهو على منصاه صعب ليابغاه
يشكي علي من الغزال الأعفِري= الجادل اللي حبها بيح خفاه
وشهي نجاح ويش زينب عسكري= يقول مايسون ماطى(ن)قد وطاه
غيره على قلبي مازولٍ ينطري= انا ومااملك ياعساني من فداه
اهلاً هلا يابيوت رداد أسفري= اللي مثل رداد مانبخل علااه
وضح لها حبك ترى الدعوى فِري=ولاحاصلن لك ماتبيه إلا كذاه
بس إنتبه لاتنخدع بالمظهِري= من يخسر أهل الدين قل تربت يداه
وانا معك بالمال لوماني ثري= وبجاهي أسعى معك لعل وعساه
لاكنّ خلك مسكنه وسط القِري= ولابدويٍ كل واد(ن)قد مشاه
حتى أني أعرف مدخلي من مظهري= واحسب حساب الوقت عجْله من بطاه
اماركبنا فوق جمس(ن)أخضري= ولاركبناالشاص ابوعزبه بماه
وانخى شبابه كلها وبلسمري= واصيح ياخنذف نبي منكم(إ) بداه
وانجيبها بالطيب ولابقشري=ومن يعترض من دونها نلعن ثواه
وجهودنا بامر الولي تاتثمري=ثم يجتمع ردادمع غاية مناه
ونحط لك حفلٍ يليق ويذكرِي= ونبثه لكل الدول عبر القناه
واباأختصر للقاف لومايعسري=لاكن أشوف العلم وصل منتهاه
وسلامتكم