مـــاهـو أفضل عطر رجالي عـنـدك ؟؟

[الـــقـــرم]

سلاااااااااااااااااااام احـلـى مـن حـليـب الـمـغاتـيـر :)

..
..

الـفكـره الله لايهينكم كل واحد منكم يكتب افضل عطر قد جـرّبـه

عشان الواحد اذا نزل يبي يشتري عطورات يكون عنده خلفية ..

مهـوب يروح للسوق ويقعد يشمشم المحل كله اللـه لا يبلانـا :D :D :D



بالنسبة لي افضل عطر اسـتـخدمـه دايـم هـو

(( .. عطر الشيـــخ ..))

http://www.2bbb2.com/uploads/504ae3948a.bmp

لـكـن سـعـره غـالـي شـوي بـ 500 ريـال

بس فيه ميزة انه اذا خلص ترجع لنفس المحل اللي اشتريته منه ويعبيه لك بـ 400 ريال بس ..

وانتم وش عطوراتكم المفضلة ؟؟؟

ويـالـيـت تعلمونـا بـسـعـر الـعطــر عشان نعرف نستفيد اكثر

وعطنا عـطـرك يابـو بـجـاد :) :) :)و انقالها الله لشريه لعيووونك :)

مودتــي ..,

[ابوبجاد الرويس]

هههههههههههه

تسلم ومتقصر يالقرم يالذيب ,,,, اجيبلكـ انواع العطور كلهااااا


انا عندي عطر زين معليــه بس معرف وش اسمه:) ,,,,,,,,, وش الحل

الحل هو اشتريه لكـ هديــه ,, ؟ وش رايك :)

ولاهنت على الموضوع الرااااااااااااائع

[الـــقـــرم]

ههههههههههههههههههه

انا عندي عطر زين معليــه بس معرف وش اسمه :) :) :) :) :)
8
8
تبي الحل مالك الا تشريه وتعطينياه واشوفه :) << يا والله اللي متشفق الـهـديـه :) :)

واللـه يسلمك على ردك اللي نور الموضوع

ومـاحدني على هالموضوع الا ان حـنـا في صيف وبعض الناس تشهّـد قبل لا تجلس عنده :)

فقلت رب هالموضوع يفيدنا

تحياتي يالغالي ..

[ابوبجاد الرويس]

مشكور اخوي القرم

ويعطيك العااافيه

وانا اشهد انه موضوع رااائع والأروع انه انت اللي منزلــه

ولاهنت يالغاااااالي

[مخاوي العتبان]

موضوع مميز يالقرم كعادتك مبدع

بالنسبة لافضل عطر عندي اثنين اشوف انهم افضل العطور اللي طلعت

وهي

1_ عطر بلاك اكس رجالي الاسود <<< عطر خيالي وراقي جربه واذا ماعجبك تعال هنا ولك مني قيمته دبل

2_ عطر الور سبورت من شانيل << من خلاوة هالعطر اشمه في اليوم 20 مره


اما عطر الشيخ اللي انت حاط صورته انا شاريه من باريس قاليري ب 550 ولا اشوف انه عطر مميز بالعكس كل من شمه معي قعد يسفل ببي واان اشوف انه عطر مهوب زين

[الـــقـــرم]

ابـو بجـاد ..

لاشـكـر على واجــب واللـه يعافيـك

ومــرورك يـالرويـس أروع مـن الـموضـوع :)
.................................................. ..............
مـخـاوي الـعـتـبـان ..

وجـودك فـي مـوضـوع يـعـتـبر تـميـز لـي :)

ومـا قـصـرت يـالغـالـي ومـشكـوور على اثـرائـك لـموضــوع

وامـا بـالنسبـه للعطر الشيخ فـهـو مـعجبنـي صـراحـه اشد اعجاب وهابلنـي

لـدرجـة اني اشري اثنين منه ،، واحـد في درج السيارة وواحـد في التسريحه

والمثل يقوول ( لولا اختلاف الأنـظـار ،، لبـارت الـسـلـع )
وعطرك ابلاك اكس كان يشريه اخوي مبطي اما هالحين قطعه مدري وش جاه :) :)

[ابن بريم المقاطي]

عطر في غايه الروعه


لكن فيه عطر اسمه الواصل


على ريحه عوود

صدق ان قالو طيب

قيمته 130 ريال بسوق درعه لألأ يفوتكم


تقبل مروري / ابن بريم

[سنافي الهيلا]

افضل عطر عندي

سنيكر هههههههههههههههههههههههههههااااااااي

والله انا عندي واجد مير ماعرف اساميهم

ولاهنت على الموضوع

[مخاوي العتبان]

وعطرك ابلاك اكس كان يشريه اخوي مبطي اما هالحين قطعه مدري وش جاه

اخوي القرم عطر بلاك اكس ماله 3 اشهر بس جربه انصحك

[أسامة العتيبي]

بسم الله الرحمن الرحيم
مشكور على الموضوع الرائع اللي بيستفيد منه أعضاء وزوار كثير
أما بالنسبة للعطورات اللي تبون تعرفون أنها مميزة
1- عطر لينك بلاك" Link Blak " عطر مميز عندي للغاية قيمته بالسوق 100 ريال والوكيل له شركة درعة بس والله روعة وجربوه وراح تذكروني بخير .
2- عطر رويال أسمع الناس تغني به بس والله ماأعرفة بس كلن يمدحة.

[سنافي الهيلا]

يالله الخيره
الله يرحم شيبانكم

لاوالله الا راحت عتيبه

[ابن ريحان]

أخوي هذه عطورات راقية روح الى السوق ودورها وتخير منها :

لانكوم

من تيري موغل

ايــــنجل

جيرلان

Nina Ricci

Givenchy

Escada

Black XS

[مخاوي العتبان]

يالله الخيره
الله يرحم شيبانكم

لاوالله الا راحت عتيبه

وش قصدك ؟؟

يعني علشان نستخدم عطور تقول راحت عتابه ؟؟

[النفيعي999]

الرجوله ماهي باللبس ولا بالشكل

الرجوله بالافعال

ومو كل من خط له شارب قال انا رجال


وافضل عطر هو فهرنهايت منتاز جداا لهالحين استعمله مع انه قديم

[الـــقـــرم]

ابـن بـريـم ..

اللـه يـجـزاك خـيـر عـلـى الـمعلومـه ..

انـا امـوت بـشـي اسمـه عـووود ،، لأن مـزاياه واجــد ومنهـا

اول شي لو تحط شوي من طيب العود على يدك اتـطـول الـريحـه الزينه مـره

وثاني شي انه مهووب بخاخ يروح بسرعه يعني يطول معك حتى لو ان التوله صغيره

بـس فـيه عـذروووب واحـد فقط لا غير واللـي هـو : ـالــــغــــــلا ...

تصدقووون واحد من العيال شاريله توله صغيرة بـ 1500 ريـال
بـس والله انك تعيف كل الطيب عقب هالتوله

ومشكور على مرورك يالمقااااااااطي
......................................
سـنـافـي الـهـيــلا ..

ومن يقووول ما يهوون

بس لو تعلمنا بعطرك كان ازين لو انه كولونيــا :) :) :) عادي اهم شي تعلمنا فيه

...................................
مـخـاوي العتبان ..

انا قلت مبطي يعني شهر او شهر ونص ،، مانيب العب عليك انا :)
وابشر انشاء الله لـشريـه واشوف كانه زين ولا حملتكياه :)
..................................
أســامــه الـعـتـيـبـي ..

لاشـكـر على واجــب يـالـغـالـي ..

والموضوع وقته زين بذّات مع الصيف والروحات والجيات

بس معقووولـة عطر بلينك بلاك بـ 100 ريال ولا من درعـه بعد

اثر الدنيا طاحت .. احسب العطووور لحد الحين غالية شوي

ويعطيك العافيه على مرورك الطيب وما قصرت على مشاركتك

...............................
سـنـافـي الـهيـــلا ؟؟؟

وش جاك انت ،، يععني إذا تعطرت معادني رجـال

الـرجـولـة بـيمنـى راعيها وجيده عند الريجيل

مهوووب يكتمهم بريحتـــه :) :) ويقول ذي رجولــه ههههههههه
..............................
ابـن ريحـان ..

لاهـنـت واللـه على المعلومـات

بس العطور ذي في محل معين ولا لا
................................
النفيعي 999 ..

فهر نهايتي ..؟؟ والله الأسم ذا مهووب غريب علي احس اني قد شفته

المهم مشكووور على مرورك العطر والأروع





مودتــي ..,

[ابن ريحان]

..............................
ابـن ريحـان ..

لاهـنـت واللـه على المعلومـات

بس العطور ذي في محل معين ولا لا
................................







والله اللي يدور الطيب لازم يتعب وانا اخوك

لا بالله من عدة محلات

عندك قزاز وعندك درعة للعطورات غالبية العطورات عندهم موجودة

[الـــقـــرم]

ابــن ريـحـان ..

مـشـكـوووور ولاهـنـت وبـيـض اللـه وجـهـك على الإفــاده

كـل اللي قلته اقدر اجيه ،، بس فيه محلن جاني جفالن منه :) واللي هو باريس غلري
8
8
هـذا المحل ما جيه الا مع نزلت الرواتب ،، يـاهووو غالي هالمحل بس طيبه يعجبك


مودتـي لك يبن ريحا ولباقي الأعضاء

[فهد العجمي]

ههههههههههههه موضوع حلو والعطر الي استخدمه ماني عارف ويش اسمه بس سعره

95 دينار كويتي بسعودي 1180 ريال
لانه 80 دينار عملتها السعوديه 1000 ريال

وشكرن

فهد العجمي

[الـــقـــرم]

فـهـد الـعـجمي ..

ابـك انت لحسة مخي :d :d :d :d :d :d

والله ما فهمت شي

تقووول السعر طيب عطنا عطرك يا مال الشحم

:) :) :) :) :) :)

[دبلوماسي عتيبه]

مسا الخير
ان بغيتو تطيبون صدق
عليكم با.............
1- العود الهندي المعتق ياصل سعره الي 6000 لتوله ( كلام صحيح )
2- ورد طايفي قطفه اولى سعره من 1000 الى2000 بس نادر تلقاه
حاول تحط العود مع الورد في نفس الوقت ( وادع لي)
3-عطر كارون ( الاخضر ) لابرد مع العود الدخون وكل الله سعره تقريبا 150
3- عطري المفضل كارتير باشا سعره 210
4- بعد عطري المفضل فرساتشي القديييييييييييييييم لونه اصفر سعره 170

نصيحتي لكم انحاشو عن درعه وخرابيطها عليكم بالشركات العالميه كارتير ديبون قيرلاين والطقه
وحاولو اذا عطركم المفضل موجود في الطياره اشتره حتى لو يكون فيه فرق في السعر لان الخطوط السعوديه تجيبه من اوروبا لاكن اكثر الي يجينا من دبي يعني تعبئه دبي وهو اقل جوده يعني يبقع وما يطول ريحته و الظاهر ان قزاز كله مثل كذا اما انا شخصيا اشتري من دبنهامز و باريس قلري و وجوه

تحياتي و اسف على الاطاله

[ابوسالم القحطاني]

العود والعطور اللي ذكرتها حلوة وانا مجربها شخصيا..
بس انااعرف شركه اسمها فريدريك ام جديده عندها عطر اسمه اوتوبورتريه جنان هالعطر سالوا عنه..بغض النظر عن باقي العطور اللي بالشركه..سعره 159ريال

[الـــقـــرم]

دبلومـاسـي عـتيبة ..

أول شـي مـشكــور واللـه يعطيك العافيه عـلـى اثـرائـك للـموضـوع ..

أمـا سـالفـت الـتـولـة اللي بـ 6000 فـعـز اللـه انـك صـدقـت ،، مـيـر مـا قـد شـفتلـي دهـن عود زيــن شـوي ، وقيمته رخيصـه من سابع المستحيلات :) :)


ثاني شي : قـزاز اللي تقولـه ما هضمته ،، ياخوي ما عندهم الا صقع بالميات
وانصح الأخـوان ما يجونـه الا مع الراتب ...


الـسـؤال الأخيـر / اين يوجد عطر كارتير باشا في اي محل ...؟

أقتباس من كلام دبلوماسي عتيبة :
نصيحتي لكم انحاشو عن درعه وخرابيطها عليكم بالشركات العالميه كارتير ديبون قيرلاين والطقه
وحاولو اذا عطركم المفضل موجود في الطياره اشتره حتى لو يكون فيه فرق في السعر لان الخطوط السعوديه تجيبه من اوروبا لاكن اكثر الي يجينا من دبي يعني تعبئه دبي وهو اقل جوده يعني يبقع وما يطول ريحته و الظاهر ان قزاز كله مثل كذا اما انا شخصيا اشتري من دبنهامز و باريس قلري و وجوه
........................................
اللـه يعطيك ألـف عـافيـة على الإفـاده وجزاك الله خير ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
ابـو سـالـم الـقحطانـي ..

مـشـكـور على الـمعلومـه ومـا قصـرت
..
..
..
مودتـي وتـقديـري ..// الـــقـــرم ..,

[ناصر الدعجاني]

مشكور على الموضوع

أما بالنسبة للعطر اللي أشوفة ممتاز وقيمته معقوله


happy men
الرجل السعيد
180 ريال
ودمتم

[أسامة العتيبي]

والله أن كل اللي شاركوا في موضوع العطور
من الطبقه المتمرده اللي نجيهم يمين يروحون يسار
ياخي خلك صريح لو على رقبتك ماهو تعلق وتطلع موضوع متميز للغايه
لاعاد تتعودها ياللي على بالي
بالتوفيق لجميع الأخوة المشاركين في موضوعنا
ولاتزعلون ترى أمزح

[سعيد الزهراني]

مشكور على الموضوع

[الـــقـــرم]

ناصر الدعجاني ..

شرفني مرورك واشوا يومنك كتبت العطر بالعربي :)

وما قصرت يالغالي ..
..
..................................
اسامه العتيبي ..
:) ههههههههههههههههههههههههههههههههههههههه :)

صدقت والله اللي يدخل يكتب عطره عشان يفيد ويستفيد
مهوب يلقطله كم عطر ويطلع :)
....................................
الزهرامي ..
شرفني مرورك

[دبلوماسي عتيبه]

يالقرم عليك بالعود ولوهو غالي مو ابو 6000 عاد اقل شوي
اما الباشا فهو عطر مافيه كلام وتلقاه في باريس قلري و وجوه والمحلات الثانيه
وفيه عطر تذكرته
كارتير موست ولا تاخذ الا النسائي افضل من الرجالي وريحته بارده ومسكته
وترى لا شميت ريحته تقول رجالي

تحياتي

[ناصر الدعجاني]

القـــــــــــرم

لو تبي بالأسباني كتبته بالأسباني ههههههههههه


تستاهل الطيب

[ابن زهيميل]

بالنسبة لي افضل عطر اسـتـخدمـه

(( .. عطر الشيـــخ ..))

القيمه 590


لوى


فرزاتشى

[الـــقـــرم]

دبلومـاسي عتيبة ..

بدهن العووود لا توصي حريص والله اني اشريه لو يتعدا الـ1500 بـس صراحـة دايم وقيمته ناااااااااااااااااااااااااااااااااااار

ومشكووور على المعلومـات
..............................................
الدعجاني ...

والله انت اللي تستاهل الطيب يالسنافي

ومشكووور على مرورك العطر
.................................................
ابن زميهيل ..

اقتباس:
بالنسبة لي افضل عطر اسـتـخدمـه

(( .. عطر الشيـــخ ..))
8
8
لا تــقــلــد :) :) :)

صراااحه عطر الشيخ هبل النااس
تحس انك رزه وانت تبخ فيه :) ههههههههههههههههههه


مودتـــي ..,

[ابو غازي]

السلام عليكم
لا هنت يالقرم على هالموضوع الممتع :)

وأحب أن انوه بحديث النبي صلى الله عليه وسلم " حبب الى من دنياكم النساء والطيب " والحديث صحيح رواه النسائي والحاكم وصححه الذهبي وابن حجر

وقد ذكر بعض أهل العلم أن الانسان لو انفق ثلث ماله على الطيب .... فان ذلك لا يعد اسرافا ولا تبذيرا مستدلين بهذا الحديث

والحقيقة اني استفدت معرفة مجموعة من العطور .... بس عاد القرم ضيق علينا .... والزمنا بالمشاركة :)


اللي يدخل يكتب عطره عشان يفيد ويستفيد
مهوب يلقطله كم عطر ويطلع :)



فيه كم عطر نويت اجربهم بناء على ماذكره الأخوة
اولهم :

[align=center]
بالنسبة لي افضل عطر اسـتـخدمـه دايـم هـو
(( .. عطر الشيـــخ ..))
..,

والثاني :


1_ عطر بلاك اكس رجالي الاسود <<< عطر خيالي وراقي جربه واذا ماعجبك تعال هنا ولك مني قيمته دبل



أما العجيب في الموضوع فهو التوافق الشديد بين العطور اللي استخدمها وبين عطور دبلوماسي عتيبة

وفيه عطر تذكرته
كارتير موست ولا تاخذ الا النسائي افضل من الرجالي وريحته بارده ومسكته
وترى لا شميت ريحته تقول رجالي
تحياتي

دي موست كارتيه من أجمل وأروع العطور .... ولي معه ذكريات قديمة وجميلة .... بس عاد اظن الرجالي هو الروعة ... اللي لونه بني غامق وليس له قاعده
وياليت اذا تعرف وين القاه تعلمني .... لاني عجزت وانا ابحث عنه


حاول تحط العود مع الورد في نفس الوقت ( وادع لي)
عطري المفضل كارتير باشا سعره 210
بعد عطري المفضل فرساتشي القديييييييييييييييم لونه اصفر


فرساتشي رائع جدا رغم قدمه .... ولا زلت استخدمه
اما كارتيه الباشا .... فيبيلنا نجربه ونشوف


أما عن أجمل تجاربي مع العطور ..... وأراهن عليها لعشاق العطور الشرقية
فهي خلطات دهن العود مع الورد الطائفي ..... وأبرزهم بلا منافس
سيد عالم جنيد .... بحريني من أصل هندي ( او باكستاني)
ومقره الرئيس في البحرين .... وفي السنوات الأخيرة انتشرت محلاته بشكل كبير في المملكة
مميزاته :
* هو من يقوم بتصميم اشكال العطور ويخرجها بشكل تراثي
* يطلق عليها اسماء عربية جميلة
* يركز بشكل كبير على خلطات دهن العود مع الورد
* رائحة العطر في الغترة قد تستمر من 3-5 ايام ( بحسب النوعية والجودة)

مشكلته :
ان عطوره تنقطع باستمرار .... وينزل عطور جديدة
والسبب أن الطبخة والخلطة تختلف ... فما يستطيع يستمر في انتاج نوعية معينة لفترة طويلة

اجمل عطوره :
أنهار .... سعره 1500 ... بخاخ
اخر مرة طلبته قالوا لي خلص

ريهام .... 700 ريال .... بخاخ
مازلت استخدمه وخايف يخلص ....لانه الظاهر برضه انقطع

تراث .... 500 .... بخاخ
اظنه مازال موجود

كنوز ..... 300 .... بخاخ
اظنه مازال موجود

وعل كل حال .... اذا رحت للمحل ..... قله وش الجديد
واطلب افضل شيء عنده واختصر الطريق[/color]

[الـــقـــرم]

السلام عليكم
لا هنت يالقرم على هالموضوع الممتع :)

وأحب أن انوه بحديث النبي صلى الله عليه وسلم " حبب الى من دنياكم النساء والطيب " والحديث صحيح رواه النسائي والحاكم وصححه الذهبي وابن حجر

وقد ذكر بعض أهل العلم أن الانسان لو انفق ثلث ماله على الطيب .... فان ذلك لا يعد اسرافا ولا تبذيرا مستدلين بهذا الحديث

والحقيقة اني استفدت معرفة مجموعة من العطور .... بس عاد القرم ضيق علينا .... والزمنا بالمشاركة :)




فيه كم عطر نويت اجربهم بناء على ماذكره الأخوة
اولهم :

[align=center]
بالنسبة لي افضل عطر اسـتـخدمـه دايـم هـو
(( .. عطر الشيـــخ ..))
..,

والثاني :




أما العجيب في الموضوع فهو التوافق الشديد بين العطور اللي استخدمها وبين عطور دبلوماسي عتيبة



دي موست كارتيه من أجمل وأروع العطور .... ولي معه ذكريات قديمة وجميلة .... بس عاد اظن الرجالي هو الروعة ... اللي لونه بني غامق وليس له قاعده
وياليت اذا تعرف وين القاه تعلمني .... لاني عجزت وانا ابحث عنه



فرساتشي رائع جدا رغم قدمه .... ولا زلت استخدمه
اما كارتيه الباشا .... فيبيلنا نجربه ونشوف


أما عن أجمل تجاربي مع العطور ..... وأراهن عليها لعشاق العطور الشرقية
فهي خلطات دهن العود مع الورد الطائفي ..... وأبرزهم بلا منافس
سيد عالم جنيد .... بحريني من أصل هندي ( او باكستاني)
ومقره الرئيس في البحرين .... وفي السنوات الأخيرة انتشرت محلاته بشكل كبير في المملكة
مميزاته :
* هو من يقوم بتصميم اشكال العطور ويخرجها بشكل تراثي
* يطلق عليها اسماء عربية جميلة
* يركز بشكل كبير على خلطات دهن العود مع الورد
* رائحة العطر في الغترة قد تستمر من 3-5 ايام ( بحسب النوعية والجودة)

مشكلته :
ان عطوره تنقطع باستمرار .... وينزل عطور جديدة
والسبب أن الطبخة والخلطة تختلف ... فما يستطيع يستمر في انتاج نوعية معينة لفترة طويلة

اجمل عطوره :
أنهار .... سعره 1500 ... بخاخ
اخر مرة طلبته قالوا لي خلص

ريهام .... 700 ريال .... بخاخ
مازلت استخدمه وخايف يخلص ....لانه الظاهر برضه انقطع

تراث .... 500 .... بخاخ
اظنه مازال موجود

كنوز ..... 300 .... بخاخ
اظنه مازال موجود

وعل كل حال .... اذا رحت للمحل ..... قله وش الجديد
واطلب افضل شيء عنده واختصر الطريق[/color]

ابـو غــازي ..
..
..
..

ومـن يـقـول مـا يـهـون يـالـسـنـافـي ـ ـ والله يعطيك العافيـة لـلإثـرائـك الـموضـوع بــالـمـفيــد :)

أمــا يـوم تـقـول فـي عـطـور بـجـربـهـا بـنـائـن عـلـى هـالـموضـوع

أنـا عـن نـفسـي أقـووول واراهـن عـلـى قـولـي عـز اللـه بـيـعـجـبـك ( عطر الشيخ )

لأن سـعـره مـنـاسـب ورائحـة العطر مـاشاء اللـه يـفـوح بـالريـح الزيـن

وهو من النوع بعد اللي ياصلك ريحه من بعيـــد ويقعد ريح العطر في شماغك لفترة طويـلـة


أمـا واللـه دهـن الـعـو مـا آآآخـذه الا من 4 شهووور لأربـع شهووور الماخـوذ غـالـي وما يطـول :) :)

وارجـع مره ثانيـه واقـــول يعيطك العافيه يبو غـازي على هالمعلومــات
وعز الله ما قصرت
..
..
..

مودتـي .. وتـقـديـري ..// الــقــرم ..,

[ ومــشــكــوريــن عــلـى الـتـفـاعـل ]

[شيخ القبيلة]

أحلى عطر في العالم كلة هو
ريف دور تذكرونه يالربع وسعرة 15 ريال وأحيانا تلقاه بي 5 ريال عندي أبو ريالين ويوجد بكثرة عند أهل الضيف على الغسالات هههههههههههه

تحملوني شوي حبيت أوسع صدوركم

[فيصل المسعودي]

افضل عطر استخدمته


كوك شانيل


قديم اعتقد لكن رائحته طيبه عندي انا واحس انه رسمي


والعطورات واجد الصراحه ويحتار فيها الواحد


تقديري

[نبض المشاعر]

القرم اشكرك على الطرح وتفاعل الاعضااء بالموووضووع...

العطرر المفضل واللي استخدمة شانس شانيل قيمتة ((310))ريال وتراة ماكس ..

وانصحكم فية لان ريحتة تبقى على الملابس اكثر من ثلاثة ايام..

دام الود

[راجح النفيعي]

http://www.3z.cc/sml/30/048.gif (http://www.3z.cc/sml)

أخــوي القرم موضوع مميز ورائع ولا غريبه عليك المواضيع الطيبه

أما بنسبه لأفضل عطر عندي..

http://www.3z.cc/sml/30/061.gif (http://www.3z.cc/sml)
karen low
http://www.3z.cc/sml/30/061.gif (http://www.3z.cc/sml)

[الـــقـــرم]

شـيـخ الـقبيلـة ..

بـلـعـكـس طيب كـولونيـا اللي بالليمون << اللي عقب المفطحات دايم :)
ازيـن من ( ريـف دور :) :) ) << بـلـعـون مـا تـطيبـت :)

ومشكووور على مرورك الخفيف والحلو :)
.................................................. .................................................. ....
فـيـصـل الـمـسـعـــودي ..

عـز اللـه انـك صـدقــت ،، كوك شـانـيـل اللـي شكله تقول دايري

والله ياهو عطر بمعنى الكلمـــه ،، بس الحين معاد اشريــه

غيرت العطور اللي ماشين عليها مبطي

ومشكووووووور على مرورك الـعطـر
.................................................. .................................................. .....
..{ نـبـض الـمـشـاعـر } .. <<<< يـاللـه حي مـشرفنــا :)


أول شـي اللـه يـعطيـك الـعـافيـه على كلماتـك الـجميلـه :)

وهـذا الـواجـب لازم نـفيـد ونـستفيـد ،، خـصوصـاً ان حنـا في عطلـه صيفيه


أي شي يجي فيـه طـاري (شانيل ) حلو بـالمـره وخوذو العلم مـنّـي


والله يعطيك العافيه على مرورك العطر واللي اسعدني يالغالي :)
.................................................. .................................................. ......

ومـشـكـــوريــن عـلـى تـفـاعـلكـم ،، وبـيـض اللـه وجـيهـكـم :)
.
.
.
.
مـحبكـم // الــقــرم ..,

[ابو غازي]

دي موست كارتيه من أجمل وأروع العطور .... ولي معه ذكريات قديمة وجميلة .... بس عاد اظن الرجالي هو الروعة ... اللي لونه بني غامق وليس له قاعده
وياليت اذا تعرف وين القاه تعلمني .... لاني عجزت وانا ابحث عنه




يا اصحاب الخبرة في العطور
من يدلني وين القى هذا العطر

[الوليد الاسعدي]

هورايزون :)
يقول اليماني اللي باعه علي ان له 120 ريحة كل خمس دقايق تطير وحدة لين ينتهي !! :) كذاب ابو يمن بس الطيب حليل .

[فيصل المسعودي]

امش يا ابو يمن 120 ريحه


هههههههههههههههههههههه


اجل شارينه من بكره


تحياتي

[فهد النفيعي]

العود الازرق ........