جناح البعوضه

[حكيم الراي]

::

مساكم الله بالخير

القصيدة التاليه من أقرب ماكتبت الى نفسي
أهديها لأعضاء الهيلا
مشفوعةً بتحياتي الحارّة


يالهاجس اللي بين الصبح مابان= بحر الشعر ملزوم بانك تخوضه
مالك عنه مجناب لوكان ماكان = الضيق حاصل والكتابه نقوضه
مليت من دنيا التفاهه والاحزان = وقاطعت بنك أهل النفاق وقروضه
دنيا تصدرها قليلين الايمان = اللي مباديهم على كل موضه
ناس على وقت الملاقا والاكوان = يجيلهم عن درب الابطال جوضه
واهل الطموح أغلب بضاعتهم أشجان = أشجان مخفيه والاخرى معروضه
اخيولهم تركض على كل ميدان = وانفسهم من اللي تشوف مغموضه
احيان جمه بير الامجاد واحيان = تلحق وعنها كل يشيل حوضه
واللي حفر ذكره على مر الازمان = الله في ماضي حياته يعوضه
زعلان ولا ادري على ويش زعلان = ودنياك ماتسوى جناح البعوضه
يكفيك منها شبةْ قبل الاذان = في خايع تشتاق الانسام روضه


حكيم الراي

::

[صنداح الزلامي]

حكيم حكيم حكيم

اسم على مسمى بيض الله وجهك

[حكيم الراي]

::

أخوي

صنداح

أشكرك من الأعماق
على مشاعرك النبيلة

تقبل

إحترامي

::

[ابوبجاد الرويس]

مشكور اخوي

والله يعطيك العافيه

ولاهنت على الموضوع

[فواز أبوخالد]

إبداع بلا حدووووووووووووووود

حكيم الرأي ........ صح لسانك

وبإنتظار جديدك


.................

[مخلف الهقاوي]

حكيم الرأي..

سجلني من متابعي ابداعك ومن المعجبين بما تقدم للهيلا من درر

صـــح لسااانك حتى ترضى

:)

[حكيم الراي]

::

ابوبجاد

مرحبتين

مشكور على مشاركتك
الطيبة

تقبل تحيتي

::