+ مـطـيـر تـزبـن عـلـى قـبـر الـصييـفـي ( القصـة المشهورة ) +

[عامر بن صعصعه]

مساكم الله بالخير جميع يا شبابه ويا خناذف

هـذي القصه المشهوره لمطير يوم تزبن على قبر الصييفي :)

أول شي هــو ::

الــشـيـخ و الـفـارس // فهيد بن مبارك الصييفي شيخ قبيلة النبطة من الخضران من بني عمر من سبيع

والشيخ فـهيـد له مـكانه عاليه عند سبيع وعند القبايل الثانيه

وكـان يـغـزي في نــجــد و في العراق

وفـي الـعـراق كـان ابـن سعدون ( امير قبيلة المنتفق ) مـتحالف هوياه

وعـنـده مـجلــس فيه 300 ميـة شــداد يوم العرب في فقر وجوع


وعندما هاجر إلى العراق في آآآخر حياته قـال قصيدتـه المشهوووره :ـ



سق الركايب واكره النفس بازعال = واصبر على قطع الفجوج الخليه
المرجله قد والاولاد محــــــــــال = قليل من يصبر على المكرهيـــه
طوال الخطى ماتقصر العمر وان طال= مادام ربي ماكتــــب لك منيه
ان ساعفتلك قيل لي ماض الافعــال = وان عاضبت قالوا علومه رديه

وهــو صـاحـب قصيدتـه المشهووووره اللي فيها من الحكم الشي الكثير


لاوعناي وفاطري واعناها = من لايلاوي العسر مايدرك اللين
كل تظلل في بيوت بناهـــا = وانا على حمرا سواة الشياهيـن
كم عقلة قد وردن بي جباهــا = وكم ليلة جينا على الجيش سارين
كم حرة في القيض نرقع حفاها = في لاهب الجوزاء وحنا مقفين
كم فاطر قامت تدانا خطاها = نوب مقفيات ونـــــوب مقبلين
وردن بنا العوجا طويل رشاها = وغرافنا سالم صعوط المجانين
خلية قام ايتطاير قطاهـــا = وزود عليه الجيش وحنا مدركيـــن
وصلن بنا ديار بعيد مداهــا = اخذنا الدبش منها وجينا مفلحيــن
جينا بقطعان تواما ذراهــا = كسابنا يفرح ونحـــذ المفلسين
معنا رجال مالحقنا مداها = بني عمر ربع على الراي صعبين
ومعنا رجال تعجب اللي نخاها = عوامر دايم على الهوش ضارين
كم هجمة خليتها في خلاها = ما عند اهلها زاد نــــاس مجيعين
وخليت رواي روية رواهــا = وخليت مداد لاهله متحـــــــــرين
وباطلب الله عند ربي جزاها = لاجاء الحساب وقربن الموازين


وسـالفـت مطير وزبنتهم على قبره هي ان الشيخ والفارس // ضـويحـي الـعمانـي ( بـعـيد المغـازي )

رايحن هو و ربعه غازين على احـدى القبايـل وعند رجعتهم وكسبهم للحلال وللغنايم ..!!!

الا المطران مخالفينهم يم ديارهم وجـا اخوي موضي وربعه لاحقين مـطيـر وهم يعتزون ، ومن عزوتهم درو المطران انهم من العمانيه وانهم سبعان

فيوم ظــاقتبهم الأرض :) :) زبـنـو على قبر الـصييفـي وقالو لضويحي ترانا زابنين على قبر ميتكم

قال ضويحي : فهيد يجير حي وميت وعفى عنهم وفكهم الله والا موتتهم بسيطه ، صكو عليهم العمانيه ولو بغوهم كان طيرو روسهم

بس انهم زبنو على قبر الصييفي وهو مقدّر عند الجميـــع

والسالفه ذي لها شـواهـد وادلــه واجــد منهـا قصيدة فـالح ابن خـثـلان :ـ



قوم لجوا بفهيـد عفناهـم جهـار = شيمه عرب ورجال والكذب مرفوع
غدو على قبره كما وصف خطـار = قالوا ترى ما عند هالقبر ممنـوع


وقصيـدة كـديميـــس الـعصيمـــي :ـ


و الـشاهـد ان مـطيـر فـيهـم شـطـاره = مـحدن لقاهـا غيرهم بـالمحاظير
ليا عارضـو جمعن وتم انـــــــــــتصاره = يلجون لقبور الرجال المشاهير
قبر الـصييفــــي قـد طلبتو جـــــوار = يو ارهقوكم باللحوق المغاوير
خـطرتـو لقبر السبيعي خطــــــاره = سمعتو انه يعتني بالخطاطيـر
يلزم عليكم يالمطيــــري مــزاره = يو احتماكم من سيـوف المناعير

وهـذي قـصيدة ثانية لـكديميـس الـعصيمـــي وهي تثبت السالفه ايضـاً



تحلقتوا على قبر الصييفي تقول اقباط = على معبد الاقباط في وسط غرناطه
000000000000000000000000000 = تنازى بسبعان على المـوت قلاطـه
000000000000000000000000 = بلاكم سيوف سبيع للروس مساطـه



وتحيه طيبـه لكم ولمنتداكم الناجح

وانشاء الله تكون مشاركتي فـعّـاله وآمل اني قد افدتكم بـالقصـة ...

[مخاوي العتبان]

بارك الله فيك اخوي على هذه القصة والشواهد ولاعدمناك

[عامر بن صعصعه]

:) وياك يا مخاوي العتبان ومشكور على مرورك :)

والله يعطيك العافيه


لاهنت .... :)

[ابوبجاد الرويس]

مشكور اخوي عامر

والله يعطيك العااافيه

ولاهنت على القصة والقصيدة

[عامر بن صعصعه]

الله يعافيك يا ابو بجاد

ومرورك شـرف لي ولموضوعي

:) والله لا يهينك :)

[جنح الدجى]

مساكم الله بالخير جميع يا شبابه ويا خناذف

هـذي القصه المشهوره لمطير يوم تزبن على قبر الصييفي :)

أول شي هــو ::

الــشـيـخ و الـفـارس // فهيد بن مبارك الصييفي شيخ قبيلة النبطة من الخضران من بني عمر من سبيع

والشيخ فـهيـد له مـكانه عاليه عند سبيع وعند القبايل الثانيه

وكـان يـغـزي في نــجــد و في العراق

وفـي الـعـراق كـان ابـن سعدون ( امير قبيلة المنتفق ) مـتحالف هوياه

وعـنـده مـجلــس فيه 300 ميـة شــداد يوم العرب في فقر وجوع


وعندما هاجر إلى العراق في آآآخر حياته قـال قصيدتـه المشهوووره :ـ



سق الركايب واكره النفس بازعال = واصبر على قطع الفجوج الخليه
المرجله قد والاولاد محــــــــــال = قليل من يصبر على المكرهيـــه
طوال الخطى ماتقصر العمر وان طال= مادام ربي ماكتــــب لك منيه
ان ساعفتلك قيل لي ماض الافعــال = وان عاضبت قالوا علومه رديه

وهــو صـاحـب قصيدتـه المشهووووره اللي فيها من الحكم الشي الكثير


لاوعناي وفاطري واعناها = من لايلاوي العسر مايدرك اللين
كل تظلل في بيوت بناهـــا = وانا على حمرا سواة الشياهيـن
كم عقلة قد وردن بي جباهــا = وكم ليلة جينا على الجيش سارين
كم حرة في القيض نرقع حفاها = في لاهب الجوزاء وحنا مقفين
كم فاطر قامت تدانا خطاها = نوب مقفيات ونـــــوب مقبلين
وردن بنا العوجا طويل رشاها = وغرافنا سالم صعوط المجانين
خلية قام ايتطاير قطاهـــا = وزود عليه الجيش وحنا مدركيـــن
وصلن بنا ديار بعيد مداهــا = اخذنا الدبش منها وجينا مفلحيــن
جينا بقطعان تواما ذراهــا = كسابنا يفرح ونحـــذ المفلسين
معنا رجال مالحقنا مداها = بني عمر ربع على الراي صعبين
ومعنا رجال تعجب اللي نخاها = عوامر دايم على الهوش ضارين
كم هجمة خليتها في خلاها = ما عند اهلها زاد نــــاس مجيعين
وخليت رواي روية رواهــا = وخليت مداد لاهله متحـــــــــرين
وباطلب الله عند ربي جزاها = لاجاء الحساب وقربن الموازين


وسـالفـت مطير وزبنتهم على قبره هي ان الشيخ والفارس // ضـويحـي الـعمانـي ( بـعـيد المغـازي )

رايحن هو و ربعه غازين على احـدى القبايـل وعند رجعتهم وكسبهم للحلال وللغنايم ..!!!

الا المطران مخالفينهم يم ديارهم وجـا اخوي موضي وربعه لاحقين مـطيـر وهم يعتزون ، ومن عزوتهم درو المطران انهم من العمانيه وانهم سبعان

فيوم ظــاقتبهم الأرض :) :) زبـنـو على قبر الـصييفـي وقالو لضويحي ترانا زابنين على قبر ميتكم

قال ضويحي : فهيد يجير حي وميت وعفى عنهم وفكهم الله والا موتتهم بسيطه ، صكو عليهم العمانيه ولو بغوهم كان طيرو روسهم

بس انهم زبنو على قبر الصييفي وهو مقدّر عند الجميـــع

والسالفه ذي لها شـواهـد وادلــه واجــد منهـا قصيدة فـالح ابن خـثـلان :ـ



قوم لجوا بفهيـد عفناهـم جهـار = شيمه عرب ورجال والكذب مرفوع
غدو على قبره كما وصف خطـار = قالوا ترى ما عند هالقبر ممنـوع


وقصيـدة كـديميـــس الـعصيمـــي :ـ


و الـشاهـد ان مـطيـر فـيهـم شـطـاره = مـحدن لقاهـا غيرهم بـالمحاظير
ليا عارضـو جمعن وتم انـــــــــــتصاره = يلجون لقبور الرجال المشاهير
قبر الـصييفــــي قـد طلبتو جـــــوار = يو ارهقوكم باللحوق المغاوير
خـطرتـو لقبر السبيعي خطــــــاره = سمعتو انه يعتني بالخطاطيـر
يلزم عليكم يالمطيــــري مــزاره = يو احتماكم من سيـوف المناعير

وهـذي قـصيدة ثانية لـكديميـس الـعصيمـــي وهي تثبت السالفه ايضـاً



تحلقتوا على قبر الصييفي تقول اقباط = على معبد الاقباط في وسط غرناطه
000000000000000000000000000 = تنازى بسبعان على المـوت قلاطـه
000000000000000000000000 = بلاكم سيوف سبيع للروس مساطـه



وتحيه طيبـه لكم ولمنتداكم الناجح

وانشاء الله تكون مشاركتي فـعّـاله وآمل اني قد افدتكم بـالقصـة ...



وعليكم السلام ..

اولاً المعروف بين قبائل الجزيره بـ بعيد الهقاوي .. وبعيد المراميس هو
الفارس صاهود بن لامي رحمه الله

وثانياً : تحيه لكديميس صنع تاريخا لمن لا تاريخ له

ثالثاً : عسى عمرك طويل وترى اسهم المملكه بتنزل هالاسبوع

تولم لها بدفتر وقلم

[القاسي]

قال ايش قال مشهورة

الله يصلحك هذي كذبه اخترعها كديميس وانت صدقتها
حتى سبيع ينكرونها وين قصايدهم من شعراهم وفرسانهم المعروفين في هالسالفة
ماشاء الله انتم تسوون الفعل يالسبعان وكديميس واحد من اقصى العصمة يسويلكم القصايد وين نصرفها هذي
حنا مانصادم غير الي بيارقهم ثقيلة ماهي عصابة ونزبن القبر خوف منهم شر البلية مايضحك

حنا عشرة منا يهزمون قبيلة كاملة وانشد ابوك يعلمك بسالفة هل العشر
اترك عنك هالكذبة المضحكة

[عامر بن صعصعه]

جـنـح الدجـى لا يطق فيك عرق من الزعل :mad: :mad: :mad: :)

اول شي بـعيـد المـغازي هـو الشيخ شـمـروخ الـعمـاني وليس ضويحي لأنـي انا غلطان فووق

ثاني شي خل عنك الألقاب اللي تحطعا من راسك

متى عرفنا ابن لامي بـبـعيـد المراميس ابن لامي هو ابن لامي ما تغير الله يستر الله عليه

القاسي الله يرجك

:) إلــى مـتـى وانتم تجحدووون السوالـف يـالـمطـران وتسرقونهــا :) :)


السالفه ذي مثبته عند كل القبايل

...................

أمــا سـالفـة ( العشر المردف ) فـهـي لـسـبـيـع

وموثـقـه بـكـتـب الـتـاريـخ القديمة

مهـييييب كتبك ذي يالمطيري اللي يسويها ابناخيك :) :)

...................

..................

اخوي عامر النقاش ليس بهذه الطريقة ابدا ...
بإمكانك إكمال النقاش دون الإسائة لقبيلة معينه ...
معا لنقاش مثمر ومفيد وبعيدا عن التجريح ...
اخوك منصور ...

[اخو جوزه]

فعلاً شر البرية ما يضحك ............
بالمطران (حمران النواظر)( أهل المعجزات)( أهل العشر)

...................

أنشد الناس عن مطير وصيتها وتاريخها إلي حاربت دول وديارها من الحره

للمجره ولانت ديرتك مخبوره ولولا الله ثم بن سعود مالقيتلك ديرة

تسكنبها

وبعدين استح على وجهك من الكذب بعض السوالف مالها مطار

تقول مطير تزبن قبر لا وقبر سبيعي

مطير وش ترجي من الاموات بالعقل

لاكن فعلاً احيائكم مثل امواتكموالمعذرة يامطير ويا عتيبه من بعض الكلام

اخي اخو جوزا ...
يحق لك الدفاع ولاكن ليس بالأسائة ...
تم تحرير بعض الكلمات الغير مفيده ...
والأبقاء على الكلمات المهمه ...
اخوك منصور ...

[عوني وخوالي روق]

اخواني الكرام
جنح الدجى
القاسي
اخو جوزه
يارفيعين المقام ترفعو عن من يبحث له عن مقام بين الرجال
أتركوه يعبر ويخرج لسانه الذي لوأخرجه شخصياً أمام اي رجل من رجال حمران النواظر لقطعه
ولكن فليحمد الله على نعمه الانترنت
وأود ان يسأله غيري
...................................
الهدف من انشاء هذا القسم الفائده والاستفاده من الطرح المفيد
والمناقشه بالدليل والبرهان والبعد كل البعد عن سفاسف الامور والكلام الذي نرفضه شكلا ومضمونا
من اراد ان يرد ويناقش كما يجب ان تكون المناقشه فله مطلق الحريه وماسوى ذلك فليحتفظ به لنفسه

الاداره

[الحطيم]

]لاحول ولا قوة الا بالله

والله كلام واسلوب ساخر

كل واحد يستهزأ بالثاني والله عيب

يعني لو انكم في مجلس ومجتمعين تبا تسولفون

بهالاسلوب والله عيب يا رياجيل الرجال نقل سالفه

اما ان تصدقوها واما تكذبوها ولكن باسلوب ارقي من هالاسلوب

واما ان تصل للطعن بالاعراض فهاذي مصيبه ولكن انا عن نفسي

اشره علي المشرفين اللي مخلين مثل هالمشاركات ولا اشطبوها

[بدر بن جبرين]

اخـــــــــــــــــواني /

جنح الدجى و القاسي و اخو جوزه و العوني

السلام عليكم ورحمة الله وبركاته :

لي عتب عليكم عندما تطرقتو لقبيلة سبيع عامة وهي والله قبيلة

عزيزة علينا جميعا ..... واتمنى من الردود تكون موجه لكاتب الموضوع

خاصة وعدم التطرق لقبيلتة من بعيد او قريب

ولي رجاء عندكم بعدم مس اي قبيلة الا بالخير ياخوان .

حتى ولو تطاول البعض على قبيلتنا ...

اود منكم مناقشة المواضيع بهدف كشف الحقاق وتوضيح الصورة

وابتعدو عن المهاترات والمساومات والمزايدات ...... الخ

ارفعو مقامكم السامي .....


والكل يعرف من قريب وبعيد يأخوان قبيلة مطير اذا بتلجأ

فأنها تلجأ الى قوة سواعدها فهي ليست بحاجة الى قبور الموتى .



أضــــــــــــــــاءة:

(( إذا ركلت من الخلف فأعلم انك في المقدمة )) ...



بـــــدر بن جبرين

[مشاري الحبردي]

سلامي عليك يا بن جبرين

مشكور والله يا بن جبرين على هالكلام الرائع

وهذا هو الي يستحق المناقشة

ماهو الي يسب ويشتم

[عامر بن صعصعه]

اول شي اشكر اخوي بدر ابن جـبريـن كثير الشكر على نـقاشـه المثمر
واشكر ابن فهيــد على اهتمامه وحثه بالأتزام بـالأدب عند النقاش

بس انا ما اداني هالنوعيه اللي يقدسون انفسهم ،، ويقولون حنا محد يقد يكسرنا ولا احد يقدر يهزمنا

يا ولد الدنيا مبطي اخــذ ووخـيـذ ، وشولن ما تنكسرووون ابد :)




اخو جوزه انت تقول مطير ومطير واهل المعجزات ...إلـخ

انا والله اني مستغرب :) :)

....................


وحنا والله ما نقول فيكم شي يالمطيري

ما نقول الا كل قبيلة وفيهـا حقها


وارجـع واشكـر بدر ابن جـبريـن على نقاشه المثمر ...


هذا اللي اقدر اقولـــه ولكم اجزل تحيه يـالهيــلا ...

عامر الطعن في نسب اشخاص مخالف لأداب النقاش ...
لا يهمنا ان كانو من القبيلة الفلانيه او القبيلة الاخرى ...
مايهمنا هو التحدث بالادلة والبراهين ...
اخوك منصور ...

[بدر بن جبرين]

اول شي اشكر اخوي بدر ابن جـبريـن كثير الشكر على نـقاشـه المثمر
واشكر ابن فهيــد على اهتمامه وحثه بالأتزام بـالأدب عند النقاش

بس انا ما اداني هالنوعيه اللي يقدسون انفسهم ،، ويقولون حنا محد يقد يكسرنا ولا احد يقدر يهزمنا

يا ولد الدنيا مبطي اخــذ ووخـيـذ ، وشولن ما تنكسرووون ابد :)




اخو جوزه انت تقول مطير ومطير واهل المعجزات ...إلـخ

انا والله اني مستغرب :) :)

يعني انت هالحين وش تماريبه ،، شـهـرانـي جا وتـومـر فيكم ،، ولو انه لاقي قدامه اشناب ما تـشيـخ فيكم هاللحجي


وحنا والله ما نقول فيكم شي يالمطيري

ما نقول الا كل قبيلة وفيهـا حقها


وارجـع واشكـر بدر ابن جـبريـن على نقاشه المثمر ...


هذا اللي اقدر اقولـــه ولكم اجزل تحيه يـالهيــلا ...


اخي / عامر بن صعصعه

تأمل في الأية .....

(( وجعلناكم شعوباً وقبائل لتعارفوا ان اكرمكم عند الله اتقاكم ))

الله لم يقل وجعلناكم شعوبا وقبائل للتتحاربو او تتعاركو او كما الحال الأن لتتهاوشو .

نرجع للموضوع اخي الكريم

ياهداك الله تقول الدوشان من شهران ؟؟؟ اليك اصل الدوشان ونسبهم

اخي الكريم قبيلة شهران قبيلة عزيزة وكريمة ولو كان الدويش منها او غيره لأعتز بذلك ولكن الدويش ينتسب الى ناهس بن فزارة بن غطفان قبيلة مظرية عدنانية تنتســب اليها قبيلة مطيـــر .
هذا ما يقوله الباحث الكبير الشيخ عبدالله بن ماجد الدويش عن الدوشان والناس مؤتمنون على انسابهم وذلك من خلال ردوده على من يدعي ان الدويش من شهران او من حرب اومن غيرهم ومن يقول بذلك ربما لا يـــلام فكلٍ يريد الطيّب من اهله

اشكرك مرة أخرة واتمنى ان يكون في أحد باحثي قبيلة مطير وموثقي انسابها وهو الشيخ عبدالله بن ماجد الدويش دليل قطعي على نسبهم الى فزارة من غطفان .


((يعني انت هالحين وش تماريبه ،، شـهـرانـي جا وتـومـر فيكم ،، ولو انه لاقي قدامه اشناب ما تـشيـخ فيكم هاللحجي))

اخي الاتعتقد انك اخطأت بحق قبيلة بكاملها .

أضـــــــــــــــــــــــاة

ليس العيب ان تخطئ ولكن العيب الآ تعترف بالخطأ


ولك خالص التحية والتقدير ،،،


بدر بن جبرين

[عامر بن صعصعه]

بـدر ابن جبرين تسلم والله على اخـلاقـك الـرفيـعـه

وتسلم وتسلم و تسلم يبن جبريـــن

كـلام منطقي و ما يجي الا من واحـد عاقل

وانا والله ما بغيت النقاش بهالطريقه بس حدوني هالقشران اللي ردو بطريقه مثل وجييهم


تحياتي وآآسف على اللي قلته

[طالب حق]

ولكن الدويش ينتسب الى ناهس بن فزارة بن غطفان قبيلة مظرية عدنانية تنتســب اليها قبيلة مطيـــر .




فزارة ليس له أبن أسمه ناهس

[بدر بن جبرين]

فزارة ليس له أبن أسمه ناهس

في كتاب: كنز الأنساب ومجمّـع الآداب ( تأليف: حمد بن إبراهيم بن عبدالله الحقيل )



يقول المؤلف: ومن علوى الموهه شيخ مشايخهم آل فيصل و آل محمد الدوشان .

قال لي شيخنا الشيخ عبدالله العُـنقري في مجالس التعليم أن الدوشان من ناهس من عدنان

من أرومة أنمار .


قلت أنمار هو بن نزار بن معد بن عدنان .


إنتهــــــــى .





فأن أنمار هو إبن بغيض

وبغيض يرجعون إلى ريث .

و ريث وعبدالعزى هم أبناء غطفان .




إنتهـــــــــــــى


أسأل الله العظيم بأن يوفقنا وياكم لِـمـى يحب ويرضاه



وفي الختام تقبّـلوا مني فائــق الإحتـــرام والتقديــــر



بــــــــــــدر بن جبرين

[عوني وخوالي روق]

ياعامر بن صعصعه
اني اسمع جعجعة ولاأرى طحنا
عندما تحسن أسلوبك وتتكلم بالمنطق وتحترم نفسك
ثق بالله أننا سنحترمك
ولكن لاتجهل علينا فنجهل فوق جهل الجاهلينا
لم نقل اننا قبيله لاتنكسر ولاتنهزم فهاذا محال
ولكن لانرضى ان تغمز وتلمز في حمران النواظر دون ان نرد عليك
اخوي ولدعمي القريب ابن جبرين يانسل الاشاوس والرجال الكرام
لك مني مع التقدير التحيه
الاخوان الكرام المشرفين يعلم الله لااحب المهاترات ولكن
جبرني صعصعه
ولازلت اقول ونعم في سبيع الغلبا كما قلت في ردي الاول
ولكن ليتكم تحذرون صاحب الغمز واللمز بعدم تجريح الرجال
كي يبقى المنتدى ساحه للحوار الهادف ونبذ العنصريه

[(@&الــثــبــيــتــي&@)]

مشكور والله يعطيك العافيه وما قصرت

[اخو جوزه]

اشكر كل المناعير

إلي ردو على صعصعه

القاسي

العوني

الدجى

وبيض الله وجهك يابن جبرين ولاهي غريبه عليك

جدك شيخ بني عبدالله ويسلم راسك واسفين

على بعض الكلام ولاهو بودنا لاكن ازرينا نصبر

على الكذب والتحريف .

تحياتي..................

[عامر بن صعصعه]

أقتباس عوني :
ولكن لاتجهل علينا فنجهل فوق جهل الجاهلينا
.................................................. ....................
؟؟؟ :) :) :) :) :) :) :) :) :) :) :) :) :) :) :) :) ؟؟؟

:) لاتعليق :)


الثبيتي الله يعطيك العافيه على مرورك ولاشكر على واجب



اخو جوزه : عسى ما تكلفت بس :) :)

[اخو جوزه]

ماتقدر تعلق اصلاً لانك طحت في رجال يعطون الحق طلابه

ولو علقت على مانقول كان علقناك محل الكذبه إلي جبتها

وللاسف الشديد القصه الي جبتها صارت فضيحة عليك ومثل العاريه

على شان ثاني مره ما عاد تتجرا على التزوير والكذب

[عامر بن صعصعه]

اخو جوزه تلعب على روحك انت

تكذبها لحالك يالمطيـــري :d

كل خلق الله خابرتن السالفه ذي كلها وبقصايدها بعد :)

وبعدين انتم جاكم غير كذا يا حبيبي


ويوم تقول اني اتهرب من الرد وش اتهرب يعني الرد ورديت عليك

يوم حطيت لا تعليق استخف فيك يا ذكي ههههههههههههههههه
هههههههههههههههههههههههههههههههههههههههههههههه
:d :) :) :) :d

[مخاوي العتبان]

.................................

...................................

اما قصة قبر الصييفي هذي معروفة وتلقاها في المصادر عند ابن بليهد وغيره

ولاتجون تكذبون الريجيل.......................


الله واكبر عليكم يامخلية الرديف نهار عرجا


اخوي عامر بن صعصعه

بارك الله فيك على القصة والله يقويك

اخوك العضياني ...

العضياني لاتخرب جو النقاش بالكلام اللي ماله لازمه ...
قدم المفيد واترك الكلام الغير مفيد ...
اخوك منصور ...

[عامر بن صعصعه]

اخـوي مخاوي العتبان الله يكثر من امثـالك يالـذيب .. ومشكووور على مرورك الطيب والجميــل

وصـراحـة يا مخاوي العتبان معاد خليتلي شي اقوله لهـالمطران كل شي وقلته :) :)



بس ارجـع واقووول ..

مبطي يوم الخيل تنطح الخيل الرجال يعد اللي له واللي عليه ..

..............................................

لاتـكذب الـسوالـف يا اخو جوزه عد اللي لك واللي عليك..................

لا تقلل من شأن احد ...
وارفع مستوى نقاشك بارك الله فيك ...
اخوك منصور ...

[اخو جوزه]

مخاوي العتبان هد السرعه

شفت صعصعه يطبل رحت ترقصله

والله مانجس التاريخ وخربه غير كم ومراجعكم

....................................

(((((صعصعه)))))))))

مرحبابك ................

ولا زلت اقول هات الدلايل ............

اخو جوزه هد اعصابك ...
ولا ترد الإسائه بالاسائه ...
وثق تماما بأني لا اسمح بأي اسائة لأي قبيلة ...
والقسم هذا لم يفتتح إلا لكم ولنقاشاتكم ...
اخوك منصور ...

[منصور بن فهيد]

يقفل الموضوع لعدم إرتقاء النقاش ...