فـــــزّاع .. مسّيت بالخير .. خذلك فنجال ..!!

[أبو نجر النفيعي]

فزّاع مسيّت بالخير ..

استلم :
..


يا مرحبا بمشرّفين الدار من عقب الغياب = اللي لهم وقفه وهيبه في ميادين الرمي!!
نبا نسولف يا عتيبه مع عزيزين الجناب = واطلق شنب لو يعترض لي ما تراخى محزمي !!

[ناصر الجلاه]

دام البقا يالطيبين اهل المكارم والحراب= وسيوفهم بفعولهم يوم الوغا تدما دمي !!


اهرج تكلم وطلع بعرفك على روس الهضاب=وانا على العدوان ساطي يالعتيبي ماأرحمي !!

[أبو نجر النفيعي]

استلم يالغالي ..





نبا نحاسبكم حسابٍ عسْر يقفيه الحساب = اللي يجازيكم على حسب العمل يالآدمي !!
انتم خذيتوا بالمثل ( العقل مدلول الصواب ) = الناس تبني يا صحيبي وانت جايٍ تهدمي !!

[ناصر الجلاه]

يابونجر يابونجر فوق السماء تحت التراب=وش حاصللك من جهتنا يوم غيضك يرزمي !!


حنا خذينا قسمنا وبعيرنا شال الزهاب=وانته يسدك يالنفيعي صاحبي شبر لحمي !!

[نادر العش]

..




الناس تبني يا صحيبي وانت جايٍ تهدمي !!




صحت أفكاركم ياشعراء ..





واصلوا ..



.

[أبو نجر النفيعي]

طيب طيب

دوك


فزّاع يا فزّاع تبغى الصدق يا مال الذهاب = وش لون تنسى ما حصلّك فالنهار المعسمي !!
قسمك ترا عندي شطيرٍ واقفٍ ينصى الرقاب = ترا الحكومه في طريقك لا تحاسبهم عمي !!

[أبو نجر النفيعي]

..
نار العش .
صح بدنك وياهلابك .
:)

[فيصل المسعودي]

ياسلام سلم


صحت السنتكم وعقولكم


وااصلوا ومتابعين لكم يالغالين


ابو نجر سجل حضوري في صفك


ولا يهون فزاع


تقديري

[أبو نجر النفيعي]

..

فيصل المسعودي .
صح بدنك يالغالي .. والصف عامر ..

لاهنت

[ناصر الجلاه]

هههههههه


الشر له بابين وألا الخير ماله غير باب=وانا الحمد الله رف فالعليا شعاري وعلمي !!


اقسومنا تشهد لها العربان ماهي بأكتتاب=بفعولنا رسخت ومن فكري ومن خط قلمي !!

( ابونجر نكمل غدا دوام بكره وانت خابر ) تصبح على خير ..

[ناصر الجلاه]

نادر العش


فيصل المسعودي



لاهنتوا على المرور


والصف واحد يافييييييصل هههههه

[أبو نجر النفيعي]

..

طيب طيب


الحق ما يرضي ثنينه وان حصل فيك اكتئاب = انت اقبله بالطيب ولا بالغصب يامسلمي
خل القسم واليا عطيتك سين هات أليَ جواب = الدرب دله يالعصيمي لاتجينا تخمخمي

[أبو نجر النفيعي]

والصف واحد يافييييييصل هههههه

مافيه شكّه يا فزاع ..

وتصبح على خير :)

[علي فلاح العضياني]

الله اكبر عليكم


شعراء كبار ولعب طيب



مشكورييييييييييين على هالابداع



اخوكم الفالح

[أبو نجر النفيعي]

..

الفالح

اررررررررررررررررحب يالاستاذ

:)

[ناصر الجلاه]

الضاهر إنه يالنفيعي فيك بيحل العذاب=لكن لن مشيتا طبعي وجودي وكرمي


منته دليله يالنفيعي وانت تطرد فالسراب=لاتصير كوره قدم عيني ثم اشوتك بأقدمي

[أبو نجر النفيعي]

..

صح لساانك يالاستاذ فزاااع ..

ولنا لقاء اخر باذن الله

:)

.
اخوك

[فارس الباديه]

صح لسانك ابو نجر النفيعي مليون مليون مره
صح لسانك فزاع مليون مليون مره
وصح السانكم جميع ابداع بيض الله وجيهكم