فـــــــــــــــزاع تعال جاي

[علي فلاح العضياني]

سلامي على الحضّار واخص فزّاع=كمنّه ليا سلمت يسمع سلامي
ترى اللي يعرف الجدي فالليل ما ضاع= يدل الدروب الكايده فالظلامي

[ناصر الجلاه]

هلا مرحبا ترحيب يبري فالأوجاع=ويشف السقيم اللي طواه السقامي


ترى التمر وزنه مًن والبر بالصاع=وانا افهم كلامك وانت تعرف كلامي

[علي فلاح العضياني]

اذا ودّك اتساهم بتحسين الاوضاع=نبا نكتب اسمك مع كبار الاسامي
مدام الشعر مبني على فنّ و ابداع=رفعنا مقامه يا رفيع المقامي

[ناصر الجلاه]

أنا أعرفك شاعر شهم وايضا طويل ذراع=ولكن انا ماعشت في ورثت الأيتامي


تطور مجاله ثم جاله دروب وساع=وحجت يابن ثعلي حجيج(ن) بلا حرامٍي

[فارس الباديه]

صح السانكم ايها الشعراء وابداع و متابعين وواصلوا الله يقويكم

[ناصر الجلاه]

الفالح مسيك بالخير فيه حرف زائد في الشطر الاخير من البيت الاول للسرعه الكتابه تو لاحضته

إذا بغيت تواصل القاف وألا الجايات اكثر لايجي في بالك انه كسر بيت متعمد

مودتي :


ولكن انا ماعشت في ورثـ(ت ) الأيتامـي


ولكن انا ماعشت في ورثـ الأيتامـي

[غازي غالب]

اذا ودّك اتساهم بتحسين الاوضاع
نبا نكتب اسمك مع كبار الاسامي



أنا أعرفك شاعر شهم وايضا طويل ذراع
ولكن انا ماعشت في ورثـت الأيتامـي



متابع متابع ..


لاهنتوا .. واصلوا


وصح لسانك يالفالح ولسانك يافزاع ..



اخوكم ,,