سعود العصيمي لاهنت ,, ياسعود اقرب وأنا وأنت

[ناصر الجلاه]

ياسعود اقرب وأنا وأنت والمقصد نباه=فوق قمة ضلع وألا تحت غبة بحر



ياسعود انته تعرفه وأنا عندي دواه=يوم يكتبها بحرفين في تالي شطر

[علي فلاح العضياني]

الله الله


صح لسااااااااااااانك ملاييييييييينننن يا فزاع واعتبرني في صفك



اخوك الفالح

[ناصر الجلاه]

صح بدك يالفااالح



والصف عااااامر بوجودك يالذيب

[أبو نجر النفيعي]

..

الله الله

صح لسانك يافزاع .. وفي اتنظار سعوود ..

.

[ناصر الجلاه]

صح بدنك يابونجر


وحياك الله يالغااااالي


لاهنت على المرور

[سعود العصيمي]

استلم يافزاع والمعذرة على التأخير والله مدري متى نزلت ابياتك وانا دوب دخلت الهيلا الان ووجدت موضوعك لكن المعذرة



مرحبا ياشاعر ساع ماوحينا نداه = والمعان الطيبه من حجروالا زهر


ياوسيع المعرفه من فعل فعلٍ لقاه = خير والا شر والعلم لاصحاب النظر

[ناصر الجلاه]

هلا ومسهلا يابوطايل وابد يالغاالي امور سهله قاف للتسليه وإن ما توافقنا مباشر الجايات اكثر




البقا ياشاعر(ن) مثل نجم(ن) في سماه=ثابت(ن) في منزله مايغيره الدهر

لو انا بردده فالخبر وابحث خفاه=راح مثل الحصني اللي ليا ردد جحر

[غازي غالب]

ياسعود انته تعرفه وأنا عنـدي دواه
يوم يكتبها بحرفين في تالـي شطـر


ياوسيع المعرفه من فعل فعلٍ لقـاه
خير والا شر والعلم لاصحاب النظر


مبدعين .. واصلوا وصح لسانك يافزاع ولسانك ياسعود .. وازهلوا الصفوف ياعيال العم ..

سجلوا متابعتي ..


اخوكم ..

[سعود العصيمي]

فزاع مالله قسم انا نتواجه في هذا الطرق لكن خيرها بغيرها

مار استلم هالبيتين والمعذره



ماعليكم زود والذيب يعرف من عواه = والخبل لا ركبه الحق مات من القهر

وش تبا من واحدٍ تزهمه يقفي وراه = ماغدا لك شي والعيد يعرف من عصر