المساعد الشخصي الرقمي

مشاهدة النسخة كاملة : لاتاكل التمره


محمدقبلان
07-Jul-2007, 09:38 AM
الله على اللى هربوها على الجمس=من وارد البلجيك يقطر شحمها
حمرا الخشيب ورميها يسبق المس=صنع الخواجه يوم كيف حكمها
ودى بها للى حمس ضامرى حمس=اللى فوادى بالضعافه لكمها
يالله ياموجب صلاواتنا الخمس=ياموجد الدنيا وموجد نعمها
اللى بلانا حط من دونه الرمس=مابا المشاكل يرتفعلى علمها
وليا بلانا الله نحط امس قبل امس=قولٍ ينوخها والاخرى وسمها
انصحك يالمخطى نصيحه كما الشمس=لاتاكل التمره وتهدى عجمها
الحق مثل النور ماينطمس طمس=يبا يذر الكحل واثره لطمها
الهرج والتلفيق واللمز والهمس=كرامة اللى عند بابه خطمها
والمعذره غنيت من خاطرٍ عمس=ماهو بنا هذا ضميرى نضمها

محمدقبلان القثامى

ابوبجاد الرويس
07-Jul-2007, 09:53 AM
الله الله

صح لسانكـ

وبيض الله وجهكـ

وتقبل مروري يالغااااااالي

أبوعزومي
07-Jul-2007, 09:57 AM
ولك التقدير والإحترام

صنداح الزلامي
07-Jul-2007, 02:28 PM
بسم الله الرحمن الرحيم
قصيدة من نوعها جزلاة من شاعر له الباع الطويل في المجال الشعري
لها دلالة واضحة من خلال سمك القصيدة وقوة صياغتها تدل على شاعريتك يا محمد بيض الله وجهك ووفقك الله الى الامام ننتظر جديك

تقبل مروري ولك شكري وتقديري

فهدالعضياني
07-Jul-2007, 08:35 PM
اخوي محمد
صح السانك ويعطيك العافية

مخلف الهقاوي
08-Jul-2007, 05:39 AM
اخوي محمد بن قبلان..

مبدع بمعنى الكلمه..

وشهادتي فيك مجروحه..

صح لسانك اخوي..

تمنياتي لك بالتوفيق والسداد

علي فلاح العضياني
08-Jul-2007, 07:31 PM
صح لسانك وبيض الله وجهك



اخوك الفالح

محمدقبلان
10-Jul-2007, 10:02 AM
لكم كل ود واحترم والله يعطيكم العافيه تحياتى

خالد اوصاهب
11-Jul-2007, 04:05 PM
محمد قبلان

صح لسانك وسلم بنانك

معلا إبراهيم الأسعدي
12-Jul-2007, 04:38 AM
بيض الله وجهك جزل بارك الله فيك

عسكر البارود
13-Jul-2007, 09:38 PM
صح لسانك يا ابن العم

محمدقبلان
15-Jul-2007, 07:44 AM
محمد قبلان

صح لسانك وسلم بنانك

مشكور اخوى على المرور العذب