غير الثنينه ثنين (مباااشر) !!

[راع العلطا]

الوقت يسمح على الشاشه يجي غير الثنينه ثنين=والكل يبدي طواريقه لحاله ياهل الملعبه
حاضر بحاضر ترانا مانحب يصير فالعب دين=وين انت يا اللي على الطاروق و المعنى يكد شنبه

[عبدالعزيز بن جودان الرويس]

راع العطا شاعرٍ فالملعبه يدحم بضلعٍ متين=وترا اعذب الشعر ياراع العطا عن الحظور اكذبه
ابشر بعزك وانا جاهز عسى ربي عليكم يعين=والمركب اللي على الشاطي ليا منك طفشت اركبه

[راع العلطا]

استلم طال عمرك راع العطا الله سبحانه



راع العطا الله وانا مانيب رب الخلق يا مسلمين=و الشعر حكمه وفن ومن بغى المعنى يجي يطلبه
و الله لسوق الحن لين ان من يهدر يجر الحنين=امّا مشا طوع ولا يا ولد جودان نانغصبه

[خيال العجمي]

قصدي مت11111111111111بع

[راع العلطا]

ههههههههههههههههههه
مرحبا يا خيال متابعتك نوماس

[عبدالعزيز بن جودان الرويس]

قدم لنا حكمتك والفن والمعنا شوي ويبين=وراك ماتكتب اسمك ياولد وتكب عنك الشبه
سوقه وجره وانا مرهي وباجيبلك درٍ ثمين=تارد على نهر دجله والبحر خله لمن يشربه

[راع العلطا]

تعيش عيشه هنيه يا ولد جودان طول السنين=ولا ردي المعرفه يا ولد جودان مانحسبه
الاسم عزوه وانا راعً لها مقبل يسار ويمين=و ان كان ابه شي عندك ياوسيع المعرفه قم جبه

[عبدالعزيز بن جودان الرويس]

الله يسلمك لكن الحسن ماهوب مثل الحسين=والطيب انا مامنعتك ياوسيع العرف لا تكسبه
نويت اقوهيك من دلة رجال العرف والغانمين=واعطيك من مقدع اهل العرف يارجال كم رطبه

[راع العلطا]

انته كليت الرطب قدمي ولا نبغى من الزاد شّين=التمر خله لهرشً كل مانوخ يطق عصبه
بيتً تغير علينا ماعرفنا ويش شينه وزين=ونصف العرب ياوسيع المعرفه قد قيل مستعربه

[عبدالعزيز بن جودان الرويس]

الاوله ماعرفتلها ومرت وانت رجلٍ فطين=والثانيه ليش تفضحها وتفلقها بعود احطبه
نيتك نيتك زينها وتكسب كل رجلٍ ذهين=والداب راسه ترا ياصاحبي ماهوب مثل اذنبه

[راع العلطا]

فكرت فيها وحصلت الهدف معروف قدله سنين=اكتب حروف الهجاء بالرمز و العراف ما يكتبه
وان كان راحت عليه بـلخطأ ترجع بفنجال صين=و الداب احطه بوسط النار يارجال واشلهبه

[عبدالعزيز بن جودان الرويس]

روغتك هذي تراها تنحسب لك طيب يابا الحصين=والرجل ياصاحبي لازم يميز ويش في مزهبه
خلك معزب ليا جيناك واذبح للضيوف السمين=اكسب جميله بضيفك وان عطاك الكوت رح شتبه

[راع العلطا]

نوبٍ نحط الشحم لضيف واحيانً يحصل متين = والكوت يبقى على الضيفان انا عيبً علي اسلبه
انت تحوص كما المذكور خل الحب وسط الجرين = ماهي عليناا عليكم ياوسيع العرف منها شبه

[عبدالعزيز بن جودان الرويس]

الحلق ياراعي العلطا ترى مادونه الا اليدين=افتك عمرك من الكهرب قبل لا جيك والسعك ابه
اثرك في مستون عالي وانا كنت احسبنك دوين= ومن كثر ماتسجد لربك تبين في ظهرك احدبه

[راع العلطا]

الحلق يا الشيخ ابن جودان عابـ(ن)له ترى لقمتين=قصيدنا صار بـ التقصيد والشاعر يدق رقبه
عالي وغيري تحت و الخصم انا عابنله المارتين=والكهربا نانحط الكف من دونه ومعي اخشبه

[عبدالعزيز بن جودان الرويس]

لون مرزوق علمكم فنون اللعب يالباديين=ماكان صرتو كذا ياربعي العتبان فالملعبه
ماودي اقول قولٍ يفرح العدوان والشامتين=والحر وده يطير وصيدته ياهن في مخلبه




اخوي راعي العلطا صح لسانك
واشكرك على رحابة صدرك
واعذرني على القصور

تحياتي لك

[راع العلطا]

صح بدنك ولا خليت لرحابه الصدر شي وانا اخوك
هههههههههههههههههههههه :)


شف ال V I P انا بلشت ابك انت وقبلان وكلكم شر