مرزوق الــــــــعــــــتــــيــــبــي (مـــطـــوب دولياً)

[راع العلطا]

السلام عليكم ورحمه الله وبركاته
مساكم الله بلخير جميعاً
مرزوق الروقي لاهنت
اســـــتــــــــــلـــــم



مرزوق وين انت جاوب جعل عمرك طويل=ربعك عتيبه كثيرً من يهابوها
انشد مع الناس وين مزبنين الدخيل=مالي هدف غير ابااا من يصخر لحونها

[خالد المقاطي]

راعي العطا



سجل متابعتي وازهل الصفووف :)
حضور للفتل والنقض

تحيتي

وبأنتظار .. مرزوق العتيبي

[فارس الباديه]

مرزوق وانا اخوك ماخذ اجازه ماظن يجي ننتظر من ينوب عنه

[أبو نجر النفيعي]

مرزوق وانا اخوك ماخذ اجازه ماظن يجي ننتظر من ينوب عنه


وحبيت ابيّن لك مرزوق برقاوي :)

..

[راع العلطا]

كعام المعدي بيض الله وجهك والله انك تسد ولاهيب غريبه عليك طال عمرك



فارس الباديه مشكور طال عمرك على المرور ومشكور على الافاده





ابو نجر النفيعي مشكور طال عمرك على الافاده وعلى مرورك وابشرك اني تداركت الامر و المخطي فـ الاخوان مدّل
كلهم واحد برقا ولا روق ولا روق ولا برقا

[غازي غالب]

مافيه فرقا بين روق وبرقا .. واستلم نيابه عن ابن العم الغائب الحاضر بقلوبنا ..



نيابة ٍ عن هل الشلفى ورمح وصقيل = اللي بنجد العذيه غصب يحمونها
إن كان عندك خبر هات الخبر بالدليل = وان كان مافيه علم احسن تخلونها

[راع العلطا]

حمامة الورق هاضتني بزين الهديل =غنت لحون الغرام و هاضت اشجونها
وقبلان وقف يقول انه بدال الزميل = ليته يشوف القوافي ويش مضمونها

[غازي غالب]

وانا لقيت الجعيره ماشيه دون ذيل = قد صوبت مير انا بزوّد طعونها
لاغاب بلهان ياقف باللوازم شعيل = لو يهبدك تطفي الجمره بغليونها

[راع العلطا]

حميت نجد العذيه وانت خبلً ذليل=اقولها اقولها و العرب قدمي يقولونهاا
اصوب الناس ماصوب وقافي دليل=بقعا عليكم تلف وتنفض قرونهاا

[غازي غالب]

ياليت تكون حاضر بحاضر ,, واستلم ..


عن شاربك نجد تبّعد بعّد نجم السهيل = الموت من دونها وشلون ترعونها
وش فيك بيحت سدك ياقليل الحصيل = رح للعبيدي واخّذ حصه لقانونها

[راع العلطا]

انا حاضر واستلم



قبلان مسكين جاهـ السيل غادً بسيل=لولاي نجد العذيه ما تطبونهاا
انا على نجد يا المسكين ضلي ضليل=حليتها وانت قبلي ماتحلونهاا

[غازي غالب]

خلك من الرين وغادي يالتسذوب الهبيل = ارفع تلفونها سكر تلفونها
من هامة طويق حنا لين ديرة هذيل = مثل الجبال الرواسي ماتهزونها

[راع العلطا]

هذا البلا لالعبنا معك وانت البديل= حنا نحسب اموراً ماتحسبونهاا
الهقوه انك خبل مدري مريضً عليل=علتك بانت معايه لو تخفونهاا

[غازي غالب]

جاك البديل الذي يصرف ذهب للعميل = والله منته بباخصها ومفتونها
ياراعي العايله لطمتك جاتك وشيل = حملك وتخدم غصب والناس يوحونها

[راع العلطا]

انا ولد روق و الطمات للي يعيل=فك الله الي وقفت اليوم من دونها
والله لذوقك يا قبلان سم الغليل=اخصامنا فـ المواقف نفقع عيونها

[غازي غالب]

اعتيبه اعتيبه اعتيبه حماة الدخيل = رفاقة ٍ ضد منهو يقرب اركونها
لا واحسافه كلامك يالعريب الاصيل = ياصاحب الغاديه سكر تلفزونها

[راع العلطا]

قبلان صح لسانك ولاهنت تقبل تحياتي



اختامها مسك و الكادي وعنبر وهيل=لاكن بعض القوافي لاتعدونهاا
خلك مع الطيبه و الواجبه و الجميل=قفلتها جعل من يمك تصكونهاا

[العطــ ابو نواف ــاوي]

صحت السنتكم جميع

وبيض الله وجهيهكم

[فارس الباديه]

صح لسانكم يال$رياجيل والله انكم سنايديه