اي شاعر جيد من عتيبه

[رفيع المنزل]

اي شاعر جيد من عتيبه



في منتدى عتيبه طوال الباع = اهدي سلامي والتحياتي
واريد شاعر يعرف المرماع = ماينطق علوم ٍ هزيلاتي

[ابو شرف]

هلا مرحبا يازين الاطباع وبتسهر كما النجوم الساهراتي

ان جيت في صيف او مرباع تلقى عندنا علوم عجيباتي

[خالد المقاطي]

مرحبابك يارفيع المنزل (( بدون قصور في ابو شرف ))
لاكن هو غير اللحن :) استلم استلم



يامرحبا من شاعر(ن) جزاع = ابعد زنادك واحذر القاتي
ابشر بشاعر يطرب الاسماع = رد الخبر واخذ الجزيلاتي

[رفيع المنزل]

الى الاخ كعام المعادي مع احترامي لابي شرف فهو ليس على اللحن



دام البقا يالشاعر الفزاع = وعلومنا معكم قديماتي
دخلت لكن دور المطلاع = احسب حسابك ضمن الامواتي

[خالد المقاطي]

ويش انت يالى ضايق ومرتاع = هات العلوم اللى مسماتي
السيف فوق ارقابكم منصاع = ترى الجمل ماهو كما الشاتي

[رفيع المنزل]

خلها يالسنافي


ماانته بعرفي شاري وبياع = وانا بيميني واصل مناتي
انتم بحر ماحد ٍ لقا له قاع = روس ٍ تشيخها العماماتي

[أبو مرحبا]

رفيع المنزل - كعام المعادي


صــــــــــح السانكم

واصلووووووووووووو


متابعين

[خالد المقاطي]

خلووووووه اسمحلي يالسنافي توني انتبه :) :)





وانته بعرفي قاصرلك اذراع = وانا وردت وجبت عذباتي
النور ماينغط بالاصباع = ماتقدر لشمس الظهيراتي

[رفيع المنزل]

استلم ياكعام والعذر ماكنت بالمنزل لذلك تاخرت بالرد


ماتعرف الاثلاث والارباع = وتراعي نجوم السماواتي
شمس الظهيره مابها مضياع =وانت بمكانك تقبل وتاتي

[خالد المقاطي]

ماعليــــه يالذيب استلم لاهنت



لاتنتظر طمعه ورى طماع = لو حار فيك الشعر ماباتي
من سرعتك ضيعت علمك ساع = راجع حسابك في سجلاتي

[خالد المقاطي]

ابو مارحـــــــبا مرحبابك


مرورك بحد ذاتــــه عطر
لاهنت على المرور


تحيتي بالنيابـــه

[رفيع المنزل]

استلم تسلم


انا اشهد انه مابكم مطماع = بانت لنا كل الخفياتي
دورت ناس ٍ تعرف الاسناع = ياحيف ماحققت مشهاتي

[خالد المقاطي]

يالكوره اللي شاع صيت(ج) شاع = في كل درب يجي(ج) شواتي
يالموتر اللى تنوي المرباع = دونك؟؟ غديتو فالشعيباتي

[رفيع المنزل]

وش ذا السوالف ياملا القطاع = افرش فراشك والمخداتي
ياطالب ٍ مالشرح به نفاع = ناتجك صفر ٍ بالعلاماتي

[رفيع المنزل]

بما اني بديت ياخ كعام المعادي فاعتذر عن الاكمال واجعل الختام عندك

تشرفت باللعب معك واقبل تحياتي

[خالد المقاطي]

انشهد انك سارح(ن) بشراع = ننطر من الاموات دعواتي
يالله لاتبلانا من اللي ضاع = كسرت بيوت ولابه سواتي

[خيال العجمي]

متــــــــــــــــــــــــــــــــــــــــــــــــ ــــــــابع





واصلوا واصلوا