سلام واتحدى................

[يوسف الروقي]

ياسلام الله سلاما على كل الطروق= من هجوساً تحترم كل جزل وتدركه
ودنا نقدح من الزند مع برقا وروق= مانبا اللي فالمواقف يلكلك لكلكه

[عبدالعزيز بن جودان الرويس]

مرحبا ترحيبةٍ كلها حشمه وذوق= والبحر حوته يبا يلتهم كل اسمكه
انت فوق الارض لكن لد العين فوق=احبك المعنا بعرفك وخصمك يحبكه

[أبو نجر النفيعي]

..

يا سلام يا سلام ..

صح السنتكم .. يالنشاما ..

واصلوا ..

:)

[يوسف الروقي]

البقا باللي يرحب وصاحي للحقوق= ولادرىان الحوت يضوي على كل شبكه
ياعساك اتشرف الربع وحصانك سبوق= والكلام اللي بليا براهين اتركه

[يوسف الروقي]

ابو نجر النفيعي
مرورك تشريف

[عبدالعزيز بن جودان الرويس]

الجواهر غاليٍ سعرها في كل سوق=وانت يايوسف علامك تجينا بتنكه
لد عينك فالمخاييل وتشوف البروق=ولا يغرك هرج رجال مافيه بركه

[يوسف الروقي]

الجواهر فالصناديق والقفل مغلوق= لاتقول انك وكيلا عليه وتملكه
ياجماعه مانبي غير رجالا صدوق= وانت ياعزوز عندك صياح ودربكه

[عبدالعزيز بن جودان الرويس]

ابك انا ماودي افرسك يالخبل الهطوق= لا تزعلني ثم احط راسك فشركه
ياجماعه من يعلم وسيعين الحلوق= بالكلام الزين قدام تبدا المعركه

[محمد العضياني]

يوسف الروقي وعبد العزيز بن جودان

كلام ثمين وعلوم غانمين

صحت السنتكم ولله دركم

[يوسف الروقي]

انت فيك الشك والريب والقلب أمحروق= وان زعلت اضرب براسك جدار المملكة
والله انك ماتعرف الغروب من الشروق= وعيب لوأقول عزوز شاعر وكمكه

[عبدالعزيز بن جودان الرويس]

لو تحلا بلأدب كان قلنا لك خلوق=وانتبه لبليس لا عاد تمشي بسككه
كان راسك فيه من راعي الحذفه فلوق= رح لقسم الشرطه اللي وزانك واشتكه


الاخ الشاعر يوسف
صح لسانك وشرف كبير لي اني لعبت معك
اقبل خالص ودي وتحياتي