(( طرق على الطائر )) مباشره

[خالد المقاطي]

سلامي سلام(ن) يستحق التراحيب = مثل مرحبا يالي ترد السلامي
انا اليوم ضيف(ن) عندكم يالمعازيب = عتيبي من عتابه كبار الاسامي

[سعود البرقاوي]

هلا مرحبا لو كان مانعلم الغيب = تراحيب يدفعها الوفاء للامامي

عتيبي وربعك منبع الجود والطيب=هذاه الكلام اللي عليه الكلامي

[أبو نجر النفيعي]

..

عتيبي وربعك منبع الجود والطيب
هذاه الكلام اللي عليـه الكلامـي

يا سلام يا سلام ..

صح السنتكم .. واصلوا يالنشاما ..

// متابع \\
..

[خالد المقاطي]

بقدملك الفنجال والعود يالذيب = مادام انت بن برقا وقسمك سنامي
مكان القمر فوق النجوم المراقيب = ونور القمر وضاح يجلا الضلامي

[سلطان الحربي]

انا مع كعام المعادي
شد حيلك

[سعود البرقاوي]

مجمّل ولايدخلك شكه ولاريب=انا ماعلي خلاف وانته تمامي

تقوله وانا ادري مار يمكنه يغيب=وش تقول يالشاعر رشيد الزلامي

[أبو نجر النفيعي]

..

تقوله وانا ادري مار يمكنه يغيب ..
وش تقول يالشاعر رشيد الزلامي

.
ابدااااع يابو فهد .. واصل واصل

.

الداب الداب

:)

[سعود البرقاوي]

ابو نجر النفيعي

لاعدمتك والله يخليك لي يامسندي

[خالد المقاطي]

عقلنا جمال القوم ثم شقت الجيب = وصمنا مع اللى صام وقت الصيامي
لو ان العمى يرمي مثل زيد ويصيب = ماراحت خساره من رصاص الحزامي

[خالد المقاطي]

سعود البرقاوي آسف على التظاخير عطل فني حصل :)

النفيعي لاهنت على المرور

الحربي فديت خشمك الصف الصف ياشبابي

[سعود البرقاوي]

طيب طيب طيب

[سعود البرقاوي]

على الهون ياكعادم المعادين .. مانيب=بماشي معك من فوق ريش النعامي

يحق لك تشره يوم ماترغب العيب=لكنه عمى ويعكس سير النظامي

[خالد المقاطي]

طيب طيب طيب
استلم استلم



تبا تارد الجمه وجوك الاشانيب = ولاذقتو الجمه على الحرامي
ياجساس رمحك كيف ترميه لكليب = نشدته علامك قال مدري علامي

[سعود البرقاوي]

مكاتيب مانقدر نرد المكاتيب =ليا جت من الله يارفيع المقامي
لا والله لحقك الكبر ياخوك والشيب= اعلمك لكن ماتريد العلامي

[أبو نجر النفيعي]

..

الله الله شعار يجبرونا على المتابعه ...

واصلوا يالربع ..

سوا سوا

:)

[خالد المقاطي]

لاهنت لاهنت لاهنت ياسعود
والله رايتك بيضى اسعدني اللعب معك
والختام عندك ومعك استلم استلم




تراقب علومي بس قلى وش اتجيب = تسوق المطيه غرب والبرق شامي
لو ان البكا يامطير يحيي تراحيب = بكيتو على قبره ثلاثين عامي

[خالد المقاطي]

ارحب ارحب يابو نجر متابعتك
شرف لاعدمتك سو معي والا مع سعود البرقاوي