مصاحفه اولى والقريب يقرب (مباشر) !!

[راع العلطا]

السلام عليكم ورحمه الله وبركاته
صبحكم الله بلخير
مشاركه اولى والقريب يقرب


يا سلامي على اللي يستحق السلام=ردتن من هواجيسي واغنيبهاا
ياعتيبه مطوعت الصعب فـ الزحام=ودي ابدي بقافي مع لواعيبهاا

[رفيع المنزل]

اسمح لي يالاخ ابلعب معك

تفضل


ياهلا للرجال اللي تعرف الكلام =من رجال ٍ وفيه في مواجيبها
كانت تسمح لي العتبان جيتك شمام= تخطي السالفه والا عسى تصيبها

[أبو نجر النفيعي]

..

صح السنتكم ..

واصلوا سنود .. :)


وحياك الله بيننا يا راع العطا ..
.

متابع ،،

[راع العلطا]

انت وافي وكافي ماعليكم ملام =الذيابه تجاوب لاعوى ذيبها
يازبون الركايب يارفيع المقاام = نية الخير والمعروف تحريبها

[خالد المقاطي]

ياسلام ياسلام

متــــــــابـــع

[رفيع المنزل]

ماعليكم زيادة يالرجال الكرام = لكن السالفه مطلوب ترتيبها
انت ماجيت غير انك تسل الحسام = وانت طيب ومثلك ناس ياطيبها

[فهد العجمي]

الله عليك يا رفيع بس ترى انا رديت عليك وين ردك

اخوك/فهد العجمي

[راع العلطا]

علموني من ايا ناس وخذ العلام =علمتنا الليالي عن تجاريبها
سيفنا لاضربنابه يقص العضام = يبطي الخصم والضربه يهذريبها

[رفيع المنزل]

من رجال ٍ يفكون الضعن والجهام = مار مااااظنك تدور مناسيبها
بس حافظ على علطاك يوم الزحام = فكها قبل مالشجعان تغدي بها

[راع العلطا]

ياعتيبه مطوعت الصعب فـالزحام ........ودي ابدي بقافي مـع لواعيبهـاا

بس حافظ على علطاك يوم الزحام.......فكها قبل مالشجعان تغـدي بهـا


استلم لا هنت



نعرف الحرب من عادك بسن الفطام=لحيه الخصم يا الاجواد ابوميبها
ناون اسوقكم سوق الجمل بـ الخطام=لين تعرف رقيه من معازيبها

[راع العلطا]

..

صح السنتكم ..

واصلوا سنود .. :)


وحياك الله بيننا يا راع العطا ..
.

متابع ،،



ابك البقا يا ابو نجر ولاهنت ومشكور على المرور

[راع العلطا]

ياسلام ياسلام

متــــــــابـــع



مرحبا يا كعام المعادي ومشكور على المتابعه

[رفيع المنزل]

نلوي يديك ونخليك تقسم قسام = كل ماشفت زيلة ماتنادي بها
ابك حنا عدانا ماتنول المرام = احفظ اللحيه اللي تفتل شنيبها

[راع العلطا]

ماتطول السماا لوطرت مليون عاام = الملاعب معي حكمه بساليبها
من نوى لحيتي نكتب عليه العدام = حافظ ن لحيتي قدام تحكيبها

[رفيع المنزل]

السما وينها ما اشوف غير الحمام = والحمامه ترانا مانراعي بها
لحيتك في يدي محكم عليها احتكام = وانت لحيتك قل لي وش تسوي بها

[راع العلطا]

انت عينك تحت بين الثرى واللثام = ذي حقيقه وكل الناس تدريبها
انشدك ماتجاوب ياطويل السنام =عزوتك ويش حتى انك تماريبها

[رفيع المنزل]

جاك علمي بالاول ياهذاه الغلام = لاتكرر لي النشده ولاتجيبها
وش يفيدك وحنا بظل دين ونظام = وكل يمنى لها المدح بمكاسيبها

[راع العلطا]

رفيع المنزل لاهنت وصح لسانك واسمح لناا على القصور

[رفيع المنزل]

راع العلطا صح بدنك
تشرفت باللعب معك

ولنا لقاءات ثانية ان شاء الله


تحياتي