المساعد الشخصي الرقمي

مشاهدة النسخة كاملة : قصيدة شاب في أمه يوم ماتت وياه بحادث!


راجح النفيعي
30-Jun-2007, 06:52 AM
http://www.3z.cc/sml/30/bloem_15.gif (http://www.3z.cc/sml)
http://www.3z.cc/sml/31/006.gif (http://www.3z.cc/sml)
السلام عليكم ورحمة الله وبركاته

قصيدة كتبها شاب صار له حادث سيارة ووالدته كانت معه وكان مسرعاً
نتيجة هذا الحادث والدته توفيت نتيجة الإصابات الخطيرة وهو إصابته كانت خفيفة
وهذي الأبيات قالها للذين يواسونه...


يواسيني وانا الميت وحالي يجبـر الدمعـات
تسيل من الذي فيني ويبكـي وهـو يواسينـي

وانا ابكي واتنهد وارسـم بالحـزن لوحـات
يجبروني عشان امشي ورجلي مـا تمشينـي

قتلت رعايتي بيدي قتلت الحـب والرحمـات
حرمت النفس من حقها وانا ابكيهـا وتبكينـي


وكنه حلم قدامـي يقيدنـي مـن الصرخـات
ابي اصحى ولكني عجزت القى الي يصحيني

فداك القلب يايمه ومهمـا قلـت مـن كلمـات
صغيره في كبر حقك بـس اتمنـى تعذرينـي

نهبت الفرح من بيتي صحيح اني خسيس الذات
صحيح اني ولد طايش وكل ما أسمعـه فينـي

تجول عيونهم فينـي تفصـل منـي قياسـات
وتشيح وجوههم عني وكنـي غيـرت دينـي

يظنوا حزنهم اكبر وهم اصحـاب هالمأسـات
وانا اتحدى اذا فيهم ربع مـا يحتـرق فينـي

نقص قدري بعد موتك وغابت نشـوة اللـذات
وصـار الهـم عكـازي اباكيـه ويباكيـنـي


عطيتيني بدون حساب ولا سمعتك تقولي هات
وانا اشرب حيل من دمك ودمك مـا يكفينـي

يايمه ارجعي كافي ابجلس معك لـو لحظـات
واقبل ايدك ورجلك وافرش لك رمش عينـي

يايمه ما تحملهم يقولوا فـات مـا قـد مـات
تعالي غيري هالقول واطيعـك باقـي سنينـي

واترك عادة التدخين وانفذ مـا تبـي بسكـات
واصلي الفجر في المسجد قبل منتي تصحيني

يايمه ارجعي تكفين وطفـي شمعـة الآهـات
ابيك انتي ولا غيرك علـى موتـك تعزينـي

وضميني وداويني مثل مـا كانـت الهقـوات
ما ابي احدن يواسيني ابيـك انتـي تواسينـي

دخيلك بس لا تبكي اذا شفتي بـي الدمعـات
انـا مقـوى ابكـيـك اذا انـتـي تبكيـنـي

الله يرحم أمه و أمهات المسلمين وأن شاء الله ربي يغفرله

http://www.3z.cc/sml/31/011.gif (http://www.3z.cc/sml)
راجح النفيعي
http://www.3z.cc/sml/30/0033.gif (http://www.3z.cc/sml)

الجمل العدواني
30-Jun-2007, 11:24 AM
الله يرحم اموات المسلمين

لاهنت يالنفيعي

لؤي وائل
30-Jun-2007, 01:19 PM
الله يرحمها ويغفرلها


لا هنت اخونا النفيعي

ابوبجاد الرويس
30-Jun-2007, 05:40 PM
مشكور اخوي راجح

والله يرحمهم

صعوط المجانيين
30-Jun-2007, 05:47 PM
الله يرحم اموات المسلمين




الله لايهينك

هضيباني
30-Jun-2007, 10:11 PM
الله يرحمها
وجزاك الله خير

راجح النفيعي
30-Jun-2007, 11:30 PM
http://www.3z.cc/sml/30/012.gif (http://www.3z.cc/sml)
أخواني الأعزاء
(الجمل العدواني_لوئي وائل_ابو بجاد الرويس_صعود المجانين_هضيباني)
.................................................. ..
أسعدني مروركم الطيب ولا هنتو يا الغالين
..................مع التحيه...................

محمد الزايدي
05-Jul-2007, 04:35 AM
الله يرحم اموات المسلمين

الله يعطيك العافيه

ولاهنت

شبل عتيبة
05-Jul-2007, 08:14 PM
الله يرحمها وأموات المسبلمين

آمين



مشكور أخوي على الموضوع

راجح النفيعي
05-Jul-2007, 08:36 PM
http://www.3z.cc/sml/30/bloem_05.gif (http://www.3z.cc/sml)
أخواني الكرام

الزايدي2006 _ شبل عتيبه


شاكرلكم على المرور الطيب ولا هنتو يا الغالين

http://www.3z.cc/sml/30/bloem_05.gif (http://www.3z.cc/sml)http://www.3z.cc/sml/30/bloem_05.gif (http://www.3z.cc/sml)

سمو النفس
09-Jul-2007, 02:41 AM
الله يرحمها ويغفرلها


لا هنت يالنفيعي

يوسف الربيعي
09-Jul-2007, 03:27 AM
الله يرحمها ويرحم اموات المسلمين انه قريب مجيب الدعاء

ابـ معاذ ـو
09-Jul-2007, 06:45 AM
الله يرحم امه ويرحم اموات المسلميني ولاهنت يالنفيعي بس اقدمله نصيحه الموت حق على كل حييني وهو لاله دخل في موتها ولا في حياتها بس كل شي مكتوب والواحد لازم يكون عنده ايمان بالله ع8ز وجل والله يرحمها ويسكنها فسيح جناته امين ___ ولا هنت يالنفيعي قصه مؤثره جداا

الهضيباني
14-Jul-2007, 11:55 PM
الله يرحم اموات المسلمين

ولاهنت يبو منصور النفيعي على الموضوع

مع تحيات زيـاد سعود الهضيــباني