تصريحات جريئة أطلقها أحد الشعراء !!

[كريزي نجد]

تسببت تصريحات جريئة أطلقها أحد الشعراء الشعبيين في أحدى قنوات الشعر الفضائية في حدوث أزمة حقيقية بين أطراف الشعر الشعبي في الخليج العربي , وكان الشاعر قبلان السويدي الشمري قد أطلق تصريحاته النارية التي وصفها البعض بـ (الصريحة في وقت المجاملات والكذب ) في إحدى القنوات الشعبية الشهيرة مساء أمس مخلفاً وراءه موجة من الغضب والاستياء البالغين من جمهور الشعر الشعبي في الوطن العربي , وكانت تصريحات الشمري في اللقاء التلفزيوني المثير للجدل قد انطوت على كشف حقائق تدور حول برنامج شاعر المليون حيث قال الشمري أن هذا البرنامج برنامج مادي بحت ولا يهدف إلى خدمة الموروث الشعبي , ويكمل الشمري تصريحاته النارية ويضيف أن لجنة التحكيم قاصرة ولا تستحق هذه المنزلة واختيارها كان خاطئاً , ويضيف أن أحد الشعراء المشاركين في البرنامج وهو الشاعر السعودي تركي الميزاني لم يكن يكتب القصائد في برنامج شاعر المليون , حيث ان جميع قصائده مكتوبه من قبل أشخاص آخرين . ويقول الشمري ( أقطع يدي اذا كانت القصائد لتركي الميزاني ) مما أثار مذيع البرنامج وطالبه بعد ذلك بتحمل مسئولية كل ما قاله , ويكمل الشاعر قبلان السويدي الشمري تصريحاته ويقول أنه يتحدى أن يأتي تركي الميزاني بقصيدة من نظمه تكافئ في جودتها قصائده في شاعر المليون في تحدى واضح لمقدرة الشاعر المطيري , وقد أثارت هذه التصريحات ردود أفعال قوية على المستوى الشعبي ما بين مؤيد ومعارض في حين احتدمت منتديات الشعر الشعبي بردود وتعقيبات ساخطة على تصريحات الشمري وقالوا بأنه شخص لا يفقه ما يقول وكلامه عار من الصحة . وتواترت انباء عن صراع محتدم بين أقطاب الشعر الشعبي في الخليج العربي بعد هذه التصريحات وأن بعض الشعراء فضل السكوت والتزام الصمت على أن يخوض في مثل هذه المجالات بالغة الحساسية على حد تعبير أحد الشعراء .

منقـــــــــــــــــــــــــــــــــــــــــــــــ ــــــــــــــــــــــول

[ابوبجاد الرويس]

مشكووووووور

والله يعطيك العاافيه ولاهنت على الموضوع

اصلا حنا خابرين ان قصائد تركي 2000 مهب له وكلا يدري عن هذا الخبر

النااس يقولون انها لمحمد الخس

ولاتركي ميدري وين الشعر رايح

ويعجبني الشمري بصراحته

ويعطيك العاافيه

[محمد الزايدي]

الله يعطيك العافيه موضوع رااااائع


وأنا الي سمعته أن قصيدته الاخيره ماهي له

والله أعلم

[الشاهين.]

أنا شفت اللقاء وتريحاتة قوية مرة والرجال ماتحدى تركي إلا هو خابرة وخابر مدى قوتة الشعرية


أشكر قبلان على صراحتة الواضحة

[نادر العش]

.
.





لم أتابع الحلقة كاملة ولكن تابعت نصفها .. و أصح جملة سمعتها منه عندما قال :




" شاعر الوطن هو الأب الأخ .. .. .. إلخ: خلف بن هذال العتيبي "




هذه أفضل وأصح عبارة قالها , ..






.

[عبدالعزيز بن جودان الرويس]

بيض الله وجه قبلان السويدي=قال شيٍ ماحدٍ يقدر يقوله
شاعرٍ مبدع وله راي ٍ رشيدي=فج له بابٍ مجودتن قفوله

[ربوع نجد]

عز الله ان كلامه صحيح

برنامج مادي ولجنة داجه

وشاعر ما يعرف ينظم

ووش النكته يقولون شاعر الوطن

[كريزي نجد]

مشكووووووور

والله يعطيك العاافيه ولاهنت على الموضوع

اصلا حنا خابرين ان قصائد تركي 2000 مهب له وكلا يدري عن هذا الخبر

النااس يقولون انها لمحمد الخس

ولاتركي ميدري وين الشعر رايح

ويعجبني الشمري بصراحته

ويعطيك العاافيه

مشكور أخوي ابوبجاد على مرورك
كلنا خابرين لكن وين الشاعر الاعلامي اللي يتكلم ويفضح هذه اللجنة أتمنا من يوسف العصيمي وبعض الشعراء الموجودين في المسابقة كشف الكثير من الحقائق .

[عاشق داورد]

السلام عليكم ورحمة الله وبركاته........................
من وجهت نظري ان الرجل الي طلع في الواحه قليل ادب
وماقال ذالكلام الى يبي الشهره............
وبالنسبه لتركي شاعر كبير ولايستحق شاعر الوطن انا اتفق على انه مايستحق شاعر الوطن لاكن كلنا ندري ان تركي قال قصايد جميله
وهي الي سببت شهرته مثل ماني مجازيك وانت ماشي
كيف يقول تركي مو شاعر نظم وهو حسد الله لايبلاناء
ويكفيكم انه يمدح اديانه ويمدح نجاح ماتلقى وراى ذي الاشكال خير
وهو اعترف انه انكرش من ربعه وماعنده الا الكلام فاضي
صجه وزحمه وانا وانا واخرشي يكتبلي قصايد تفعيله
والله والله انه حسووووود ومريض .................
وجهت نظر مع احترامي لوجهات النظر
اخوكم محمد الحافي

[كريزي نجد]

الزايدي 2006 ، الشاهين ، نادر العش ، عبدالعزيز بن جودان ،ربوع نجد

http://www.l22l.com/l22l-up-1/5c88831dba.gif

[كريزي نجد]

عاشق داورد وجهت نظرك (تسب الناس ) أحترامي لك ولكن الشاعر قبلان متأكد من كلامة والجميع يعرف هذا الموضوع ولكن ( المجاملة ) لشخص بن زايد هي التى قفلة على بعض المواضيع الحساسة في برامج المليون ومنها قصائد تركي !!!!!!!!

نصيحة : من طق باب الناس لقى .................

[عاشق داورد]

الله يهديك قل امين يحبيبي لايكون انت زيه الله يهديك والله اذا كنت انت تايد الي يمدح ديانه ونجاح وهيفاء وهبي فهذا شي راجعلك لاكن انا
اتكلم عن الشعر والي مخرب المنتديات اخوي كريزي نجد العنصريه الزايده ........................ليش مدري...............حنا نتسمع شعر وادب نتذوقه.............مو خطبة حرب وتحريض هذا الكلام الصحيح والي ماعليه غبار ادمي يبيع شعره ويمدح ديانه ومتبرين منه ربعه ولابعد يبي الشهره
على حساب غيره خذها بجهدك ولاتسب العالم والله والله والله والله وانا عتيبي ماني مطيري واتكلم جاد انه مقهوووووور من تركي وماخلا احد
في حاله بن فطيس ...........وحق الاعلام والجنادريه ..........
وحرام اتجادل في ذالك الرجل وتخب عليه وحساااافه انه شمري
وجهت نظر مقتنع فيها مليون فالميه

[العاصمي المالكي]

من يوم أنسحب ياسر التويجري وأنا أعرف أن برنامج شاعر المليون خرطي..................

[راعي المعطاء]

رجل صريح في وقت انعدمت فيه الصراحه

تحياتي

[عمر الراوي]

يعجبوني الطنايا
والله صج
برنامج ماصخ

وتقبل مرووري :


..::.. عمــــــ الراوي ــــــر ..::..

[طلال الثبيتي]

مشكور ياغالي على الموضوع ..


وهذا الكلام ماهو كلام الشمري بس اغلب الشعراء واللي يعرفون الشعر لاحظوا الفرق بين قصيد تركي اللي قبل البرنامج والا بعده !!

بس بغيت اعرف البرنامج على اي قناة ووش اسمه وهل له اعاده ؟

[فرناس]

والله ان قبلان الشمري اطلق شارب من تركي عجرم ابوسنون حراثة
والعجرمي مايطبل له غير حفنة من اقاربه والدليل تشوفون ذكره ميت غير عند ربعه
ولا غناء وفضل على قبيلته واستمات في محبة الفاسقة نانسي عجرم اللي تسب الاسلام غير هالصعوة تركي عجرم ( يامل قلبن غدتبه نانسي عجرم .....واليوم بزهم عيال مطير وخطبها) حتى ماحترم قبيلته ولا باقي المسلمين في غنا عنه

[كريزي نجد]

أخوي طلال الثبيتي

البرنامج شعراء من الخليج في قناة الواحة مع الشاعر قبلان الشمري
شكراً على مرورك

[كريزي نجد]

عاشق داورد يحبيبي أي عنصرية تتكلم عنها !!
شاعر معروف يصرح بكلام يعرفة جيداً وتم نقل هذا الكلام في المنتدى ليستفيد منه الناس ( في وقت المجاملة )
أما حلفك فما أحد طلب من تحلف بالله ونعم بالعتبان والمطران ، الموضوع يخص نفر واحد وليس قبيلة
من مدح نانسي عجرم ياهوووووووو !!!!!!!!!!!

( يامل قلبن غدتبه نانسي عجرم .....واليوم بزهم عيال مطير وخطبها )

هل هو قبلان ولا تركي ؟؟؟؟؟؟؟؟؟

والنعم بجميع القبائل

[البديري]

ياخي ترى ملفي المورقي العتيبي
قال (قدمك تولعت بااريام الخليجية)

والشمري اللي جايبينه من الشارع (شمر ماتعدة )وشمر ونعم

لكن وشلون القصايد ماهي له وكل ليله يضويله فضيحة على الشعراء

اللي قدامه.......

[علي المقاطي]

بكل صراحة .......

استمتعت بحلقة قبلان السويدي على قناة الواحة

تعجبني جراءتة ووضوحة واسلوبة شيق ومثير... وصدرة وسيع...ومرح


اعلامي مثير ...اصاب كبد الحقيقة في بعض الامور ...

عيب الحلقة مقاطعة المقدم فاضل المتكررة لة والتعامل الفظ معة...فعلا فاضل لم يكن جيدا في تللك الحلقة


تحياتي

[لافيزي]

قبلان الشمري يبحث عن الشهرة و عز الله عرف يختار

لكن يا جماعة أنا معكم أن تركي ما يستحق شاعر الوطن لكن ما تاصل

بكم المواصيل الى تصديق الكلام اللي يقوله الشمري ؟؟؟؟؟

تركي اصلآ ما يرضاها على نفسه وشلون شاعر بحجم تركي ياخذ قصايد

من الأخرين حتى ولو كانوا بني عـــم

ولو اني تركي والله ما ارد عليه لأن القافلة تسير والكلاب تنبــح

[عاشق داورد]

لاتحذفوووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووون
اذا كنتم صادقين بسيطه بسيطه لنا موعد يوم السبت

[تركي عايض]

كلن منا تابع تلك الحلقة المثيرة وكلااام الشاعر والناقد قبلان السويدي كلامه سليم والاغلبية يأيدون ماقاله لكن كنت أتمنى أنه يبتعد عن التجريح بهيئة الأمر بالمعروف والنهي عن المنكر . حتى أنه انتقد أبن عمه الشاعر عبدالرحمن الشمري في بعض قصائده التي القاها في أمسيتة التي اقيمت بالبحرين الكل الآن راح يحارب هالشخصية المثيرة لكن أقول الله يوفقه ومشكور اخوي كريزي نجد على هذا النقل وتقبل تحياتي ،،،
أبـــ عايض ـــو

[أبو مرحبا]

أنا شفت تصريحات الشاعر قبلان الشمري القويه

ماقال ذا الهرج الا هو واثق من هرجه لانه يقول بأن الشاعر تركي الميزاني خوييه من مبطي

ولا ندري من الصادق ولا ندري من الكذاب


لاهنت ياكريزي نجد

[الدعساني]

بسم الله الرحمن الرحيم
السلام عليكم ورحمة الله وبركاته

سامحني يا ( كريزي نجد ) ........................ ولو أنك أقتصرت على هذه العبارة لو صلت رسالتك مبكراً............................................ ........
وأتمنا يكون نقلك في المرات القادمة بعيد كل البعد عن القدح في خلق الله وتكون مواضيعك فيها ما يرتقي به المنتدى إلى ماهو اسمى وأرقى

عساك للقوة


دمت بود

[الهراني المقاطي]

ا لسلام عليكم ورحمة الله وبركاته


الشمري اللي انتم فرحانين فيه ما عنده سالفه مغر يتخبط على
عماها . يوم يقولون شاعر وناقد صحفي معروف اصلا ليس معروف
كارشينه الريجيل وبجي ويهرج ويقطع في خلق الله .

[عبدالله الدعجاني]

:) بسم ـآلله ـآلرحمن الرحيـم
ـآقوٍل مآبكم حيلـه وشآعرٍ الوٍطن (ـآبوفيصل)خلف بـن هـذأل
وٍترٍكي مآهوٍ شـآعرٍ ـآزين مآفيه موٍلآتـه يصلـح يحطونه مذيـع في قنـآه رٍوتـآنآ هههه وٍسمعت ـآنآ تـرٍكي بيلـق قصيده في مهرٍجـآن الجنآدريـه بدل من شـآعرٍ الوطن خلف بن هـذآل وٍـآلله يسترٍ من ـآلمطرٍـآن :mad:
وٍـآنآ رٍـآي مع السويدي ـآقطع يدي ـآن حطوٍ تركي بدل من خلف في ـآلجنآدريـه هههه

[فارس الباديه]

والله ان قبلان صادق بكل حرف قاله 1) البرنامج مادي
2) تركي ليس شاعر الوطن
3) قصائد تركي ليست له ..مسروقه..
4) اللجنه ليست بكفؤ للتقييم واكبر دليل الشاعر اللي قال معاد فيها ودي ولا ودي000 الموت خلفي والبحر قدامي
بالله التقييم اللي قيموه يليق في شاعر كتب هالابيات الروعه والقمه

وبن هذال شاهر الوطن اسمعوا هالبيتين من قصيدته:
الشعر سبك وحبك معنى وتجزيل 000 اسبك بيوت الشعر واحّبك عددها
اكحل عيون الشعر بالكحل والميل 000 وامسح مدامعها واداوي رمـــدها

في هالبيتين والله انّ حظ تركي في كمه ويبطي تركي يجيب مثل هالابيات

[الدعساني]

الأديب الأديب ( الهراني المقاطي )
هناك أسماء إذا حضرت لا نملك أمامها سوى الإنصات لما تقول من حق بين وبدون مجاملة
تحيه ترتقي لهامتك

( فارس الباديه )
حطيت أربع نقاط مدري أنت عندك أثبات على هذا الكلام
ولا رميه بدون رامي :rolleyes: لإن بعض الكلام
ما ينقال ليه :eek: لإن في هضم حق الشاعر وفيها
اتهام صريح إنها كلها مسروقة علماً بأن القصايد
اللي شارك فيها تركي بن عطالله المطيري
أغلبها نازله في التسجيلات ......

وبعدين اللجنه اللي أنت تقول فيها ليست بكفؤ إعلم إنهم أجادوا في إختيار سخصيات مؤهلين مثل الدكتور غسان رئيس للجنه وحمد السعيد وفالك المليون والله ونعم بحمد السعيد وسلطان العميمي الردار وعلي المسعودي وتركي المريخي والله ونعم وبعدين ابغاك تشوف برنامج ( أمير الشعراء ) وشوف اللجنه ..

إعلم أن لكل شخص زمان ومستحيل أحـد ياخذ زمانه وزمن غيرة
والله ونعم بخلف بن هذال العتيبي وأفتخر فيه ووسام شرف لنا
وبعدين تركي الميزاني ما توج بلقب شاعر الوطن من قبل
خادم الحرمين الشرفين عكس خلف توج هذا اللقب

هذا ماتوج اللقب عاد كيف لو توج .... :D

وهذي بيتين لتركي الميزاني أطال الله في عمرة
والدمع هذا اللي تشوفه ما هو دمع .... أشعلت عيني لجل تشوفك وذابت
واللي نزل منها على خدي الشمع ..... أرقد ما دام الشوق في القلب نابت


دمت بود

[فارس الباديه]

ياعزيزي هي ماهي مسالت كره للمطران او شي بالعكس مطير قبيله كبيره وفيها شعراء جيدين ونعم فيهم ولكن تركي حنا متابعينه اول ماطلع للساحات الشعريه وعارفين اسلوبه ونظمه للقصائد ونظم تركي محدود ليس باستطاعته كتابة ابيات مثل هذي بالذات قصيدة الملك عبدالعزيز والله وابصم عشر ماهو هو اللي كاتبها ولا تقارن خلف بتركي لان خلف مستواه اعلى من تركي ....... وش رايكم معهد الفنون السوري في سوريا اللي يعلم اوزان الشعر والقصايد يدرس فيه ابيات للخلف بن هذال وهذا اكبر دليل وخلف مايعرف يقرا ولا يكتب وشوف جزالته فلا تقارن ياحبيبي تركي (حرامي شعراء الوطن) مع خلف بن هذال

والســــــــــــــــــــــــــلام

[الـمـريـخـي]

اقوووول يا ابو بجاد من يقول قصايد تركي بشاعر المليون مهي بله
قبلان السويد يكذب على شان يشتهر بس
ومن يقول انها لمحمد الخس تركي شاعر محاوره وشاعر نظم يعني انت الي تعرف حق الشاعر

[الـمـريـخـي]

يا الزايدي منو الي قالك قصيدت تركي 2000 الاخيره مهي له
الي قالك قوووله استريح بس

[الـمـريـخـي]

ربوع اجل انتي الي تعرف حق النظم
وتركي الميزاني شعار الوطن الحين
وخلف بن هذال والله ونعم ومازال شاعر الوطن

[الـمـريـخـي]

كلامك في البدايا صحيح ولاكن ليه تركي الميزاني لا يستحق شاعر الوطن شاع محاوره وشاعر نظم وقبلان رجال بس يدور الشهره

[قادح شرار]

لا يوجد شخص يرمي بنفسه في كلام حار كهذا على مسامع الناس جميعا الا انه واثق من كلامه والشمري ابدع في طرحه الموضوع الصريح
مع أمنيتي ان تعاد الحلقة من شاعر المليون التي اعلنت فيها اللجنة وبكل صراحة على لسان احد الحكام في كلامه قبل تقييم تركي الميزاني بقوله انت موصية عليك الاسرة المالكة وبظهور بعض الابتسامات على وجه تركي في وقت ذالك الحديث وما فيها كلام اخذ مكان شاعر غيره يستحق الفوز بسبب هذه التوصية ولا يفهم بعض الاخوان من كلامي اني اقصد ان المكان الذي لا يستاهله تركي انه مكان الشاعر يوسف العصيمي لا والف لا , انه مكان لشاعر غير سعودي اصلا ولكن لو لقي توصية من اسرته كان اخذ اللقب بس يا الله امر الله وشق القربة واشكر الشاعر والناقد الشمري على ما ادلى به من تصريحات واسف للاطالة



تحياتي واحترامي للجميع في المملكة العربية السعودية
والعالم الاسلامي والعربي .