ابن نجد
08-Jul-2003, 12:28 AM
محبة الاب لابنائه كبيرة بلا شك ولكن من الابناء من لايحس بها او لايبادل الاب نفس المحبه وهذه طامة كبرى ، وشاعرنا هو محمد بن دباس يرسل رسالة لابنه دباس الذي تغرب عنه 8 سنوات في طلب المعيشه تجاه عمان ، ولم يدرك في غربته ان يراسل والده ليطمئن ابوه عليه ، فأرسل ابوه هذه الرائعه المعروفه له يذكره به وبفضله عليه وانه لايتحمل غيابه وهو كبير بالسن :
ياونة ونيتها من خوى الراس
من لاهب بالكبد مثل السعيرة
ونت من رجله غدت تقل مقواس
يون تالي الليل يشكي الجبيرة
وياحمس قلبي حمس بن بمحماس
وياهشم حالي هشمها بالنقيرة
وياوجد حالي ياملا وجد غراس
يوم اثمرت واشفا صفا عنه بيره
من ثمر قلبي راح في هجعة الناس
متنحرن درب عسى فيه خيره
الله يفكه من بلا سو الاتعاس
ومن شر عبثات الليالي يجيره
في ديرة تقطعت عنه الارماس
سبعين يوم للركايب مسيره
يالله ياللي رد من عقب الياس
يوسف على يعقوب وابصر نظيره
ترد علي ادباس يامحصي الناس
ياعالم ما بالخفى والسريرة
يادباس انا بوصيك عن درب الادناس
ترى الذي مثلك يناظر مسيره
عليك بالتقوى ترى العز يادباس
في طاعة اللي ما ينجيك غيره
هذي ثمان سنين من رحت يادباس
لا رسالة جتني ولا من بريره
متحير من عيلة البيت يادباس
ارجي ثواب الله واخاف المعيره
والا فانا يابوك قطاع الارماس
منيب مثبور ورجلي كسيره
ترى الفداوي داوي وانشد الناس
إليا انقطع خرجه فلا له ذخيره
عشرين عام كلها ارجيك يادباس
مثل الغرير اللي تولع بطيره
يادباس انا يابوك منيب بلاس
مير ان عيلات الرفاقة كثيره
جنبت وسط السوق وامشي مع الساس
واخذ شوي الحق واترك كثيرة
والقصيدة قد تكون اطول من ذلك ، وذات عمق واحساس كبير بين الاب والابن.
وحين سمع ابنه دباس اخذ يبكي واحس بخطأه ورد عليه يقول :
حي الجواب اللي لفانا من الراس
جابه غلام ما تونى مسيره
جواب من هو لي مود من الناس
ابوي ما يوصف حلي لغيره
فرز الوغى كنه على الوكر قرناس
قروم ربعه كلها تستـشيره
وان سايلك عني تراني بنوماس
وانا احمد اللي ما ترجيت غيره
المدح لو يشرى شريناه باكياس
وبأموالنا نرخص ندور الستيره
يابوي انا مارحت ابي كيفة الراس
مع ذا ولاني في سفاه وغيـره
نرجو ان تحوز على اعجابكـــم
---------------------------------------------------------------
زماننا غير زمانهم وحتى نتذكر الاولين
اخـوكـم ابن نـجـد
ياونة ونيتها من خوى الراس
من لاهب بالكبد مثل السعيرة
ونت من رجله غدت تقل مقواس
يون تالي الليل يشكي الجبيرة
وياحمس قلبي حمس بن بمحماس
وياهشم حالي هشمها بالنقيرة
وياوجد حالي ياملا وجد غراس
يوم اثمرت واشفا صفا عنه بيره
من ثمر قلبي راح في هجعة الناس
متنحرن درب عسى فيه خيره
الله يفكه من بلا سو الاتعاس
ومن شر عبثات الليالي يجيره
في ديرة تقطعت عنه الارماس
سبعين يوم للركايب مسيره
يالله ياللي رد من عقب الياس
يوسف على يعقوب وابصر نظيره
ترد علي ادباس يامحصي الناس
ياعالم ما بالخفى والسريرة
يادباس انا بوصيك عن درب الادناس
ترى الذي مثلك يناظر مسيره
عليك بالتقوى ترى العز يادباس
في طاعة اللي ما ينجيك غيره
هذي ثمان سنين من رحت يادباس
لا رسالة جتني ولا من بريره
متحير من عيلة البيت يادباس
ارجي ثواب الله واخاف المعيره
والا فانا يابوك قطاع الارماس
منيب مثبور ورجلي كسيره
ترى الفداوي داوي وانشد الناس
إليا انقطع خرجه فلا له ذخيره
عشرين عام كلها ارجيك يادباس
مثل الغرير اللي تولع بطيره
يادباس انا يابوك منيب بلاس
مير ان عيلات الرفاقة كثيره
جنبت وسط السوق وامشي مع الساس
واخذ شوي الحق واترك كثيرة
والقصيدة قد تكون اطول من ذلك ، وذات عمق واحساس كبير بين الاب والابن.
وحين سمع ابنه دباس اخذ يبكي واحس بخطأه ورد عليه يقول :
حي الجواب اللي لفانا من الراس
جابه غلام ما تونى مسيره
جواب من هو لي مود من الناس
ابوي ما يوصف حلي لغيره
فرز الوغى كنه على الوكر قرناس
قروم ربعه كلها تستـشيره
وان سايلك عني تراني بنوماس
وانا احمد اللي ما ترجيت غيره
المدح لو يشرى شريناه باكياس
وبأموالنا نرخص ندور الستيره
يابوي انا مارحت ابي كيفة الراس
مع ذا ولاني في سفاه وغيـره
نرجو ان تحوز على اعجابكـــم
---------------------------------------------------------------
زماننا غير زمانهم وحتى نتذكر الاولين
اخـوكـم ابن نـجـد