على هالطاروق اقرب شاعر لاهنتوا

[فارس الباديه]

من هجوس(ن) تحاذت في طريق اليمين = يا سلامي سلام(ن) للرجال الكرام
الـمـلاعـب جـزايـل و الـجـزايـل ضـمـيـن = والجواهر ثمينه في بحرها تسام

[ماله امان]

من هجوس ٍ كبيره مثل وقعة حنــين=مرحبأ بالرجال اللي تشد الحــزام

ليت فارس يقود العلم والناس ويـــــن=يحسبنه لحاله فوق راس السـنام

[فارس الباديه]

عسى الله يوفقله عباد(ن) مسلمين = يـردون اليهـودي عن بـيوتن حشـام
المجاهد يقاتـل بـين طـعـن و طعيــن = وانت رجل(ن)تفكر في شروع السلام

[ماله امان]

وان نظرنا لحال العبد جنبه متــين=في ذرى كلمة التوحيد هلل وقــام

وانت قبل الشكوك وحالكم يأمعين=يمكن الزول صابه شك بعد الهيــام

[فارس الباديه]

يالغالي طالع الصلاه وجاي

[ماله امان]

وانا كذلك يالنشمي طالع الموعد من الساعه العاشره انشالله0تحياتي

[فارس الباديه]

استلم يالذيب



يا عميلي ترا فالذود سمن وسمين = وأنت تاكل زبادي غير, واكله حرام

والله إنّ لقينا شعرةٍ فـــــــالـعجين = مـير ودي نـسيرهـا دروب الـنظـام

[ماله امان]

تسلم ياذيبان(وراجع البيت الثاني الشطر الاول؟؟؟


كان ذودك على حشوك يحب الحنــين=وانت تشرب لبنها والدلي فالمقـام

شفتلي سوسة ٍ تدخل مداخيل زيـــن=بس في داركم بين اللحم والعظام

[فارس الباديه]

يــا وليّد القناه الشهيره فـــالمشين = لا تـسوِق قـناتك دون بـاب الإعـلام
أبي زان المراكب اللي جابت رعين = مالك امن في دارك يا مقطوع الـزمام

[ماله امان]

انت صاير عجينه فوق بله وطــين=لأ تسوق الركايب دون جهد الغــلام

والمجابه خطير وراس عمك متـين=لاتهقوى صقور ٍ فوق متن الغمــام

[فارس الباديه]

قمت تشكي كَسامر في مسيح الجبين = وانت عينك تِدَمِع فوق عودٍ تـمــام
والسيوف النطيحـه فـوق غصنك تِــهين = يوم صقري يصيدك في سواد الظلام

[ماله امان]

أعدل البيت قام البيت يشكي سنــين=تصلح احوال قاف ٍ مايجي فالغرام

لأ تسوي سوات الديك والا الحصـــين=شجرة الورد نأخذ في هواها شمام

[فارس الباديه]

البيــوت الـجزيلـه فـوق راسـك رنـين = مير سنّع امورك ياوسيع الرِِحام
شفت وجهك شوارب مير قلبك عَنِين = الحراسه توقع وانت بيتك حطام

[فارس الباديه]

تصبح على خير والوعد بكره

[ماله امان]

اليهود العرب قاموا على المسلمــين=والعجم عايشه في دارها ياحسام

وانت يمكن قضيت الحال مثل الحبـين=عايش ٍ في صفاه ولأ يحب الكـلام

[ماله امان]

تصــــــبح على خير0الى اللقاء،،،،،

[فارس الباديه]

يــا رفيقـي تبـَيّن مـن قــصيدك بـــيتين = مــير خـل الـمعاني للمناقش مــرام
يوم جينا فرعون اللي في قبره سجين = وسط قبره يولع في لحود(ن) عسام

[ماله امان]

صح لسانك يافارس الباديه وارى ان نتوقف عندهذا الرد0وشكراً


فارس الباديه نختم كلام ٍ حســين=يمكن السيل سايل دون وادي جهــام

واكمل الدين قالوا شاهده للقريــن=والختام السلام وعاش رجل الســلام

[جراح العصيمي]

محاوره جميله وماقصرتو

[@ الحر @]

اجمل محاوره:p :p :p :p :p :p :D