قحص منزل من الجيب الدويش-الجلاوي (سهم عتيبة)

[فرناس]

موال لابوصاهد في سالفة قحص يوم لحق الدويش وطرحه دون جراره

وكان قحص على هايلكس قديمة والدويش على جيب لاند كروزر جديد وطرح الدويش دون جرارة ونزل الدويش من جيبه واخذه وقال هاك الهايلكس خله يوصلك لين تجي جرارة
http://www.m5zn.com/Download-7.php?name=c5ca36c703.3gp


والله يعطي ابونوار العضياني الف عافية

[عكاش]

انت نابتلك مع الاسلام ريش
مار بذكرك مدامك غشيش
قاحص منزل عن الجيب الدويش
مايطير الطير مكسور الجناح


لله درك ياسهم عتيبة صدقت يوم قلت نابتلك مع الاسلام ريش


لاهنت والله يافرناس ولا هان ابو نوار العضياني

[العكام]

بيض الله وجه ابوصاهد وصح السانه ملايين والله يعطيك العافية يافرناس ويابونوار العضياني

[مشاري الحبردي]

لا هنت اخوي
لكن ماهو بقاحص

هو قحص وليس بقاحص

[ابو براك]

بيض الله وجهك وابو نوار العضياني على التقل الرائع

وصح لسان أبو صاهد

[محمد الزايدي]

بيض الله وجهك

وصح الله لسان الشاعر

[ابن نور العضياني]

وجهيكم بيض ياعيال عمي وانت بس اللي تبونه حنا حاضرين

[صعوط المجانيين]

بيض الله وجهك

وصح الله لسان الشاعر


تقبل تحياتي

[ابوبجاد الرويس]

مشكورين

وبيض الله وجيهكم

ويعطيكم العافيه

[تركي عايض]

فرناس لاهنت جاري التحميل

[فالح الكرنافـ]

مشكور على المقطعـ

وبيضـ اللهـ وجهكـ ياذيبـ

واللهـ يعطيكـ العافيهـ

تحياتيـ لكـ

[صلاح القثامي]

لاهنت يافرناس
الله يعطيك العافية

[سويلم الشيباني]

بيض الله وجه ابوصاهد ماعنده مجامله لاحد
ولادس وجهه يوم يرد كنه حرمه مثل بعض الرخوم اللي داسين وجوههم كنهم خواتهم يبا الفيت انهم يردون

اكوووووووووووووووووووووووووووووووووووووي يابوصاهد

[نفيع العتيبي]

فرناس كفو
وبيض الله وجهك

ليتك تعلمنا القصه كامله
وفي اي سنه
وكم موديل الجيب الي نزله منه
وكم موديل الهلي

تحايتي لك

[سويلم الشيباني]

القصه معروفة يانفيع اكثر الناس تعرفها وهي ايام قحص الله يرحمه قبل 15 سنه تقريب كان قحص في الصمان وكانت معه هايلكس قديمة ووده يقطع النفود صحراء يبي نجد والهايلكس ماتوديه يبيله جيب يقطع النفد لان الطرق كلها تفاتيش يدورونه والدويش جايبه خبر من الدوريات ان قحص حوله
والله يسوق قحص على محطة في جرارة يعبي منها لوالله ان راع هاك الجيب الجديد اللي سفط يعبي من المحطة ويوم خلص وقحص يتبعه ويومنه مسك الخط وقحص يعترضله على الخط درى انه قحص والدويش يعطي الجيب نمرة هو ينحاش وقحص يلحقه هو يولع الرشاش فوقه والدويش يوقف قال انت قحص قال ايه قحص ووالله ان ذبحتك اهون عندي من رمشت عيني مار يومنك وقفت ولا اتعبتني في مطاردك اباها من الله وانت اكيد عندك ورعان وحريم والله فكك مني مار هاك الهايلكس رح لورعانك

وقحص يركب الموتر الجيب هو يفتح الدرج لوالله ان المسدس فيه هو يلتفت على الدويش قال رزقني الله يوم اعتقتك بهالفرد ويضحك الله يرحمه هو يقوم هو يعطي كفرت الهايلكس اللي قدام الثنتين كل وحدة طلقة علشان مايروح بسرعه ويبلغ عنه

هو يركب الجيب ويعطي الصحاري والدويش يقعد عند الهايلكس وسلامتك

[سفر المقاطي]

بيض الله وجهك

وصح الله لسان ابو صــــــاهد

[مخاوي العتبان]

يالربع وين المحاورة هذي

ومع من يلعب سلطان ؟؟

وبيض الله وجيهكم كلكم واولكم ابو نور العضياني

[شامان]

بيض الله وجهك .

[ذيب المضيح]

اسمحولي ان السالفه ماصارت وانها من خرافات شعراء المحاوره

واتحدى اي واحد يجيب لي دليل ثابت فعلا

واللي يحكي القصه وش دراه عنها اللي معلمه الدويش ولا قحص هههههههه

يعني بالعقل هذي السالفه ماشفناها اطلعت الا بعد سلطان الجلاوي

ولا قبل ماسمعناها لا من العتبان ولامن غيرهم

[فرناس]

تبا تنكره بعد يالمطيري ومالها غار حوالي 15 سنة

ماكفاكم انكار شاعر الوطن الاصلي ومحاولة تغييره للعجرمي ابوسنون كنها حراثة مزرعة

وحتى الناس اللي مالهم دخل حتى في قبيلة شاعر الوطن الاصلي ابوهذال وكذبوكم قدام الشاشات مثل الدوسري والشمري ودك تنكر هذي بعد

حتى فيه قصيدة لشمري من اهل حايل يوم سمع سالفة قحص مع الدويش هو يرد قصيدة والامير سلمان يطلبه هو يزبن للعراق ولا رجع لين تدخلو ربعه عند الامير سلمان وقصيدته طويله منها هالبيوت



ياطيب قحص يوم لحق الدويشي=من بين ربعه مالقى من يرده
منحاش فوق الجيب قلبه خريشي=لكن قحص بالهلكسي يحده
سمع المشوك فوق راسه يطيشي=ووقف على جنب النفود ام خده
ماقاومه مرعوب وده يعيشي=واخذ ولدشيبان جيبه وهده

بلهجة الشمري يمد في اسم قحص


ويوم تقول من سمع قحص ولا الدويش ليه الدويش مايعلم ربعه باللي صارله وكذلك قحص ماذبح غار بعد هالسفة بمدة طويلة وفي هالمدة يقابله ناس ويسولف معهم ويعلمهم بسوالفه

[ابن نور العضياني]

بيض الله وجهك ياقرناس

اما بالسنبه لك ياذيب المضيح السالفه صحيحه وانشد من تبا ولاتجحد الفعول


تحياتي

[البيطار]

حمدلله يبي يجحد المطيري سالفة قحص مع الدويش يحسبنها قبل 200 انشد اخوك ولا ولد جيرانكم اللي يجلسون في مجالس الرياجيل ويعلمونك بالسالفة كامله وصدق الزلامي يوم يقول للعجرمي


انتم قبيلة لكن الطق فك اللحام=مطير قومٍ خلقنا الله لتعذيبها

ماحميتوا انفسكم لاشافت العين العين في ميادين التحدي وحتى السنتكم ماحمتكم من بطش عتيبة في ميادين الشعر

[ذيب المضيح]

..... انذاااااااااااااااار على هالالفاظ السيئه......

[العكام]

ياطيب قحص يوم لحق الدويشي=من بين ربعه مالقى من يرده
منحاش فوق الجيب قلبه خريشي=لكن قحص بالهلكسي يحده
سمع المشوك فوق راسه يطيشي=ووقف على جنب النفود ام خده
ماقاومه مرعوب وده يعيشي=واخذ ولدشيبان جيبه وهده


صح السانه ولسانك مليون وفيه قصيدة سمعتها هاك الايام الظاهر انها لسبيعي عن سالفة قحص والدويش تكفى يافرناس اذا كنت تعرف منها شي عطناها هذي من غير قصايد العتبان اللي هاك الوقت كل شوي سامعلي قصيدة عن هالسالفة

[خيال العجمي]

صح لسااااانك يا سلطاااان
وهو ماشالله شاااااااااااعر كبير وغني عن التعريف
ومابه شكه

وصدق الشطر الاخير في الموال نابتله ريش وصح لسااانه

ومايقصر
اخوكم عبدالله بن لمعه

[صعوط المجانيين]

فرناس

الله لايهينك

نبا القصايد كامله تكفى يبن العم

[سفير علوى]

السلام عليكم
كيفكم يالهيلا

السالفه صحيحه والدوشان قبيله ماهو واحد ولا اثنين ..
واللي يشوف الموضوع يقول قصدكم الامير ..؟؟؟؟؟

والسالفه سامعها من الدويشي نفسه اللي نهب جيبه قحص
هذا الله يسلمكم غليّم من الدوشان عمره 18 اخذ جيب ابوه وسافربه
ويوم وصل المحطه يبي يعبي بنزين ويشتري ماء صحه
الا الحنشل واقف على المحطه ومعه رشاش يرمي بالهوا
وقاله انت وش تبي..؟ قال الجيب ولا برميك...

[فهد الزيادي]

بيض الله وجهك يابن نور،،،،،،،،، الحفله متى وين مكانها ومن شعارها

ارجو الافاده

[فرناس]

.................................................. ................................

قحص له ايام في ديرة مطير قبل ماينزل الدويش من جيبه وعندي سوالفه كلها بس والله خوف من الله واحترم للمنتدى مانيب ذاكر غار قصته مع الدويش

ثاني حاجه هو يعرف انها ديرة روس مطير الدوشان هو بدوي ويعرف كلشي مهوب جاي من برى السعودية

وثالث حاجه الدويش اللي وقفه قحص كبير ومسلح بفرد يوم جت حاجته مافعلبه مدري ليش شايله معه !!!!!!!!!!!!!
مهوب ابو18 سنه اخذ جيب ابوه ومنحاش بيسافر عاد امير جراره ولامهوب اميره ماقدر افتيك لاني ماعندي علم والله لوترقع منا لابكره السالفه قريبه وكلن يعرفها


رابع حاجه ماخذ الجيب من المحطة لونه يرمي في المحطه مثل ماقلت كان جيته شرطة جرارة على طول ؟؟؟؟؟؟؟؟؟؟؟؟؟؟؟؟؟؟
اخذه بعد ماتعدى جراره بمسافه مهيب قصيرة اعترضله ويوم انحاش الدويش هو يلحقه ويولع الرشاش فوقه

ويوم تقول يتراعد وابك وش يتراعد منه وهوه ذابحله رياجيل ووالله ان ذبحت الدويش عنده اهون من رمشت عينه مثل ماقال بس الله ماكتبله ميته هاك اليوم


خامس حاجه القصيدة لشمري مهيب لسبيعي بس انت منعمي من الحقيقة ولاعاد تميز والعكام يقول تعرف قصيدة واحد من السبعان في هاك السالفة

والامير سلمان مايبي احد يمدح من يسوي مشاكل ضد الدولة وتقول وش مدخل سلمان


والله لوتقوم ترقع حتى بهدومك انك ماتغير الحقيقة قال ايش اعرفه وهالحين مدرس هههههههههههههههههههههههههههههههههههههه

[سفير علوى]

.................................................. .................................

جرارة؟؟؟؟؟؟؟ ديرة روس مطير انت صآحي
يوم تقول الكلام هذا

والدويشي اللي معه الجيب لاهو مسلح ولاهم يحزنون
................................................



والمحطات اللي على الخطوط السريعه دايم تكون بالخلا
ما حولها احد ولا تبي جنب كل محطه مركز شرطه .؟
.................................................. ..
وانا جبت الحقيقه عاد ما تقبلها شي راجع لك
بس فيه ناس عقال يفهمون السالفه
اجل هايلكس مدري كم مديله يلحق جيب آخر مديل ؟؟؟
.................................................. ................................
.................................................. ........................................

[سفير علوى]

صعوط المجانين

هلابك يالقرم..

شف يالغالي في كل منتدى مشرفين متعنصرين ..
ومستحيل تلقى لك منتدى قبلي فيه حريه واخذ وعطى الا نادرا.

سواء منتدى مطير ولا عتيبه او القبايل الاخرى
بس نتمنى الانصاف بكل المنتديات بشكل عام..

تحيآتي لك

[نفيع العتيبي]

هاهاهاهاههاهاههههههههههههههههههه

يقول عمره 18


هههههههههههاهاهاهاهاهاهااااااااااي

تصرف يلحبيب
تبي تحطها في ورعكم

منزلين واحد من امراءكم
تقول مو من امرءنا
هههههههههههههههههههه ياحليلك ياصغـــير
يلحبيب هذا قحص الشيباني
تعرف وش شيباني شيبااااني
يعني الي في راسه يسويه

ابك ذولا الشيابين أسود عتااااااابه ياخبل

السالفه مكشووووووووووووفه
تبي تجحد بعد

ماسلمنا من مناخ الحرملية جاي تبي تجحد ذي


ياحبيبي اعقلها وتوكل


لاتنسى تسلملي على منتدى مطير وعلى الوقعات الي مدري منين جايبينها


واذا انت حاااب تبي تعرف مناختكم تعال عندنا نعلمك

والله يستر عليك ياسفير علوى

[البيطار]

يالربع نبي الموال تكفون

[المزركش]

بيض الله وجهك

ولاهنت على النقل

[رايد الجلاوي]

الرابط مايشنغل

[/عبد العزيز الجذع/]

الرابط محجوب....

[ذيب الدعاجين]

يالذيب الرابط مايشتغل معي

[سلـطـان]

مبدع يالجـلاوي مبــدع

تسلم على النقــل يا فــرنــــــاس


تحياتي لكـ

[ابوزعبه]

لاهنت ومشكور