العنيد
23-Jun-2007, 02:51 AM
ياذا الطريق اللي ترابـك هواجيـس
وصمتك على قاسي زمانك سوافـي
أحفا ثراك آهل النضا وآهل العيـس
ولا دلّهـك ترديـدهـم للقـوافـي
تطفي من أيـام السعـادة فوانيـس
والحزن لو تطفيـه ماهـوب طافـي
وجهك مهو وجه السنين المعابيـس
تضحـك وربـك عالـم ٍ بالخوافـي
الله عليـك إنـك بعيـد المراميـس
وافي ولا مثلك علـى البيـد وافـي
ما اطلقت دمع ٍ في عيونك محابيـس
تعمى العيون ودمعتـك مـا تشافـي
جيش الحزن يجتاح قلبـك كراديـس
وردك على نشدة عذولـك عوافـي
تمرك اللي مـا طوتهـا الاحاسيـس
ناس مهي ويـا القلـوب الصخافـي
وإن كان تبغى للقهـاوي محاميـس
خذ لك جواب عن خوى الراس شافي
اليوم كل في الزمـن خاشـر بليـس
حتى العفيف اللـي منـول سنافـي
حده زمانه مـا لقـى لـه موانيـس
لوكان كـل اللـي يشوفـه يعافـي
جامل خشاش الارض هي والهداريس
ورجـا عـذوق ٍ مالهنّـه خرافـي
مانيب ألوم اللـي زهـد فالقرانيـس
لا صـار تفعـل فعلهـا ماتشـافـي
ألوم وقت ٍ ما درى بامـرئ القيـس
ولا عـرف منهـو قتيـل الرعافـي
وألوم وقت ٍ ضمّرك يـا الحراميـس
وانتـي منـول مـا تبيـك الفيافـي
وألوم وقت ٍ وجبّـك يـا الدنافيـس
ومـن اول ٍ مـع المزاهـب خفافـي
وألوم وقت ٍ كل ما شاف لـه هيـس
يقـول ذا الرجـال رمـز العفافـي
وقت ٍ غدت فيه الرعاويـن فريـس
واهنيهـم مـا دامهـنّـه عـوافـي
واليوم ياوقت الشقـا بلعـن ابليـس
أنـا ليـا شفـت التجاهـل عيافـي
نفسي عزيزه ماتبي عـرش بلقيـس
لا صار مـا دونـه حـداد ٍ رهافـي
خلوني أمشي في طريق الهواجيـس
أخير مـن درب ٍ ليـا جيـت جافـي
وخلوني أصنع في حياتـي قواميـس
ربيع عمـري دايـم ٍ مـن جفافـي
يسدني ارعـى النجـوم المراويـس
شابت ونا لليـوم مـا شـاب قافـي
ويسدني حتـى الليـال الخراميـس
علـى جدايلهـا نقشـت اعترافـي
ويا شرهتي ضمي هبوب النسانيـس
مـادام فكـري للهواجيـس صافـي
خلينـي أغنـي لكـل المتاعـيـس
وصح الله لسانك من الـراس كافـي
وصمتك على قاسي زمانك سوافـي
أحفا ثراك آهل النضا وآهل العيـس
ولا دلّهـك ترديـدهـم للقـوافـي
تطفي من أيـام السعـادة فوانيـس
والحزن لو تطفيـه ماهـوب طافـي
وجهك مهو وجه السنين المعابيـس
تضحـك وربـك عالـم ٍ بالخوافـي
الله عليـك إنـك بعيـد المراميـس
وافي ولا مثلك علـى البيـد وافـي
ما اطلقت دمع ٍ في عيونك محابيـس
تعمى العيون ودمعتـك مـا تشافـي
جيش الحزن يجتاح قلبـك كراديـس
وردك على نشدة عذولـك عوافـي
تمرك اللي مـا طوتهـا الاحاسيـس
ناس مهي ويـا القلـوب الصخافـي
وإن كان تبغى للقهـاوي محاميـس
خذ لك جواب عن خوى الراس شافي
اليوم كل في الزمـن خاشـر بليـس
حتى العفيف اللـي منـول سنافـي
حده زمانه مـا لقـى لـه موانيـس
لوكان كـل اللـي يشوفـه يعافـي
جامل خشاش الارض هي والهداريس
ورجـا عـذوق ٍ مالهنّـه خرافـي
مانيب ألوم اللـي زهـد فالقرانيـس
لا صـار تفعـل فعلهـا ماتشـافـي
ألوم وقت ٍ ما درى بامـرئ القيـس
ولا عـرف منهـو قتيـل الرعافـي
وألوم وقت ٍ ضمّرك يـا الحراميـس
وانتـي منـول مـا تبيـك الفيافـي
وألوم وقت ٍ وجبّـك يـا الدنافيـس
ومـن اول ٍ مـع المزاهـب خفافـي
وألوم وقت ٍ كل ما شاف لـه هيـس
يقـول ذا الرجـال رمـز العفافـي
وقت ٍ غدت فيه الرعاويـن فريـس
واهنيهـم مـا دامهـنّـه عـوافـي
واليوم ياوقت الشقـا بلعـن ابليـس
أنـا ليـا شفـت التجاهـل عيافـي
نفسي عزيزه ماتبي عـرش بلقيـس
لا صار مـا دونـه حـداد ٍ رهافـي
خلوني أمشي في طريق الهواجيـس
أخير مـن درب ٍ ليـا جيـت جافـي
وخلوني أصنع في حياتـي قواميـس
ربيع عمـري دايـم ٍ مـن جفافـي
يسدني ارعـى النجـوم المراويـس
شابت ونا لليـوم مـا شـاب قافـي
ويسدني حتـى الليـال الخراميـس
علـى جدايلهـا نقشـت اعترافـي
ويا شرهتي ضمي هبوب النسانيـس
مـادام فكـري للهواجيـس صافـي
خلينـي أغنـي لكـل المتاعـيـس
وصح الله لسانك من الـراس كافـي