على المطران والثقفان ناويها بنيه غير

[خوي السعد]

خلووووها واحد من الفريقين الله يحييه

على المطران والثقفان ناويها بنيه غير = ماعاد ابها مجامل مع فلان ومع فلتاني
تشاورتوا على نية ردا ماهيب نية خير = وهذي عادت المطران والثقفان من داني

[تركي البرّاق]

على المطران والثقفان ناويها بنيه غير
ماعاد ابها مجامل مع فلان ومع فلتانـي
تشاورتوا على نية ردا ماهيب نية خير
وهذي عادت المطران والثقفان من داني

طيب طيب ياخوي السعد ههههههه

صح لسانك ملالالالالالاين وبانتظاار طليبك :)

دمت بخير..,,,

[نايف المطيري]

تبا تتعب ويتعب خاطرك من يوم جيت مغير
وعندك نيةٍ قشرى وعلمك علم ماباني

لكنك طيعني واعقل وفكرواحسن التفكير
فبل تارط ياولد الناس مع ذرفين الايماني

[طلال الثبيتي]

الله الله ...


صح لسااان خوي السعد ولساان المطااري ..


والصف ياخوي السعد دبل وثري وفور بعد

[طلال الثبيتي]

ياعزيزي يابديع القوافي مافي مهايط السالفه محاوره وسوالف ومزوح والا النفووس مافيها شي ..


والمثل يقول ياغريب كن أديب :)

[علي الثبيتي]

خوي السعد صح لسانك
وصح لسان نايف المطيري

وابشر بالصف ياخوي السعد

[مرزوق حمدان العتيبي]

ماعاد ابها مجامل مع فلان ومع فلتانـي
ماعاد ابها مجامل مع فلان ومع فلتانـي
...
خوي السعد والابداع قرناء
صح لسانك ولسان نايف المطيري
....

[خوي السعد]

انا شاعر ولد عمي رشيد اولد عمك عير = واشوف العير ورث عير يالاحي ياليحاني
وراكم يامطار اليا مشيتم تعكسون السير = تحالفكم علانا خلط من لحجي وجازاني

[خوي السعد]

الشكر للجميع والشرف حصل بحضوركم لاعدمتكم .

[بديع القوافي]

السلام عليكم ورحمة الله وبركاته

الله الله الله
الله الله
عليك يانايف المطيري
شهادتي فيك مجروحه يالقرم
وصح السان قبيلك
................................................
أخي العزيز طلاال الثبيتي
أنا كنت أنظم أبياتي وأنا في مقهى أنترنت
لكي أرد على الشاعر خوي السعد
ولاكن المشكله تم أغلاق المقهى ولا أعلم
عن وصول أبياتي ناقصه إلا بعد ماقرأت تعليقك
عموماُ أخي العزيز تمنيت منك أن تحسن النية
ولا تستبق الأحداث ولا كن مايصح إلا الصحيح

[محمد العضياني]

صحت الالسن والقلوب يا شعار

متابع والصف معروف

[سفر المقاطي]

صح السنتكم (خوي السعد)و(المطيري)
ولاهــــــــــــــنتوا

[نايف المطيري]

عسى الله يرحم الموتى ويهلك شلة التزوير
ويحمينا من ابليس اللعين وكل شيطاني

ماجاكم يالعتيبي من طرفنا علم ابه تقصير
علامك ملتمس والعلم بين افلان وافلاني

[نايف المطيري]

سفرالمقاطي
البواردي
بديع القوافي
مرزوق
النشمي
طلال
حياكم الله جميعاوشكراللمتابعه

[خوي السعد]

انا ماشفت في عمري جحود (ن) مثل جحد مطير = سوى في وقتنا اللي فيه ولاّ ماض الازماني
يانايف لاتغط الحق وتدوّر لها تبرير = تراها واضحه مثل العماره قدم الاعياني

[خوي السعد]

جميع عيال العم وغيرهم اللي مروا على هالصفحه
يعجز اللسان عن شكركم وبيض الله وجيهكم.

[مرزوق حمدان العتيبي]

يانايـف لاتغـط الحـق وتـدوّر لهـا تبريـر
تراها واضحـه مثـل العمـاره قـدم الاعيانـي

...
يانايـف لاتغـط الحـق وتـدوّر لهـا تبريـر
تراها واضحـه مثـل العمـاره قـدم الاعيانـي


..

ابداع والله انه ابداع يابحر لافض فوك ...
واسجل اعجابي ببداع نايف كذلك ...

[طلال الثبيتي]

الله الله ..


واضحه كبر العماره ..


صح لساااااانك :)

[خوي السعد]

الشاعر الكبير ابو محمد كلماتك باعث حماسي فالوجدان اشكرك .

[خوي السعد]

الشاعر طلال صح بدنك ياولد العم .

[نايف المطيري]

انا باقول كم عمرك ومن انت وويش اتصير؟
عشان اتصدرالاحكام ياولد العريباني

ياكم انعد من غلطه ياكم انعد من تدبير
بداخل داركم ضد الضيوف وضد الاخواني

[خوي السعد]

كذبت وجحدتك ماهي غريبه والصغير اصغير = نحشم من يحشمنا ونرفى الضيف والعاني
لكن الله مسلطنا على اللي يعشق التدوير = ولاله عندنا غير االمشوك بين الامتاني

[نايف المطيري]

هههههههههه الله يعينك!!

يدينك في الدنس وامسحبه وجهك بلاش تنير
وتجحد علتك والناس تكشف كل مرضاني

يازين العقل والحمكه يازين الطيب والتقدير
ياشين الرجه الي مالها مصدروعنواني

[&حــاا&اكـــمـ&]

صح الساانكــم جميعااا...!!

[خوي السعد]

مصيبتكم ليا زاد المعاند جالكم تخوير = وهذي حيلة اللي يضربون اسباع باثماني
مادامك منت قادر للمهمه وابعد التصوير = وش اللي لقفك لمقابلات السيف شاماني

[خوي السعد]

صحت بدنك ياحاكم وحياك مولاك

[نايف المطيري]

مصيبتنا ليا جونا العداء يلحقهم التدمير
ولايبقاءمن العدوان لااول ولاثاني

تقوله وانت الي جيتنا ملوي كما المعصير
تقطع في ثيابك لين صار الجسم عرياني

[نايف الثبيتي الروقي]

انا شاعر ولد عمي رشيد اولد عمك عير
واشوف العير ورث عير يالاحي يالحياني
وراكم يامطار ليا مشيتم تعكسون السير
تحالفكم علانا خلط من لحجي وجيزاني



صـــــــــــــــــح لسانك اخوي خــــــــــوي السعد ابيات احسن من الروعه ويعطيك الف عافية

[خوي السعد]

ولايبقاءمن العدوان لااول ولاثاني
خلووووووووووووووووووووها


اجل ماعاد باقي فالجزيره غيركم ياطير = اقول استح على وجهك وبعض الهرج نقصاني
لياجات الصمايل ماتروح من العرب ببعير = وتطرد من ديارك من عتيبه بعد قحطاني

[معلا إبراهيم الأسعدي]

لكن الله مسلطنا على اللي يعشـق التدويـر
ولاله عندنا غير االمشـوك بيـن الامتانـي

ههههههههههههههههههه


الله يسعدك كفواوالله

نايف والله منت بسيط صحت السنكم جميع

[خوي السعد]

مسلط بن ربيعان حي هالاسم وراعيه مشكور على وجودك.

[نايف المطيري]

انا ادري مابقي وسط الجزيره كود فعل مطير
محاربة الدول من عصرجدانك وجدااني

لكنك استريح وضف وجهك لاتصيرجخير
وتجحد فعلنا الي ينعرف في كل الاوطاني

[علي فلاح العضياني]

الله اكبر


صح لسانك يا خوي السعد ولا هان المطيري


واصلوا ولا هنتوا

[خوي السعد]

ومن يقول ياشامان ولا عليك زود اشكرك على التواجد .

[خوي السعد]

طبيعي هالولد يا اهل الولد طالع ولد شرير = ولايخجل على دمه ولعبه داني ياداني
اعلمه الحقايق ويتجاهلها بشكل مثير = ويكذب كذبة (ن) ماوقفت من دون عماني

[خوي السعد]

الشاعر الكبير الفالح مشكور على حضورك ومن قال مايهون.

[نايف المطيري]

بعد زودتها ماعاد باقي غيرادق الزير
على راسك وانادي من عتيبه كل طربااني

انا من عادتي مااطاوع الكذاب لواكبير
تعلمت الحقايق من رجالن فعلها باني

[خوي السعد]

هييييييييييييييييييييييييه خلوها

مدام انك من اهل الزير واللي ينفخون الكير = اجل دقدق بزيرك لين يدخل وسطك اجناني
والى طاربك جني يالمطاري قلت لك كوم هير = وصفقتك على وجهك بمشعابي وحذياني

[نايف المطيري]

تهرج يالبهيمه عندالك قطمتين شعير
اذا كفتك والاعندنالك سرج وابطاني

انا حاسبك رجالن ثقيل وتحسن التعبير
واثرك ادنيفسه مافيك غيرقليب ولساني

[خوي السعد]

انا موجود لشكالك وطور حالتك تطوير = واعلمك الادب ياللي طبيعك طبع بحراني

اوكلك الخوابير الخفيه واقبرك تقبير =ياليت انك تفرج في سوادة وجهك وزاني

[مرزوق حمدان العتيبي]

...
.

شعراءنا الاعزاء خوي السعد ونايف المطيري
كلكم شعار ومبدعين وكبار .... اعتقد ان القاف شاب
او بمعنى اصح وصل الى مرحله ماتمنينا ان يصل اليها
او يتجاوزها .... ولكن نعتبر هذا حماس وتفاعل في مابينكم
من مناقشه .... ومن اجل هذا تبقى النهايه عند نايف بما انك
ياخوي السعد انت البادي .... واتمنّى من نايف ان يكون ختامها
مسك ... وفوق كل ذلك انتم اخوان ومتأكد انكم فالنهايه
كل واحد بيقول للاخر صح لسانك ويعتذر له على مابدر من كلمات
حماسيه .....
مودتي للجميع ... واملنّا ان يسود الود بين جميع شعراء المنتدى
وينتهي كل شي مع نهاية كل محاوره ... وهذا حاصل ولله الحمد
.. اعذروني على المداخله والاطاله .. لان هذا ناتج معزتكم ..
.....

[خوي السعد]

ابدا يا اخ مرزوق العتيبي بالعكس انت انسان قدير ومداخلتك حكيمه
اناوالله اني كنت انتظر رد نايف حتى اقول له صح لسانك
والدعوى سهالات هذا هو شعر المحاوره شد في شد حتى يحدث فيه مثل هالمناوشات ويبقى الاخ نايف المطيري عزيز وغالي . وانااعتذر له على كل تجاوز والطيب اكيد يعذر وهو معذور . والسلام عليكم.

[نايف المطيري]

مرزوق وخوي السعدوالله كان ودي ان الموضوع ماياصل الى هذا المستوى لكن حصل خير..وانا والله ردي جاهزوتعرفون ان الرد بيكون قوي..مارايح يكون اقل من الي قبله..
لكن احتراما لكلمتك يامرزوق اتنازل عن حقي في الرد..
واقول لخوي السعد الله يسامحك..حديتناعلى علم مانبيه..
وشكرا لمن تابعنا من الاعضاءوشكرا خاص لك يامرزوق..
وعفى الله عن ماسلف.تحياتي للجميع