شباااااااااب ممكن قصيده

[ayedh]

شباااااااااب ممكن قصيده الي يقوال فيه الشاعر

لولله أصبحو ربعناء قوم ...............

ممكن تعطوناها كاملة وكثير الشكر الكم

الغبيوي

[مرزوق حمدان العتيبي]

يازبن كرب فوق ما يطرد النوم
حراير يا زبن مثل الاهلة
مرباعهم ما بين ظلم والاكموم
ومن السفايف يرمحن الاظلة
ملفاك شيخ بالقسا يذبح الكوم
شيخ وشيخان القبايل تدلّه
تلقا محمد زبن من جاه مضيوم
زبن الذليل اللي مخيف محله
واليا لفيت الشيخ يازبن ملزوم
تعطيه مرسوم بوسطه سجله
وان كان جيت النضو يا زبن ماسوم
رد الخبر والنضو يازبن خلّه
جانا من الشايب مكاتيب وعلوم
حيّ الكتاب اللي لفا حشمة له
الشايب اللي ينقل الكبروالزوم
باغي لحكمي مير انا عاصي له
جزاك من عندي من الخيل حثلوم
مثل البرد من مزنة مستهلة
ان كان تذكر سابق لك من اليوم
فرس عتيبي ورد شاهد له
انا برمحي باول الخيل ملحوم
والا انت رمحك عند سارة تشله
اديت انا اربع قحص والخامس التوم
وقعود زبن اللي بغا ما حصل له
لاوالله الا راحوا اصحابنا قوم
تنافضت من بينهم بالاجلّه
والحرب شب وشبشبه كل شغموم
من شبته ملح الفرنجي عصا له
إعرف ترى من طاح ماهو بمرحوم
ياكود من رب الملا شافع له
شافي وجرمان غدوا باول القوم
خلوا مطوعهم وانا شاهد له
خلوا مطوعهم على غوجه التوم
وعزي لمن حط الردى مسند له
وانتم كما حوت على الشط لاهوم
وحن خلقنا للواهيم عله
وانتم كما ضلع طويل ومزموم
وحنا خلقنا الله نجوم تهله
وانتم كما طير البحر ذاك ابا الحوم
وطير البحر ما يذبحه غير ظله


الشيخ والفارس تركي بن حميد

[ابوبجاد الرويس]

مشكور اخوي مرزوق

ويعطيك العافيه على القصيدة

[عمرالروقي]

لاهنت ياصاحب الموضوع على اثارته
ولاهنت يبو محمد على القصيده
وعلى طاري الاكموم ذكرت هذه الابيات
0000000000000000

يوم يقول بخيت بن ماعز العطاوي :
أبي إلى قرب السلف والحيا طاح
ظعوننا وظعونهم جت بتارى
مصيفهم في وادي غردقه فاح
ومقطاننا مران عد العشارا
وفي رواية :
مرباعنا باسفل بريده والاسياح
يم النفود ويم هاك الزبارا
وإن صرصر الجندب ووقت الحيا راح
ظعونا وظعونهم جت تبارى
وليا جا لنا مع خشم (الاكموم) مسراح
حنا تيامنا وراحوا يسارا
ميرادنا عِدّ به الجم فياح
مرّان عد مشرهبات العشار
وميرادهم في وادي غردقة فاح
عليه مديان ومحال تسارا
0000000000000
واعتقد انه يقع
في هذا المكان
وهذا البيت يدل عليه
اول منازلهم وراء ضلع الاكموم....وغربي حضن شرقي طوال النزاوووي
0000000000000000000000000000000000000000000000000

[عمرالروقي]

او هذا البيت
ركايب غـب المسارى بهن زوم-------ومربعات في ذرى كل شغموم
بين الطويل وبين دمخ والاكموم------في قفرة يقعد لها كل مصلاح
0000000000000
وكلها جبال في نجد