يواصف العتبان انت غلطان [الأرشيف] - الهيـــــــــــــلا *** منتدى قبيلة عتيبة

fahad8088

20-Jun-2007, 07:10 AM

أقول يا من صاب عقله هبالي
يومك وصفت العتبان أنت غلطان
رميت رمية مثل رمي الخطالي
وأخطيت بالرمية ولا صبت نيشان
والله ما يقبل كلامك رجلأ مثالي
يدري بعادات القبايل والأعيان
ما أدري على ويش الكبر والتعالي
ياشاحذ الأموال من كل سلطان
فقران تشحذ بالشعر الريالي
متسول وتقول يا ناس جوعان
ليتك سكت وكنت لاهي وسالي
لكن على نقصك تبي زود نقصان
نجدنا في كل شي مثالي
اهل الكرم والجود من سالف أزمان
وحنا عتيبة عز وجلالي
ترخص دمانا ما نساوم بالأوطان
بالعلم والتدريب طلنا المعالي
فالهندسة والطب والجيش مليان
والشعر فينا له حضور ومجالي
عرضة و ردية و طاروق و ألحان
أبدى من الحجاز و أشد الرحالي
من باحة الأبطال روقي وبرقان00
دام الحمية عندنا ما نبالي
لو صارفي بالوقت رجفه و ميلان
وهذي قبيله لها ماضي و تالي
و أحذر تسب القبايل بنقصان
الشاعر غراف بن محمد العتيبي