مـــــــــاني بضـــــــــــــــاربه

[الازوري]

بسم الله الرحمن الرحيم

يقول الذي وده بشوفة حبايبه=وكمّل سنه ما عاد للطرف غايبه

فقلب(ن) سوات اشعيل ما همه الهوى=ولا هد من حيله ولا لآن جانبه

وقلب(ن) سوات العود يلعب به الهوى=وقلب(ن) سوات العير حبله بغاربه

ويا ويل ويلي من غرام(ن) يسوقني=جفول(ن) سوات المهر يجفل بصاحبه

فلا انته بقد الخيل حتى تسابقه=ولا انته بقد الجيش حتى تحاربه

فلا كل من غنى تغنى من الهوى=ولا كل من ينصح كثيره تجاربه

ولا كل شيخ(ن) يلحق الصبغ لحيته=ولا كل قرم(ن) يلحق الموس شاربه

تعبنا من الدنيا وخضنا سنيها=وجينا بمشراق الزمان ومغاربه

ليا شفت خلي صد عن سكة الهوى=وسكّر شبابيكه وطفى كهاربه

فلاني بجالس له ولاني بزاهمه=ولاني بشمّاته ولاني بظاربه

غرام(ن) يذل النفس ماني بحاجته=وشوق (ن) يجيب ادموع ماني بقاربه

فلا القلب سوى شي لولا عزيمته=ولا الطير سوى شي لولا مخالبه

فنا شمت مثل الطير عما يليق به=ولو مات بعض الناس ماني بطالبه

[السميــــــري]

فـلا كـل مـن غنـى تغنـى مــن الـهـوى
ولا كــل مــن ينـصـح كثـيـره تجـاربـه
ولا كل شيخ(ن) يلحـق الصبـغ لحيتـه
ولا كل قرم(ن) يلحـق المـوس شاربـه


مبدع يالازوري ..

بيض الله وجهك على هذه الفريدة من نوعها ,,

ابيات رائعة جدا ..

[بدر المقــاطي]

غـرام(ن) يـذل النفـس مانـي بحاجـتـه
وشوق (ن) يجيب ادموع ماني بقاربه

رائع يا الازوري بالفعل رائع

لك مني اعطر التحايا ..

[يوسف السيحاني]

صح لسانك يا الأزوري ولاهنت

[صعوط المجانيين]

صح السانك

مبدع

تقبل تحياتي

[مخلف الهقاوي]

فـلا انـتـه بـقـد الخـيـل حـتـى تسابـقـه
ولا انتـه بقـد الجـيـش حـتـى تحـاربـه
فـلا كـل مـن غنـى تغنـى مــن الـهـوى
ولا كــل مــن ينـصـح كثـيـره تجـاربـه
ولا كل شيخ(ن) يلحـق الصبـغ لحيتـه
ولا كل قرم(ن) يلحـق المـوس شاربـه

راااائع يالازوري..صح لسانك اخوي..وبيض الله وجهك على هالجزاله

[ابوبجاد الرويس]

مشكور

وصح لسانك

ولاهنت يالغالي على القصيدة

[أبو نجر النفيعي]

..

صح لسااااااااانك يالازوري..

قصيدة جزله ..

لاهنت ..

.

اخوك

[معلا إبراهيم الأسعدي]

هلاليه قويه وجميله وقريبه من الذات

صح السانك

[الازوري]

مليون صحت ابدانكم

ولا هانت روسكم


وشكرا لمروركم

وبيض الله وجيهكم


تقديري


و


احترامي

[الفراهيدي]

صح لسانك يا الأزوري

ولاهنت على القصيدة الرائعة