سلام ياعزوة هل الهيلا رفيعين المقام

[ربح السبيعي]

السلام عليكم ورحمة الله وبركاته


بعد الغيبه عنكم نبداء بها الطاروق عسى يشفع لنا وتعذرونا



سلام ياعزوة هل الهيلا رفيعين المقام=الابه إللي من يصاحبها مايبغاء غيرها

خذنا ثلاث شهور عنكم ياعتيبه بالتمام=كثر المشاغل هي سبايبها وهي تبريرها

[مرزوق حمدان العتيبي]

كثر المشاغل هي سبايبها وهي تبريرها

كثر المشاغل هي سبايبها وهي تبريرها


مرحبا بالشاعر الكبير والخلوق ربح السبيعي
نور القسم بعودتك ... واسمح لنا نستفيد منك نفداك .

[ربح السبيعي]

الله يبقيك يامرزوق العتيبي ويطول عمرك

المنتداء منور باهله عساه مايخلا منهم

[مرزوق حمدان العتيبي]

يامرحبا ترحيبة المحشوم للربع الحشام = ياللي حروفك صفحة الهيلا سبب تنويرها

من بعد غبت وجيت وش حضّرت من حمض العلام = ترى علومك يالسبيعي مانقص تقديرها

[ربح السبيعي]

استلم لاهنت



دام البقاء لاهنت يامرزوق يانسل الكرام=راع العلوم الجزله إللي بيناً تاثيرها


جبنا العلوم إللي مع اهل الطيب تحضى بأهتمام=مثلك يشوق الها ويعرف لابدت تفسيرها

[مرزوق حمدان العتيبي]

..
.
الله الله


مابك قصور وتاصل الحروات ياعال المقام = واهل المقام المعتلي يالله تكثر خيرها
شوقتنا لعلومك الجزلات عجل والهمام = يوم المعاني بيني وبينك تحرك سيرها

[معجب العتيبي]

صح الله السنتكم

وحياك الله في بيتك الثاني


اعذروني ماعرفت الشروط والا كان ساهمت بالرد شعرا

[ربح السبيعي]

قناة موروث العرب يقرا عليها بالسلام=من يوم طار ابجوها طيرٍ ماهوب ابطيرها

من يوم حاربت الجزيل او صادقت هزل الكلام=ماعاد شاق البال نشرتها ولاتقريرها

[ربح السبيعي]

صح بدنك ياسارح البال


والله يبقيك ويطول عمرك

[مرزوق حمدان العتيبي]

...
.
مشكور ياسارح البال على تواجدك معنا ..
... سعداء للغايه ...

[مرزوق حمدان العتيبي]

...
استلم ووعدنا بعد الصلاه بحول الله ..
...

اللي تخالف عن طريق المرجله والاحترام = مانيب مشغل خاطري كله على تقصيرها
زعلت مثلك ياربح والشيخ يلحقه الملام = بافكاره اللي ما اعتقد تعمل على تطويرها

[معجب العتيبي]

الله يسعدكم

انا فعلا سعيد بتواجدي معكم

وبصراحه ابياتكم روعه

شدو الحيل

[ربح السبيعي]

عكست مفاهيم اكثر العالم وخالفة النظام=صاحة مسيقتها على العالم ودنة زيرها


الشيخ فك المسبحه والخيط في يد الغلام=حتى وغثرب موية الاجواد داخل بيرها


استاذنك يا استاذي مرزوق عندي مشوار والظاهر ان الطاروق اخذ حقه


والختام عندك يالذيب

[مرزوق حمدان العتيبي]

...
.
اكثر عباد الله يخلطون الحلال مع الحرام = ولهالسبب زاد النصارى الجهد في تنصيرها
الرابح اللي ياربح يحفظ صلاته والصيام = ويعف نفسه عن مواطين الفتن ومثيرها

[مرزوق حمدان العتيبي]

...
.

الاخ الفاضل سارح البال ...
لنا الشرف بتواصلك ...
...
لاهنت ..
-----------------

الشاعر الجزل ربح السبيعي بحفظ الله
ولا تقاطع .... وشكراً لك
على ابداعك ... ولنا لقاء اخر ان شاء الله ..
....

[سفر المقاطي]

صـــح السانك اخوي مرزوق ؟وصح السان اخوي ربح السبيعي

[سلطان بن ثعلي]

الله الله وصح السنتكم ياشعار

على هذة المحاورة الرائعة جداً

ربح السبيعي ومرزوق العتيبي،،،


وشكراً

[السميــــــري]

طاروق كان ممتع للغاية ..
مع شعرااء كبار ,,

صح لسانك ياربح ,,

صح لسانك يامرزوق ..

[مرزوق حمدان العتيبي]

...
الاخ العزيز وبن العم سفر صح بدنك ياغالي
.... شرفتنا ....

[مرزوق حمدان العتيبي]

...
.
مرحبا تراحيب المطر ياسلطان
شرفت يابن العم ..

[مرزوق حمدان العتيبي]

...
.
مشرفنا المميز السميري
تواجدك هو المكسب لاعدمتك
...

[ناصر الجلاه]

ربح السبيعي حيااك الله >>>>>>>>>>>> وصح لسانك على ماقلت

ومن حضر ماغااااااااااب


مرزوق العتيبي رد وااافي يامشرفنا القدير >>>>>>>>>>> صح لسانك


لاهنتوووا

[مرزوق حمدان العتيبي]

..
.
الشاعر المبدع فزاع مرحبابك ...
اكتمل جمال هذه الصفحه برؤية حروفك..
..
.....

[ربح السبيعي]

سفر المقاطي


سلطان ثعلي


السميري


فزاع


مرحبابكم جميعاً


وصحت ابدانكم


حقيقه اسعدني مروركم وتعليقم


لاهنتم جميعاً

[ذيب الفيااافي]

هنااااا الابدااااع

علمين من اعلاااام الشعر


ربح السبيعي


مرزوق العتيبي


صح السنتكم


مبدعين يشهد لله

[ربح السبيعي]

هنااااا الابدااااع

علمين من اعلاااام الشعر


ربح السبيعي


مرزوق العتيبي


صح السنتكم


مبدعين يشهد لله


صح بدنك ياذيب الفيافي


شهادتك نعتز بها


لاهنت على مرورك المشرف

[ابن مشيب]

طاروق ولا اروع , صح السانك ياربح ولسانك يابومحمد


تحياتي

[خوي السعد]

محراف حريفين صحت السنتكم .

[مرزوق حمدان العتيبي]

..
.
ذيب الفيافي..
. بن مشيب ..
.. خوي السعد ... صحت ابدانكم ...
وكلماتكم محل اعتزازنا ..
.. دمتم بود ...

[ربح السبيعي]

ابن مشيب


خوي السعد


صحت ابدانكم ولاهنتو


شرفنا مروركم وتعليقكم