يا الربع ممكن سؤال ممكن رد .....؟

[ابن بريم المقاطي]

السلام عليكم ورحمة الله وبركاته


هلحين انا بسالكم يا بني عمي

هلحين رضوان منهيله


انا الي اشوفه اكثرها عتبان

واظن اميرها عتيبي

بس الي سمعته يقولون للبقوووم فهل هذا صحيح .....؟

[مخاوي العتبان]

لا مهيب للبقوم

رضوان للروقه للذيبه على ماظن

[ابن بريم المقاطي]

اهااااا
يا ليت تتكدولي الله لا يهينكم

مشكور مخاوي العتبان

الف شكر لك اخوووي

[سلطان البقمي]

رضوان للبقوم

وفيها مركز خاص بقبيلة السميان من البقوم

وموجود بجوار محطة زهرة الطارف التي على الخط السريع الرياض الطائف باتجاه الرياض

وهذا الشئ لاجدال فيه

بس تكفى لا تزعل علي ياخالي

ان كان كلامي زعلك

تحياتي

[ابن بريم المقاطي]

وش دعوه يا سلطان الله يعافيك

تراه سوال يا البناخي


مافيها شي

على العموم مشكور

توني ادري تصدق ؟؟؟

[مخاوي العتبان]

وحنا كلما جانا واحد قال انتم خوالي

البقمي ترى كلامك مايزعل احد بس انت ليش تقول لاتزعل علي ؟؟

علشان تعلمنا ان العتبان خوالك ؟؟

ايه هين خخخخ

[الهيـــــزع]

الي اعرفه يالمقاطي ان رضوان للبقوم

[ابن بريم المقاطي]

اهااااااا

والله اني متلخبط لحد هلحين

لن رضوا اكثر الي فيه عتبان

روقه الذيابه

والله مدري عاااد

[ابن عصيم]

أخوي ابن بريم اللي نعرفه أن رضوان للبقوم ويمكن في سكان غيرهم لكنها من قديم لهم

[اخو جوزه]

خافو الله ياعتيبه رضوان للبقوم

ولا فيها جدال

[طاوي الشوق]

اخو جوزه


سلامات


وش هيله اللقافه


انت مريض تشوف الربع يقولون للبقوم وتجي خاش عرض



انت فيك عرق خلوه ولا ويش


تركد بس



يامخليت الرديف


مسوي فازع

[بدر الخراص]

اخوي المقاطي
رضوان للبقوم وليست للعتبان
وتحديدا السميان من البقوم
تحيتي لك

[الصمصام]

اللي اعرفه انها للبقوم

وفيها عتبان واجد

[ثاير]

حسب علمي للبقوم

[فهد النفيعي]

اللي اعرفه ان رضوان ديره للبقوم وهذا كلام من واحد بقمي اتصلت فيه قبل إعداد هذا الرد

وسلامتكم..

اخوكم /
فهد النفيعي.

[رمح برقاا]

ياخي ما قلنا شي رضوان للبقووم زين على شان يصيرر عندكم يرتين تربه ورضوان ههههههههههههههه بسس لا تزعلوون

[المشاكس]

يابن بريم رضوان لعتيبه من قديم الزمان لكن سمعت ان البقوم (السميان)

طلبوا من عتيبه يمين الطريق السريع وعطوهم عتيبه والا رضوان لعتيبه يارفيقي



مع تحياااااااااااات

المشاااااااااااااااااااااااكس

[فتى بسيان]

السلام عليكم ورحمة الله وبركاته


أخي العزيز


رضوان يمين الخط وانت رايح للطايف كله للذيبه من الروقه ويسار الخط للبقوم ......

أما كله للبقوم ماعنده سالفه اللي يقول هالكلام ...

[المشاكس]

يابن بريم جتني معلومات ان عارفه من عوارف عتيبه ومن كبارها قال

اذا جا الضبي على ضلع رضوان ورموه عتيبه وطاح في الجهه المقابله مااحد ياخذه لانه في ديرة البقوم واذا رموه البقوم وطاح في جهة عتيبه ماياخذونه لانه في جهة عتيبه والضلع يقع يمين الخط وانت رايح للطايف ويسار الخط وانت رايح الرياض يعني الديره التي يمر بها الخط للبقوم


مع تحيات
المشااااااااااااكس

وشكرااااااااااااا

[الخيال]

رضووووووووان للقبيلة القووووووووووووووووووووم

[عبداالرحمن]

هي في الاصل ليست للبقوم

لكن البقوم سكنوها واحيوها

كذلك العطيف مثلها تماما ليس للذيبة

[سيف الجعدة]

رضوان كانت لعتيبه لكن ابن فهيد اعطاها البقوم والقصه معروفه ومشهوره يوم خلاهم يكسون السرح وعطاهم رضوان رضوه كذا مسمينها رضوان

[من الداهنه]

حسب معلوماتي انها للسمره من الروقه

[فهد العازمي العتيبي]

هذا رابط لمعلومات عن مركز رضوان

وهو في الحقيقه يسكنها عتبان وبقوم

http://www.otaibah.net/m/showthread.php?t=3302

[شوق الصعيبة]

وعليكم السلام ورحمة الله وبركاته

،،


فصل الكلام ،،


طبعاً في الماضي (تقدر تقول قبل 35 سنة) البقوم مايتعدون ضلعهم حضن

،،


لكن الله يعز ابن سعود ،، الي عطاهم رضوان


،،

ثم ان رضوان لاتتوفر بها مايدعي البدو بالحفاظ عليها ،،


اوضّح اكثر ،،


أي ان رضوان مافيها ابيار ياردون البدو عليها ،،






إثبات لكلامي ،، الحجه


الشاعر / دهيّس الهمرقي الكريزي المقاطي يرثي زيزوم طلحة عباس بن زيد بابيات منها ،،



امس العشي عديت في نايف الحيد=حيد القليب اللي على جـال لابـه

اشرف على مقطانهم والمساجيـد=اهل ركيبٍ يـوم يمشـي ضبابـه

مال الحيا يا تنظبة بير إبن زيــــد=اللي قطنها الترف جالي عذابــــــــــة

شدوا ودنوا له دقاق العجاريــــد=على أشقح(ن) ومخفف(ن) له زهابه

ثم انحدر به مرذي الفطر العيد=اللي مع الجوبه* يروع التهابـه

أما نصا مرّان زين المواريــــــــــد= وإلا تنصا الدحو وأيسر هضابــــــــــــه

على دروبه يذهبن المفاريـــــــد=وكم ذود مصلاح (ن) بعيد(ن) غدابــه

يبرونة الروقة بخيل (ن) سناجيد=ربع (ن) يفكون التفق من قرابـــــــه


* الجوبّهْ : بإمكانك ان تسأل أين حدود الجوبة ؟

لكي تعرف ،،،


فديّر الرووقة معروووفة ،، ومن دونها الاد رووق

وقبيلة السمره الان اتاهم مخطط ضمن ديار اجدادهم وحدودهم ،، ونبارك لهم به

والله يجمعهم ولايفرقهم جميعاً ،،

واجداد البقما اللي اطيب منهم ماخذوها بالسيف والشلفا ؟؟ لكن ،،

في الحقيقة هناك اشياء ماودي اطرحها بالنت ،، وغنين عن بعض العلوم غنين

فالأخير ،، نحن لسنا اطيّب من اجدادنا اللي بايعوا اولياء امورنا على السمعة والطاعة وعدم الخروج عليهم ،،فنفدي وطننا بدمائنا وليست حفنة تراب ،، فهو المتصرف بإعطاء الاراضي

ورضوان الآن للبقوووم ،،

كُتب للإيضاح ،،


إن اخطأت من نفسي والشيطان وان اصبت فمن الله وحده .