في منتدى العتبان ربعي هل الطالات والطيب !!

[خيّــال الكحيلـة]

في منتدى العتبان ربعي هل الطالات والطيب = ابدا سلامي ياعتيبه وانا قايد كتيبه

حاضر بحاضر ياعتيبه ولا فيها مناديب = وترى الحصان العبث لابد يخزم من سبيبه

[محمد العضياني]

في منتدى العتبان ربعي عطيبين المضاريب=يا مرحــبا باللي حضر بالنيابه عن عتيبه
ان كان جر الذيب صوته على روس المراقيب=لا يامن البندق ليـــــــا ثوّرت يمكن تصيبه

[خيّــال الكحيلـة]

ياصاحبي ماضاع فالوقت يلقا فالمكاتيب = تلقا وليد الناس مضوي على ربعه مصيبه

انته تصوّب للهدف مير اضن الرامي يخيب = بعض الاوادم لامشى بان به شكه وريبه!!

[محمد العضياني]

الحـّر يا خيال لا حام يشبع بالمخاليـب= والشك زايل في رجالن يحلون الصعيبه
ان كان ودك بالسلامه من القناص يا ذيب=احسب حسابك للبعيده وحسّب للقريبــــــه

[فالح الكرنافـ]

صح السانكمـ كلـ منـ

خيالـ الكيلهـ و البوارديـ

واللهـ يعطيكمـ العافيهـ

[مرزوق حمدان العتيبي]

...
.
خيال الكحيله ... والبواردي
صحت السنتكم ... والى الامام..
...

[خيّــال الكحيلـة]

فالح الكرناف

مرزوق العتيبي

مرحبابكم


ولاهنتوا على هالحضور المشرق...

[خيّــال الكحيلـة]

سبحان من خلاك ياصاحبي ضمن المعازيب = وانته من ايامٍ مضت مامعك ماتلتهيبه

لولا حيايه من هل الطيّبه واهل المواجيب = ان كان احط اليوم يابواردي فوقك نصيبه

[محمد العضياني]

هذا جزا اللي ينطح اهل النقيصه بالتراحيب= من يمكم لــو جاتني مثلها ماهي غريبه
ان كان تبغا العلم تحتاج لك خبره وتدريب = حتى تقص الجــره وتعرف تصيب الضريبه

[محمد العضياني]

فالح الكرناف ومرزوق العتيبي

ارحبوا ارحبوا.............. شرفتونا

صحت ابدانكم

[خيّــال الكحيلـة]

ترى النقيصه ماتجي بيننا والشك والريب = حاسب على نفسك ترى الناس ماتقبل معيبه

داوي جروحك يالعتيبي عساك تشوم وتطيب = وان كان ماحصلت رد الخبر وانا طبيبه

[محمد العضياني]

والله لو منت بعتيبي ومن ضمن الاجانيب= لا سقيك من كاس الاهانه وتسري بالغليبه
لكن على الله يا زمان جمع جحدر مع كليب=هذي تصاريف الليالي ودبرتها العجيبــــــه

[خيّــال الكحيلـة]

بالهون يارجال لاتقضبك عكف الاشانيب = خل السوالف فالخلا مالها فالوقت هيبه

حنا ليا دارت رحانا معك نبين وتغيب = وانته رجل لكن مابان فالميدان طيبه

[محمد العضياني]

خسران ياللي تنطح السيف الاملح بالمشاعيب = ومعثور ياللي وسط سوق الذهب تعرض زبيبه
انتم ليا دارت رحاكم وصلكم مــــــــــورد الهيب = واخلف هقاويكم وفرّق حبيبً عن حبيبه

[خيّــال الكحيلـة]

البواردي


صح لسانك والعذر وانا اخوك لو حصل لبس في الموضوع

نبقا ابناء عم

تحيتي لك ياغالي ..

[غازي غالب]

خيال الكحيله صح لسانك ... والبواردي صح لسانك .. ولاهنتوا ياعتيبه ... والصف واحد ..


تحياااااااتي لكم

[> الحزيمي <]

خيال الكحيله
...........

والبواردي


صح لسان كل منكم


ومتااااااااابع