يالعتبان

[ذيب الفيااافي]

سلام ردة وفا تضفي على القاصي والادنين = ياهل المحلات جوكم بالوفا بعض الطراقي
الليل ياعتيبه الهيلا نبي منكم براهين =على بعض ماحصل ياصحابنا واللعب راقي

[مرزوق حمدان العتيبي]

ياللي تسلم هلا يامرحبا فيكم ملايين =بالمنتدى اللي مميز في مواضيعه وراقي
الليل ياللي تجر الصوت ماحنا بعدين = عطنا الخبر منك كله لاتبقي له بواقي

[مرزوق حمدان العتيبي]

...
.
الليل ياخوي ذيب الفيافي
ترانا متعودين نبتدي الطاروق مثل هالوقت ونشيبه ...
... فأذا كان بأمكانك فعل ذلك ... تراه ابرك الساعه ..
.. والامر إليك :)
.....

[فالح الكرنافـ]

صحـ السنتكمـ يا مرزوقـ وياذيبـ

واللهـ يعطيكمـ العافيهـ

واصلووو واصلوو

[ذيب الفيااافي]

دام البقا وانت مضمون (ن) ضمان مع المضامين =ياممثل القوم بعض اصحابنا فيهم نفاقي
ابشر بعلم (ن) يسرك مانبقي شي بعدين =ورا سفيرك هللك وانتم من اصحاب السواقي؟؟

[مرزوق حمدان العتيبي]

نبغا الكلام اليقين وماش به شكه وتخمين = ادخل على الله مالحق ذمتي جل ودقاقي
مدري وش اللي قصدته مار خلك ماسك ايمين = من قبل احملك حمل ٍ ياعميلي مايطاقي

[ذيب الفيااافي]

بيُن 00 وواضح عليك انك وليـــد (ن) يحفظ الدين = لا يدخلك شك من هرجي وتنسا الااتفااقي
قبل امس ف ادبي شفنا لك مواضيع وعناوين = لوكان حملتك في ظهرك وطشيت الطواقي

[فالح الكرنافـ]

نبغا الكلام اليقين وماش به شكـه وتخميـن
ادخل على الله مالحق ذمتـي جـل ودقاقـي
مدري وش اللي قصدته مار خلك ماسك ايمين
من قبل احملـك حمـل ٍ ياعميلـي مايطاقـي

اللهـ عليكمـ مرزوقـ

صح السانكـ مرزوقـ

[مرزوق حمدان العتيبي]

الله الله
,,,


من خاف ربه سلم واللي عصاه يحاسبه زين = وانته بعد فيك خير ..ولا يضيق بك الخناقي
ادبي مالي بها ياصاحبي ربع ٍ موالين = اصدق بهرجك وعودها على زين المراقي

[مرزوق حمدان العتيبي]

...
.

الكرنافـــ
هلابك ومرحبابك نورت الصفحه..
....

[ذيب الفيااافي]

اعوذ بالله من ابليس ومن اخوان الشياطين=وان ضاع فيك الوفا والطيب ماياقاك واقي
قدرك على الراس وسط ابوظبي ودبي والعين =ولانيب مثلك معودها ولو انك(عراقي)

[مرزوق حمدان العتيبي]

من فضل ربي لنا العليا على كل الميادين = يوم ان بعض العرب طيبه يشاقي مايلاقي
هرجت ضعيف الجدا ماتخفي افعال المسمين = ياللي براس الطويل اتصيح من نار الفراقي

[مهند الروقي]

ولانيب مثلك معودهـا ولـو انك(عراقـي)



انا مستغرب كل يوم ناقزلنا واحدن ماندري وشهو وش قبيلته
واتوقع انه مسجل بمعرف ثاني والا علامه محتر علانا وهو جديد ولا حصله مشكله مع احد

[مهند الروقي]

من فضل ربي لنا العليا على كل الميادين = يوم ان بعض العرب طيبه يشاقي مايلاقي
هرجت ضعيف الجدا ماتخفي افعال المسمين = ياللي براس الطويل اتصيح من نار الفراقي

لا هنت ياعصاااااااااااااااااااااابة راسي

[ذيب الفيااافي]

والله ونعم (ن) بكم يااصحابنا ف الطيب وافين = ثنون عند اللقا وتروح ضمركم اسباقي
صاحبك ياصاحبه وافي ومن نسل السلااااطين = واللي يصيح انت غير ارضاك ست (ن) من نياقي

[مرزوق حمدان العتيبي]

...
.
الاخ العزيز مهند الروقي على راسي يابن العم
... والامر عادي وانا اخوك وطبيعي ....
هذولي هم شعراء المحاوره وهذي اساليبهم وسع بالك
وخلك بس ماسك الصف وازهل الباقي ......
مودتي

[ذيب الفيااافي]

والله لانيب محتر وانتواا ربعنااا ياخوي

ولو انك عراقي تبيين للمعنى لا اكثر ولا اقل


والسالفه كلهااا لعب


ولاحد ياخذ الموضوع على غيرمحمله

وان كان وانكم تحسبون انه تهجم حاشا والله

ولاهنتوااااااااااااااا

[مرزوق حمدان العتيبي]

الا تعال انشدك وابغا جواب ٍ منك هالحين = انته من اي العرب حتى يطيب لنا التلاقي
حيثك كريم ٍ واكيد انك من رجال ٍ كريمين = دامك تقدم نياقك زادك المولى وفاقي

[مرزوق حمدان العتيبي]

..
.
ذيب الفيافي انت شاعر مبدع وتلعب على معنى
... واصل واصل .... والاخ مهند كلامه عام ... ولاتاخذ على خاطرك..
..
تحياتي لك ...

[فيصل المسعودي]

ياسلام سلم


استاذنا ابو محمد


وذيب الفيافي


في صفحه من صفحات الابداع


واصلوا يالغالين ومتابعين


تقديري

[مرزوق حمدان العتيبي]

...
.
دام تواصلك يافيصل ....
صح بدنك وسعدنا بزيارتك يارائع
.....

[السميــــــري]

الله الله يابو منذر..

دائماا وانت تتميز بالابدااع ..
أرقى سنوووووود ..


ولاهنت ياذيب..

[مهند الروقي]

الاخ العزيز مهند الروقي على راسي يابن العم
... والامر عادي وانا اخوك وطبيعي ....
هذولي هم شعراء المحاوره وهذي اساليبهم وسع بالك
وخلك بس ماسك الصف وازهل الباقي ......
مودتي


كفوااااااااااااااا ولا عندي شك والله يامرزوق

انا ودي من اخوي ذيب الفيافي انه يعرفنا باسمه وقبيلته ثم يدهر وعلى العموم انا اعتذر له
ان كاني اخطيت عليه

[ذيب الفيااافي]

انا من اهل الجزيره والسوالف بيننااا البين =بالطيب والعرف واكبار العزاوي ماتعااااقي
على الشريعه كذا 00 جيتك ومعي اصحابي اثنين =عساك ترضا وترجع غاد ويدوم الوفاقي

[سفر المقاطي]

صح السانك ابن العم ؟؟؟؟ ولايهون اخونا ذيب

[ذيب الفيااافي]

شرفتوا الصفحه بمروركم يااخواااان

الشاعر مرزوق تقبل احترااامي وتقديري

المهم اذا وجودي بينكم مضايق حد منكم

فانا اعتذر

لاني اخترت منتدى الهيلااا من المنتديات

ولا اخترت الا الناس الكفو

واعتقد الضيافه لها دورها

وتمنعني الضيافه اني اجرح العتبان باي شكل من الاشكال

واسمحوا لي على العتب

[مرزوق حمدان العتيبي]

ادري من اهل الجزيزه مارمعتك من هل الصين = وان كان خايف تقول الصدق اباشق الرواقي
انته تقلب يمين يسار وتقفي بوجهين = يالله دخيلك من النكبات واسباب الشقاقي

[مرزوق حمدان العتيبي]

...
.
الاستاذ السميري .. مراحباتراحيب الربيع
انت المميز وانت الابداع بكل معانيه ...
.. شرفت ياغالي ...
...

[سلطان الجـذع]

ادري من اهل الجزيزه مارمعتك من هل الصين
وان كان خايف تقول الصدق اباشق الرواقـي
انته تقلـب يميـن يسـار وتقفـي بوجهيـن
يالله دخيلك من النكبـات واسبـاب الشقاقـي

نعم نعم

كلاااااااااام عليه الكلاااااااااااام

يامرزوق

[ذيب الفيااافي]

عطيتك العلم لكـــنه يبي ناس(ن) فطينين = ارواقك انشق والاخبار جاتك ياملااااقي
انته تلواا وترجع خلف والعتبان دارين = مرزوق لاقي بلاوي مير بالله ويش لاقي؟؟

[مرزوق حمدان العتيبي]

...
.
الشاعر ذيب الفيافي
صح بدنك .... وان كانك اخترت منتديات عتيبه ... فثق اننا فخورين
بهذا الشي .. ونكرر بك الترحيب امرار وتكرار ... المحاوره نعتبرها
جلسه حواريه ينتهي مع نهايتها كل شي بين الاخوان ...
وتبقى الموده والمحبه كماهي لم تتغير ... واكرر لك اعتذاري ان بدر
مايكدر خاطرك ... وتراك في محلك ...

[ذيب الفيااافي]

لا بالله

مجملين يالهيلاااا

[مرزوق حمدان العتيبي]

الله يسامحك ياضيف ٍ حضرت وبك مهلين = احسبك راقي بذوقك وانت بالهزله تقاقي
مادام حديتها للشين مانجرى على الشين = الشين طبع المريض اللي بتفكيره معاقي

[مرزوق حمدان العتيبي]

...
. من عندي شاب الطاروق ياذيب وصح لسانك ..
..
الاخوان ...
سفر وسلطان ... مرحبا بهالوجيه ... شرفتوا ونورتوا ...
....

[ذيب الفيااافي]

صح ابداااااااااااااااااانك مليوووووون يامرزوق


اسعدني اللعب معك والبيتين الاخيره دفاااااعيه


ولااااااااااااااااااهنت مجمل يابو منذر

واسمح لنا اذا جاك مناااا ما يكدر خااااطرك


وانت ماشا الله عليك

[نواف العصيمي]

يعطيكم العافيه .. ,, وصح السنتكم

ولاهنت يابو منذر .. ولاهنت يا ذيب الفيافي


ولك التقدير والإحترام

[مرزوق حمدان العتيبي]

...
.

مراحب يانواف ... نورت المتصفح ...
وزياره .. مانعدمها ...
..

[نايف بن ملحق الثعلي]

صح لسان الشاعرين
ذيب الفيافــي
والشاعر المحبوب حبيب الجميع
مـــــرزوق العتيـــــــبـــــــــــي

[طلال الثبيتي]

الله الله ..


شعراء مبدعين كلكم ..

وياهلا بك ياذيب الفيافي .. وصح لسااانك ..


مرزوق صح لسااانك .. وانت خير من يمثلنا شعرآ واخلاقآ وتعاملآ تراه صدز وبدون مجاملات اي والله ..

[ذيب الفيااافي]

نواف العصيمي

نايف الروقي

طلال الثبيتي

صح ابدانكم والله يبقيكم

ويشرفني يشهد الله التواجد بينكم

ودمتم بووووود

[> الحزيمي <]

السلام عليكم ورحمة الله وبركاته


صح لسانك يا ذيب وحياك الله بينا وتشرفنا في شاعر مثلك


والاخ مرزوق صح لسانك وخير من يمثلهم




ولكم الاحترام والتقدير

[مرزوق حمدان العتيبي]

...
.
الف شكر لك من سجل حضوره
على هذه الصفحه ..
..

[مقعد الدغيلبي]

حيثك كريم ٍ واكيد انك من رجال ٍ كريمين
دامك تقدم نياقك زادك المولـى وفاقـي

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هههههههههههههههههههههههههه

مرزوق العتيبي

صح لسااااانك ملايين
ذيبان مايخليها تروح سلم

مجررررررم
لله درك على الرد البتار
وتقبل اصدق الود

[مقعد الدغيلبي]

ذيب الفيافي

صح لسانك يامبدع

ولاهنت وبيض الله وجهك
والله يحييك بين اخوانك وفي منتداك

وتقبل خالص الود والتقدير

[ناصر الجلاه]

ذيب الفيافي


والأستاذ :مرزوق


صحت السنتكم على هذا الطارووق الرائع لاهنتووووا

تقبلووووا اعجابي

[محمد العضياني]

ذيب الفيافي // مرزوق العتيبي

محاورة جزلة وشعار رائعين

صحت السنتكم