الحاضر من العتبان يتقدم

[عنزي جعفري]

الحاضر من العتبان يتقدم


يااصحابنا ياعتيبة بعد هاظ الشعور= عندي لكم سالفه لازم تعرفونها
انتم ونعمن بكم لكنّ فيكم غرور = ماغيركم يعرف الطولات وفنونها

[خوي السعد]

صح لسانك يالعنزي
وانتظر الرد

[خوي السعد]

وانت ونعم بك ولكن شاعر(ن) فيك جور = طبايعك عن ربوعك مختلف لونها
اشك بامرك وباسمك لاتلف وتدور = يا اصحابنا اللي حيلكم ماتخلونها

[مرزوق حمدان العتيبي]

انتم ونعمن بكم لكنّ فيكم غرور
ماغيركم يعرف الطولات وفنونها
ياسلام ياسلام يالجعفري
....
...
وانت ونعم بك ولكن شاعر(ن) فيك جور
طبايعك عن ربوعك مختلف لونها

..
حرفنة كبار ياخوي السعد
سجل اعجابي
......

[السميــــــري]

اشك بامرك وباسمـك لاتلـف وتـدور
يا اصحابنـا اللـي حيلكـم ماتخلونهـا

هههههه

مبدع مبدع ياخوي السعد ..
صح لساانك ..

..

وصح لساان قبيلك.....

[ناصر الجلاه]

اشك بأمرك وبأسمك لاتلف وتدووور


هههههههههههههه


صح لسانك ياخوي السعد


وصح لسان العنزي

متابع بصمت

[> الحزيمي <]

صح لسانك يا العنزي وحياك الله


وخوي السعد صح السانك وارك عليه اشوي بعد



ومتابع بشده

[خوي السعد]

المدير مرزوق العتيبي
__________________
المشرف السميري
__________________
الشاعر فزاع
_________________
العضو الفضي الحزيمي
_________________
صحت ابدا نكم ويعجز اللسان عن شكركم

[عنزي جعفري]

سلايل اهل الوفا ماني قصير الشبور= الزايفة ترجع لقوم ٍ يسوونها
الظاهر ان المصيبة فيك وانت مخبور = لكن عتيبة تخفي عنك قانونها

[خوي السعد]

اللي ببطنه بلا من شي تافه يثور = واهل النذالات يالله تعمي اعيونها
منته بوافي شبور الا ضعيف معثور = وام الكباير على راسك بحجونها

[عنزي جعفري]

الثور يطرد ورى عنتر ولاالوم ثور= واهل النذالات قصر ربي دقونها
ان كان مافي حسابك مال ماانت معذور= ماتزبن اهل العطايا اللي يمدونها

[خوي السعد]

لاتدعي بالسلامه وانت كلك كسور = حبتك يالجعفري من تحت طاحونها
الله يسلط على اللي يعبدون القبور = واصحاب ملة محمد مايدانونها

[عنزي جعفري]

الجعفري بالمواقف يالعتيبي جسور= لكن خل الامانه عند مامونها
ملة محمد تراها بخير والعلم نور= لكن بلاها شراذيم ٍ يخونونها

[خوي السعد]

العشره الطيبه يالجعفري ماتبور = يوم ان بعض الخلايق مايحفظونها
ياالله يالمطلع في ماتكن الصدور = تشفي رجال (ن) ياكثر الغش ببطونها

[ابن نميان]

العشره الطيبه يالجعفري ماتبور = يوم ان بعض الخلايق مايحفظونها
ياالله يالمطلع في ماتكن الصدور = تشفي رجال (ن) ياكثر الغش ببطونها

:D

الله الله الله


صح لسانك ياخووووي السعد :)

وصح لسان الجعفري :)

[عنزي جعفري]

الله يبيض وجهك على هالرد من زمان
ابغى عتيبي يقرر هالمعنى لكن بدون جدوى
على العموم استلم


عز الله انك صدقت وماعليك محظور= امد يمناي للي مايردونها
وانا بجنبك مشيت وفي ضميري سرور= ان كان بقلوبكم حاجه تخفونها

[خوي السعد]

صح قلبك يالصقر .

[عنزي جعفري]

بدون تحديد اسماء اتوجه بالشكر لكل من تابع هذه المحاورة مع اخي ( خوي السعد)

واشكره على قوته واتمنى له مزيدا من التوفيق


وصحت ابدان كل من تابعنا


تحياتي

[خوي السعد]

حنا لنا الصدق عاده من قديم العصور = في قمة المجد ياللي ماتشوفونها
لكن ابو عين عورا يحسب الناس عور = ياكم بلشنا بصاحيها ومجنونها

[خوي السعد]

ماعليك زود يالجعفري واشهد انك شاعر منت بسهل

[مرزوق حمدان العتيبي]

...
.
الابداع والجزله بكل صورها .... في هذا المتصفح
لله دركم يامبدعين ....

[عنزي جعفري]

والنعم ياهل الوفا مامن عليكم قصور= والطيبه كل ناس الطيب يشرونها
لكن علم بها الغياب هم والحضور = عيال وايل ربوعك لايتحدونها

[عنزي جعفري]

مرزوق العتيبي

مرورك ابهجني صراحة

اشكرك على المتابعة

[صقرالبراري]

بيض الله وجهك يالجعفري العنزي مال الصعاب الا رجالها .


شاعر ومبدع


السعد مبدع ورائع ومحاورة لها رونق خاص