مفاجأة ------> قصائد للباحث "عباس مشعل الشيباني" لاتفوتك ..

[عتيبـــــ ولد ــــــــة]

السلام عليكم ورحمه الله وبركاته

بعد الاستئذان من باحث قبيله عتيبه الباحث/ عباس مشعل الشيباني

احببت ان اضع لكم معظم قصائده التي نشرت عبر الانترنت في موضوع واحد

حيث يكفي عنا البحث عن ذالك مع بقيه الاعضاء عبر الصفحات

فاحببت ان تكون اول قصيده هي القصيده التي طالما رددها الشاعر عباس مشعل الشيباني على لسانه على مر الايام التي ذكرها وذكر موقفها

وهي المسمـــاهـ

(::][ الخـــوهـ .. ( الصــداقه )..][:: )


وهي تعبر نفسها قائلا فيها :




انا ببدا بذكر الله خلق كل الخلق والكون=عزيز جل في شانه وانا بادي بدعوابه
الا يالله تغفر لي وترحمني بليا طعون=عداد المال وماينجال وعد الي سطينابه
انا ناوي على نيه وبرسل قافي الموزون=على شاعر يعرف الشعر ولا تخفاله ابوابه
يجيد الشعر باسلوبه ويرسل لك عليه فنون=يحبك البيت فوق البيت وشّد البيت باطنابه
بحور الشعر بشربها ولا شاعر علي يهون=وبصعد فوق ضلع(ن) شامخ(ن) واكون مرقابه
وبرفع صوتي العالي ايا ضبعان يامجنون=انا بنشدك عن صاحب ترك من كانو اصحابه
يجير الله من خوه مسيره يوم ولا دون= يهيم بوادي(ن) كله حونشيه ونصابه
جزاء من باع خوتنا عليه الماقفه بتهون=هوان(ن) مايعرفه غير من هو فاتح(ن) بابه
وياضبعان قلنا لك وفهمناك ياالملعون=واذا ماكان متغدي بك اليوم تعشابه
وبعطيك العلوم الصاليه فوق الشعر بلحون=ولاني ماخذ(ن) علم الخوي بالظهر واغتابه
ولا ناشدك عن باب الوفا باب(ن) به المصيون= تبي تمطر عليه مزون وتصفى داخل حسابه
غديت اليوم ياضبعان مستاحش وفيك حزون=وانا ياخوك محتار(ن) ولا داري عن اسبابه
تسّمع باذنك الصماء وتنطق بالنظر بعيون=على فكرك على فكري درينا باللذي صابه
تخالف عقله الموزون توافق عقله المجنون=وانا برحل على ركابي وهو راحل على ركابه
وانا بنظر لك بنظرات عاشق ينظر المزيون= يبى يعطف عليك ويرحمك ويدس لك نابه
وصلى الله على محمد نبي الله رسول الكون=عداد الخيل مانجالت وفوق الخيل حرابه




اما هذه فكان لها موقفا مع احد شباب الانترنت هداهم الله الذين يزعمون بالنقض والفتل بالقصيد وفهم المعاني فأراد ان يقرصه قرصه المحب الواعض في هذه القصيده المسمإه

(::][ المرابيــش ][:: )



عيني على قلب(ن) من الهم ملتاع=قصدي على عين(ن) هدبها مراييش
افهم بيوت(ن) مالها اليوم نزاع=من هو نظمها قاصد(ن) له بتشويش
افطن بتفكير(ن) بالاوراق مآباع=جر القلم فوق الصحايف بترييش
خلا صغير العقل يبطي بالارماع=ينشد عن المقصود قصده بتفتيش
نصاب منهو ياخذ الفكر بالساع=يبطي بها منهو بعقله نخاشيش
خط القلم وابحر بحور(ن) بلا شراع=خلك على بحرك حليم(ن)ولو ويش
كثر الغرق في بحر الاشعار تباع=يتبع هوا الشعار في علم تشويش
ياصاحبي كثر الفخر شعر هزاع=يهوي بها صاحي ويهوي المرابيش
واكتب حروف الشعر باخماس وارباع=وانصاف شعرك ياصحيبي مناويش
ينصى بها بيت الفخر عد الارياع=بيت الفخر عند البدو بيت هالجيش
ينصاه من هو بالزمن ضامي(ن) جاع=يلقا بها من يوضع الشحم والعيش
وسيوف تحمىآ داخل البيت طمآع=داخل يبىآ فزعه رجال(ن) كما جيش
حمال سيف ويحمل الرمح باجماع=خيال خيل(ن) ماتعرف التناحيش
ينصىآ بها من هو على العد مناع=ياخذ بها حق(ن) ويخفي بها الطيش
من طاش وقت(ن) حكمنا له بالإنزاع=ننزع لروحه (مثل) تنزيعة الجيش
حتى يكون المعتبر ربع وارباع=فوق الربع ربعين ويكمل به الفيش
واخر كلامي يارفاقه ملا الصاع=صلو على المبعوث عد المطاريش




اما هذه القصيده فهي تتحدث عن امور معاناه الناس في العهد الماضي والحاضر بالمعاني والصفات وليس بالاشكال والهيئات فقد اسماها


(::][ الزين والشين ][:: )



بسم الله ابدا واخذ الفكر ردين=عل الذي يبدا بربه بوقفات
يصبح على طيب(ن) ويصبح على زين=الله يعين الي عليهم مصيبات
ياغافر(ن) ذنبي وياعالم البين=يالي عبادك ترتجي بك سكينات
ياراحم(ن) عبدك بالابصار بالعين=ولا بصير القلب يحتاج وقفات
خل الذي يفهم معاني الصعيبين=يارد على بيت(ن) ويارد على ابيات
قوم(ن) تظاهر منهم الشاعر الفين=عزي لقوم(ن) يطلبون المديلات
الفين قاضي عهده اليوم عامين=عام(ن) ورى عام(ن) وروحه وجيات
لاخير في قوم(ن) تعتزوى بالالفين=تاريخنا الهجري عليهم صعيبات
بقولها في يوم ماهو بيومين=افكارنا تارد على مر الاوقات
عزي لديره مابها اليوم صعبين=وعزي لرجل(ن) يحتسي الغزو ويبات
وعزي لرجل(ن) ياخذ الدين بالدين=وعزي لناس(ن) فعلها ماضي مات
وعزي لرجل(ن) يخلط الزين بالشين=عز الرجل من يفعل الزين ويبات
هذي طرايق من يعرف الموازين=ميزانهم يرفع للاعلام شارات
وانا عتيبي من قبيله شيابين=صخرت بيت(ن) من طويل المسافات
فجيت فج وعاين الفج بالعين=اقول قولي وارتكي للثقيلات
وصلو على من نهتدي به صلاتين=وعد المطر ماهل من فوق مزنات


يقول عباس:
هذه القصيده قد كانت قبل عامين حينما كنت منشغلا عن امور البل والبر في وقت الربيع وكان وقت الربيع في ذالك الوقت لم يكتب الله الامطار والخيرات على المسلمين وقد وعدت بها الوالد بان اكون اول من يحدر مع الابل ويسند بها فقد قلت هذه القصيده متوجدا فاسميتها على اسم احد الابل الغاليه على قلبي


(::][ العنـــــــَـــود ][:: )




الا يالله ياعالم بخافي =علوم الصدر وعلوم(ن) جهيره
تمالكني بنفسي وقت جافي =وقوت(ن) كلها علوم(ن) مثيره
هذا لابس وذاك اليوم حافي =وبكره بالقا يعكس مسيره
يارب الخلق للمرضا تعافي =وللمستاحش اليومه تجيره
نشدتك ياعليم(ن) بالجفافي =بهمال(ن) من مزونك غزيره
بها وعدي لذود الشايب افي =وحدرهن من الديره لديره
بوده للنياق الي خفافي =سمان السنم لاكن خف سيره
تهارف وسط بيدا بالفيافي =طروش البدو كلن في مزيره
وراكب هجنها دوم متعافي =ماهو يومي برجله فوق عيره
احب الشعل والصفر الشعافي =تهارف كل منهن في مزيره
يازول اطلق حوار(ن) للزرافي =ولا تقهر ولد صفرا مغيره
ويازول اضبط المقهور حافي =وخلك لابن مشعل مستشيره
وراك الفحل لا عنك يطافي =قعود(ن) قاطع القيد وهجيره
مسافتنا ماهي ميه الافي =حدود الرقعي الي مستديره
والا ياوجد من يقعد خلافي =يبى يونس قهر مني وذيره
يبى ينطق بها عباس قافي =بوسط العشب وامطار(ن) غزيره
وشبة نار وسط العشب دافي =ودلة(ن) تكيف من نحيره
ومع ذالك شروط الكيف تافي =صحيب(ن) من شراويكم مجيره
وصلى الله عداد الي يطافي =على من كان عبده مستشيره




عباس:
اما هذه القصيده فقد قلتها مفاخرا بقبيلتي عتيبــه حينما اتى مزاعم بيني وبين بعض من شباب القبائل مفاخرا بها بقبيلتي وفخذي وما انتسب اليه حيث اسميتها


(::][ حروف الذهـــــب ][:: )




يالله على بابك ويالله بمعلوم =يلفي بنا جنتك ويلفي بحسنات
يارازقن عبدك من الخيل حثلوم =الي في وقتن ماضين بالمريبات
جيت القلم ذاليوم زعلان مهموم =ناوي على فكره وناوي على ابيات
خط القلم من دون لالزمه ملزوم =عارف لطبعي ناوين بالمصيبات
بيحوم فوق الورَق ذاليوم بيحوم =وبحور لون الحبر باوراق صعبات
صعبات عند الجاهل الي يبا الزوم =زوم الكبر بالشعر طبع العسيرات
قمت اكتب الابيات باسلوب محزوم =وانقاد خط الحبر من غير فزعات
قال الشعر ملكي من اليوم لليوم =دام القلم يمسكه عباس بثبات
يبحر بجزم ويقطع البحر بسهوم =بسهوم ناريه من احرف جميلات
ربعي عتيبه منجيه كل مضيوم =عز القبايل من عتيبه قريبات
من عزوته برقا بيرقا ومحتوم =بافعالهم نرقى ونرقا الطويلات
من عزوته روقي عليهم يبا يهوم =ياخذ من الصعبات بايدي صريمات
ربعي وقومي وافتخر فيهم اليوم =يحق لي افخر بقومن عطيبات
وانا عتيبي من هوازن وزيزوم =حافظ لديني من عواقب وخيمات
وانا ولد مشيب عتيبي وطهطوم =معتز وافخر بالشيابين بالذات
وانا ولد مشعل وشيبان معلوم =عز الفخر واقولها كل حزات
وختامها صلو على الرسل ملزوم =عداد همال المزون الغزيرات







ويقول:
اما هذه القصيـــده طالبني بها الكثير من الزملاء والاخوان بالغزليه الى انني لا انتمي الى الغزل بالحد الكبير ولا اميل اليه فلبيت ندا من طلب هذه القصيده فرئيتها اجمل مما هي كانت عليه في نظري عن الغزل وقصائد الغزل حيث اسميتها


(::][ مذهــــــوبــه ][:: )



انا ببدا بذكر الله اله العرش رب الكون=عباد(ن) له خشعنا له وطعنا له وسبحانه
حمدته بالجهر والغيب ولا بد انتم تحمدون=هذا ربي يوصيكم بطاعاته بقرآنه
هذا الاول ولا غيره يبدى بالحشاء مخزون=وناتي للشعر من باب والابواب مليانه
يابو قطنان انا بنشدك وشلون الهوى وشلون=هبوبه صافيه ولا بها عج(ن) مسيانه
يقولون الهوى به عاقلن واقول به مجنون= يغني بالهوى دانا ويادانه لدن دانه
على كيفه ماهو كيفي وانا اقول الهوى مسكون=ينزل روس للقيعان على بند الغدر عانه
وانا بنصحك ياقليبي عن العذال لايدرون= عتابك للمحبين وعذابك بالهوى ذنانه
مالومك ياقليبي لو تعذب في هوى المزيون=ابو جادل ضربه الموج لين اكساه بامتانه
ابو مبسم صغير مافرق بالوجه غير اللون=شفايف لونها وردي عذاب العاشق لسانه
خدوده كنه التفاح ولبه غايه المضنون=وهيبه كانه الباشه وسط بشتان واخوانه
هوى نجدي وصافي بالهوى من غير لايدرون=تعالي وسط قلبي والعبي في وسط بستانه
عليه بالحرام انك ملكتي قلبي المصيون= من العابث من الخاين من المثيور بركانه
تعالي نتفق نوضع خطط مستقبيله هون=بهيك الدار يا البي دخيل الزين واعيانه
بؤل لك ايه يا البي بؤلك زي نابيلون = وضعت الدهر باالاقفاص وباقي الناس زنزانه
وانا وانتي سرحنا والوفا محطوط بالطبلون=على جيب(ن) جديد(ن) ماتغير فيه رمانه
صناعه محكمه منهو صنعها كافر(ن) ملعون=عرف كيفية الصنعه عرف كيفية اتقانه
عرف كيفيته بالعون وركب له بريجستون=وزنها بالهوى وساقه ضرب جمبه بفسقانه
وانا بازنه ياعراف كمن تل مي داركسون=سقيته بالتر واسقاني المعطوب باحســـانه
عطيته دعست البنزين عطاني سرعه المشطون=نظرت امبير للسرعه وظغطه سادح وزانه
نظرت الساحه اليمنى غدا عن فكري المفتون=تذكرت انه الشاعر صنع مفتون بافنانه
ليا منه نظر نظره عطى له فج بالمضمون=غدا فكره سرح باله عطاله خبت(ن) زانه
هذا عباس ينظم له قصيدة شاعر(ن) بالهون=غدا فكره بوسط الغرفه الي بابها اوزانه
وزون الشعر بالاحرف وزون كلها بوزون=على بحر(ن) طويل(ن) شامخ(ن) مذهوب باركانه
وصلو عد ماخيل عليكم بالخيال مزون=على سيد الرسل صلى عليه الله ورضوانه






اما هنا نقف حيث كان التحدي والمبارزه بالقيفان على قوافي [ الاج , الكم ] فكان الله عونه في حيث ماتبارز به من الشعار في حيث قوله هذه القصيده التي اسماهـــا


(::][ الـرحــــــىآ ][:: )




طلب مني حد الشعار قوافي قافيات الاج=طلب غيره من الشعار قوافي قافيات الكم
وانا وافيت مايطلب ولو كان الطلب منتج=على كيفي بجيب الشعر وتلفيني وتلفاكم
يحسبون القوافي بالشعر نغمات ماتسحج=وانا اقول القوافي سهلت(ن) تارد بلياكم
اجيب القاف فوق القاف واحشرالقاف مايرتج=واحشرالبيت فوق البيت على قيفان طلباكم
وزنت القاف بالميزان وينطق قول يامخرج=على بحري طويل(ن) ناصي(ن) ربي ومولاكم
وانا اشوف المعاني صافيه بالعون يامحرج=وزونن كلها يسره وبرسلها على اقواكم
يقولون الخيول الفاسده بالعون ماتسرج=ويضرب بالمثل سرج البقار اللي على قفاكم
ضربنا بالمثل بالعون على شخصين من املج=بعيد الدار ياستار وضعناه بغطا بالكم
عيونك ياصحيبي لاتشوف بها نهار العج=تسدد من غبار القوم وثارات(ن) على لحاكم
وعالجها يابو بندر وسرحها بشهر الحج=ليا منك تقاضيت الحقوق الصافيه جاكم
وبابحر بالعقل ابحار كامل والعقل بيسج=ويسرح ضاربن وجهت ديارن مابها حاكم
ويحكم بالعقل والقلب ويلعن ساعت(ن) ينهج=وياخذ بالثواري ثارت(ن) فيها بشرواكم
وانا برفع دعاوي ضلم من ظالم مايهرج=يداري بالامور الصاليه فوق الغدر جاكم
وانا برفع بقولي والحقوق الوافيه تبهج=توافيني على حقي تعاوني بمسراكم
وانا لساني هذا بالعون لامنه نطق يفلج=على قاضي يعرف الحق وسيتر ماوجه منكم
تعرفون الحقوق الطيبه والخافيه للوج=يسمى الوج باهل الدج وبالفرعون يلقاكم
يابو بندر انا وانته على موتر بوصفه لنج=نبى نغزي به المذكور نبي نسعد بلقياكم
نبي نمسي على بيت(ن) طويل(ن) ماعرف للدج=اظنك فاهم(ن) قولي يدور بحول احياكم
بضرب الفاس فعل عباس نتج من ناتج(ن) مهتج=على حق(ن) من حقوقه وفعل(ن) من وصاياكم
سرح عقلي بمعنى صافي(ن) الطالبه بالاج=ووفيت الحقوق الباقيه بالي طلب بالكم




وقــد قام بالرد علي مقارضه لي الشاعر عبدالله بن بندر بن هليل بن غلاب المرشدي الشيباني حيث قال مقارضإ :





الى منك بديت القاف مبدى قافكم يبهج=وانا ابرجو عسى ردي يحوز لغايت ارضاكم
وانا باشكرك ياعباس يومنك على المنهج=وانا ماظن ابه واحد بقيفانه تحداكم
تصوغ القاف مابه في جميع ابياتكم معوج=من اعماق الظماير صاغته بالوزن يمناكم
الى مني قريت ابياتكم بالعون ماعنها الضمير يسج=وانا بدعيلكم بالخير وارجوا رد دعواكم
وانا اراعي بعد منصور واخذ منه بعض الهرج= واشوف اللي بقا عنده ويش برده اعطاكم


يقول:
ولقد احببت ان اديـر الرحىآ مره اخــــــرىآ حيث وقفت قائلا :






يابو بندر رعاك الله من قيفان ماتبرج=وردك لي يجمل حال من شافه ويقراكم
وانا اقول العفو ياخوك والله مابها مرتج=بيوت(ن) صافيه والله مصفيها بيمناكم
وزنت القاف ياعراف وزنته وزنت(ن) تبهج=وبحرك صافي(ن) عذب(ن) ويسعدني شرب ماكم
هذي والله قيفان(ن) تعجز شاعر(ن) مدعج= عيونه وسط خلانه ويضحك من سواياكم
وانا بضحك عليهم وانت لا تضحك ترا تحرج=ترا خلك خويي مابه اليومه بلياكم
حشرته حشرت الشعار حشره مالها مخرج=كويته بالوسوم الصاليه والفال يقفاكم
ياويلك يارفيقي من سوايا شاعر يمرج=سحب مسحوب رفع بالطوب صقع بالراس ماسقاكم
هذا والله حشر(ن) منه تحشر ناس ماتفلج= تبي تنحاش من هالجاش تبي تاخذ بسكناكم



ويقول:
وفي وقــت غير بعيد من هذه المراده بيني وبين الشاعر عبدالله بن بندر المرشدي الشيباني حيث ارسل علي بقصيده قائلا فيها :





لا شاب قاف البيت لازم نعيده=والبيت لا عدناها يفقد معانيه
وانا ماحب الا البيوت الجويده=يوم استمخ الها وفكري تغذيه
وانا اعتذر وابدا قصيده جديده=من شان ابن مشعل فالابيات اجاريه
ابياته اللي فالمعاني شديده=دايم يصوغ البيت اله خبرتن فيه
هذا اختصاصي في معاني القصيده= والشعر اله معنى ووزنن يحليه
ولولا حلات الشعر محدن يريده=يازين هوجاسك برجمن معديه
يابن الشجيع القرم وأيضا حفيده=اللي تنومس فالمجالس طواريه




فاجابته قائلا هذه الابيات :





يامرحبا ترحيبت(ن) في قصيده=والبيت لايهزع بقافه ونبنيه
والعذر مقبولن وناخذ وريده=نبي عليه الساس ونمكن مبانيه
نرفع به المعنى ونطرد بليده=نشرح له الدروس والاجر مابغيه
نصنع بيوتن صافيه من حديده=تضرب بها الامثال وتوخذ معانيه
شوف المراسل يوم يرسل بريده=يبغى يراسل من يريد ويدانيه
انت الفخر ذكرك وذكر الوليده=نعم الولد والله ويامرحبا فيه
جتك المعاني لابست(ن) قليده=من هو مرض لازم نداوي بلاويه
جرحه برى من طبنا لا يعيده=نكوي كوايه ناتجه من سقايه
من عافنا يبشر بوقفه وضده=من رادنا يبشر برجل(ن) يخاويه
هذي حقيقه قلتها مستمده=من ماضي(ن) عافه وينكر بلاويه





وفي عهــد قريب ليس ببعيـــد الامــد قد اردت ان استنضح احد الشعار الذي لم يعرف نفسه الى وقتنا الحالي بهذه القصيده التي اسميتها


(::][ صالح والخليفــه ][:: )



صحيت اليوم من ذالنوم لقيت الناس تترزز=لقيت العالم الي تتعب الابيات باشكاله
لقيت الي عليهم خوف من ذالحوف ماتهتز=ضربهم جال موج(ن) عال من عالي هوا باله
انا والله ناويهم وناوي شاعر(ن) يبرز=يبى يظهر على قافي يبى يلعب بهوباله
ذيابه ترتجي عفوي ذيابه باغيه للكز=تبي تبرز على حسابي تبي موال برساله
انا بقول لك ياذيب وش رايك نجي للمز=بما اني اعرفك زين والمزيون يعناله
هذي والله يابعدي رساله باغيه للدز=توجه بالرسايل خالصه بايام ولياله
بشوفك زين يامزوين بشوفك شوف مايخوز=تشوف النار ياغدار تشوف النار مياله
تشوف السهم ذاك السهم يبغاله دواير لز=لكي يهتز وكي يملز على العربان برجاله
وانا من لابت(ن) تعرف ويعرف من بها يرتز=حمول السيف ورجال(ن) نهار الكون خياله
نشد شداد عنه الناس تعجز عنه لا تقحز=معاويد(ن) للاردافي وباقي الحمل حماله
هذي لابة بني شيبان لابه من عزاوي تعز=ياعنك ان الفخر جاهم وقال المد بنفاله
حرايب حرب فتالة عقودن ترتجي مملز=تشوف القاف ياعراف كآنه قاف مختاله
ياعنك انك تعرف الحق وياعني تبي تملز= تبى الفكه تبى الهده تبى تنحاش بامواله
تبي تلعب باموال الذي امنك تتوزوز=تبي تختال بالاموال على حالك وتشتاله
هذي لابة عزيزين الفخر بالحيل ماتنبز=يضيفون الوفا للطيب كما للبن هياله
تعال نشوف بالماضي تعال نشوف هذا الكنز=لقينا كنزنا صافي من الحيال واحياله
الاد العود صالح والخليفه مابهم مزوز=قروم(ن) ورثو بقروم لفو بالعون بسلاله




وهنا نكون قد انهينا الجزئيه الخاصه بالقصائد المداره عبر الانترنت

ولكن قريبا إن شاء الله سنوافيكم بما كتبه الباحث/ عباس مشعل الشيباني بخارج الانترنت
من قصائد وبحوث ومقالات وغيرها .. <----------------- انتظروني ;)


مع تمنياتنا ان تلقا رضاكم واستحسانكم ..
تمنياتي لكم بالتوفيق الدائم ..

والســــــــلام ,,,

ولد عتيبة الروقي

[السّامي]

لاهـنـت يـا ولـد عـتـيـبـه عـلــى الـنـقـــل

ولـك كـل الــشـكــر والـتـقـديـــر

[ابوبجاد الرويس]

مشكور

ولاهنت على القصايد الرائعه

وصح لسان الشاعر مشعل