المساعد الشخصي الرقمي

مشاهدة النسخة كاملة : أمــــــــــي


هلال العتيبي
12-Jun-2007, 02:02 PM
هذه الآبيات كتبتها العام الماضي حين زيارة والدتي شفاها الله لمنزلي
ذات مساء وهي الآن طريحة الفراش دعواتكم لها بالشفء العاجل

أمـي الله يحييهـا ويسعـد مساهـا= شرفت دارنـا والبيـت نـوره تـلالا
أشرقت ظلمة النفس وتجلى ضياهـا=والخواطر بحضرتها تبختـر جمـالا
في حضور أمي الاشواق تسمو مداها=والمشاعـر تغنـي بهجـة وابتهـالا
لو بغت نور عيني ماترددت جاهـا =ولو بغت كل عمري تـم ماقلـت لالا
ماعبرنا الطريق إلا بنعمـة دعاهـا=لين صرناشموخ وعز كبـر الجبـالا
دايم تقـول وتـردد وترفـع يداهـا=الله يصونـك ويحفظـك رب الجـلالا
لو عملنـا وقلنـا مالحقنـا جزاهـا=أرضعتنا الغـلا والطيـب نبـع زلالا
يوم أبونا توفى في بدايـة صباهـا=ورثت الفقر مع بنت وثلاثـة عيـالا
استعانت بمولاهـا يسـدد خطاهـا= زادها الفقر قـوة والعـذاب احتمـالا
من شتات وغثا الايام لمـت قواهـا= تعبت وشقيت وعانت وربـت رجـالا
كانت تشوف في ضحكة ولدها دواها= وإن تعب تتعب وتسهر ليـال طـوالا
إن زعل واحد منا تعكـر صفاهـا= وإن فرح تشعل الدنيا فرح واحتفـالا
امنا مدرسة تعليمنـا فـي حماهـا= امنا كنز مكسب ثـروه وراس مـالا
واجب انا نقدرها ونشكـر عطاهـا= مابقي غير هيل فـي حلـوق الـدلالا
نسأل الله لها حسن الختام ورضاهـا= من رضاها رضى الرحمن جل وتعالى
ا

ابوبجاد الرويس
13-Jun-2007, 02:20 AM
الله الله

صح لسانكـ

وبيض الله وجهكـ

وتقبل مروري يالغاااالي

فهد النفيعي
13-Jun-2007, 05:34 PM
قصيده اكثر من رائعه
اسال الله العلي القدير الشفاء العاجل لوالدتك طهور انشاء الله

معلا إبراهيم الأسعدي
13-Jun-2007, 06:01 PM
إن زعل واحد منـا تعكـر صفاهـا
وإن فرح تشعل الدنيا فـرح واحتفـالا

بارك االه فيك

ابيات جميله تستحق الثنا

للوالدين احقوق والحق مذكور === رب الجلال مبينه في سطوره

ابذل جهودك كان تشفق على الحور=== امسك سراطه وتزن في عبور

هذي من ضمن قصيده عندي 40 بيت وسوف انزلها في المنتدي الشامخ منتدى الهيلا


تسلم اخوي على الابيات المعبره بذات لاصارت في الوالدين تنبع با المصداقيه التامه

عبدالله البرقاوي
13-Jun-2007, 07:18 PM
هلااال العتيبي
بيض الله وجهك ومهما قلنا في الوالدين لن نوفيهما حقهما
اسأل الله العلي القدير ان يشفي والدتك وان يتم عليها الصحه والعافيه هي وجميع مرضى المسلمين
اللهم تقبل دعائنا يارب العالمين

ماله امان
13-Jun-2007, 08:30 PM
الاخ هلال العتيبي صح لسانك واشفاء الله والدتك0تحياتي ،،،

هلال العتيبي
16-Jun-2007, 02:04 PM
الله الله

صح لسانكـ

وبيض الله وجهكـ

وتقبل مروري يالغاااالي
اخوي أبوبجاد
صح نبضك ووجهك أبيض يالغالي
تحيااااااااااااااااااتي

هلال العتيبي
28-Jun-2007, 04:15 PM
قصيده اكثر من رائعه
اسال الله العلي القدير الشفاء العاجل لوالدتك طهور انشاء الله

الروعة في حضورك الكريم
لاعدمناك يارائع

هلال العتيبي
12-Sep-2007, 05:53 PM
إن زعل واحد منـا تعكـر صفاهـا
وإن فرح تشعل الدنيا فـرح واحتفـالا

بارك االه فيك

ابيات جميله تستحق الثنا

للوالدين احقوق والحق مذكور === رب الجلال مبينه في سطوره

ابذل جهودك كان تشفق على الحور=== امسك سراطه وتزن في عبور

هذي من ضمن قصيده عندي 40 بيت وسوف انزلها في المنتدي الشامخ منتدى الهيلا


تسلم اخوي على الابيات المعبره بذات لاصارت في الوالدين تنبع با المصداقيه التامه
اخوي شامان الأسعدي
كل عام وأنت بخير يارائع
أسعدني وشرفني مرورك الكريم
سلملي عليك وانا اخوك

ولد حلبان
13-Sep-2007, 09:40 AM
صح ألسانك وأسل الله الكريــم
رب العرش العظيم أن يشفي
أمك وصحيح مهما سوينا
ومهما فعلنا وقلنا والله ما راح
نلحق جزا الوالدين
تقبل مروري

الذيبان
15-Sep-2007, 11:19 PM
الله يعطيكــ العافيه وماقصرت

حمد العطاوي
16-Sep-2007, 12:07 AM
صح لسانك والله يشفي والدتك

ابو سند العضياني
16-Sep-2007, 04:04 AM
الله الله اخوي هلال صح لسانك

بيوت طيبه وسأل الله العلي القدير

ان يشافي والدتك ويمدها بشفاء العاجل

قف امامك عتيبي
16-Sep-2007, 04:21 PM
مشكوووووووووووور ولانت واسال الله ان يشفي والدتك
1
1
1
1
1
1
1
1
تقبل مرورك

علي فلاح العضياني
26-Sep-2007, 02:01 PM
صح لسانك


ياهلال العتيبي


وعز الله ان كل ما قلته انه عين الصواب


نسأل الله ان يشفيها ويكتب لك الاجر والثواب لانها موعظه بحد ذاتها



ولاهنت يا اخوي هلال

هلال العتيبي
30-Aug-2009, 01:43 AM
هلااال العتيبي
بيض الله وجهك ومهما قلنا في الوالدين لن نوفيهما حقهما
اسأل الله العلي القدير ان يشفي والدتك وان يتم عليها الصحه والعافيه هي وجميع مرضى المسلمين
اللهم تقبل دعائنا يارب العالمين

عبدالله البرقاوي
صح كلك ياأمير
مرورك فخر لاعدمناك

الامـــــبــــراطــــور
30-Aug-2009, 02:06 AM
صح السانك تقبل مروري