الجذع ..... العضو ...... اللي ماهو سلطان

[علي فلاح العضياني]

يالجذع تعال ابا اعطيك من عندي دروس= لين تصبح مثل سلطان ولاّ احسن منه
وكان ما تفهم تولّم لتقليع الضروس=وهات حبّك والرحى تستدير وتطحنه

[عبدالعزيز بن جودان الرويس]

الله الله
ابداع يابو فلاح
ننتظر الجذع

[عنزي جعفري]

الجذع يالفالح اصبح على وجهه عبوس = يوم حكيته وبانت حقيقة معدنه
اتركه واشره على اللي كلامه حد موس = وش تبي بالهاتف اللي طفى لو تشحنه

[علي فلاح العضياني]

انت وش جابك هنيّا تحوس الشعر حوس=الله انه يلعن ابليس سبعين لعنه
في ظلام الليل تمشون مطفين الكبوس=ابتلشنا تالي الوقت مع هنّ وهنه

[عنزي جعفري]

جيت ابا ادوس الملقف من العتبان دوس= لين تخرس في حضوري جميع الالسنه
ابك حنا مجدنا من زمن حرب البسوس= يوم ربعك مجدهم بالغنا والدندنه

[علي فلاح العضياني]

انت مثل البنّ الاشقر على النار محموس=مع عتيبه راسك ارخه شويّ وطمّنه
ربعي العتبان للمجد والنوماس روس=وانت عايش في مهانه وذل ومسكنه

[عنزي جعفري]

ياعرب تال الزمن صار باوضاعه نكوس= لكن الشارب ليا طال حنا نحسنه
يالعتيبي كم وكم بالمقابر من نفوس = والسجين اللي حيا مالقى من يضمنه

[علي فلاح العضياني]

استدار الوقت ثمّ صار ممشاه معكوس=واصبحت تزمر علينا مثل هالعيّنه
العروسه كيف ابو زيد صار الها عروس=علمها عندي لكنّ انت ما تدري عنه

[عنزي جعفري]

الحقايق يالعتيبي مثل نور الشموس =من خلقنا الله ولاقيل معكم هيمنه
العريسه عند ابو زيد تزهى باللبوس= وانت تركض في رضاها وعمرك ترهنه

[علي فلاح العضياني]

طيع شوري لا تعنّا واخذ وضع الجلوس=كن من اللي يسمع القول ويطيع احسنه
ربعي العتبان ستر الهنوف العيطموس=وانت غبت وجيت يوم انتهت بعد سنه

[عنزي جعفري]

كل مامديت كفي يجيها منك بوس = ماسمعنا في سجين (ن) ذبح من يسجنه
كيف قلت اني تغيبت والحق محسوس= دامني حاكمك من ماضيات الازمنه

[الجـذع]

ًصح لسانك يالفالح
صح لسانك يالجعفري

:)

[علي فلاح العضياني]

بعد صار الرمح يالجعفري فيك مغروس=من طعنك براس رمحه ما تقدر تطعنه
انت لا تحلف على الكذب بالدّين الغموس=وانت يمّ الشام بالسمن راسك تدهنه

[علي فلاح العضياني]

الجذع حال دون الضبّ ههههههههههههههه


يجيلك يوم ههههههههه


تحياتي لك

[كبتن عتيبه]

كل مامديت كفي يجيها منك بوس
ماسمعنا في سجين (ن) ذبح من يسجنه

الله الله

بيت بيت

وشاعر نتشرف بإنظمامه للهيلا



وياهلاو ومرحبااا

الفالح دايماً مبدع..

[مرزوق حمدان العتيبي]

..
.
محاوره رائعه بكل المقاييس
صح لسان الفالح والجعفري ...
..

[عنزي جعفري]

انت في قلبك غرابيل وهموم وهجوس = العنا ظاهر على الوجه لو ماتعلنه
مشتهر بالشام وبنجد ولا انت محبوس = لكن الزيدي ليا ضاع يرجع ليمنه