طموح الضابط يخالف طموح الجندي السلتوح

[حمود بن برجس]

السلام عليكم ورحمة الله وبركاته


سلام الله سلام ٍ فيه من روح الاخوّه روح = على اللي يمتلك فالملعبه روح ٍ رياضيه

طموح الضابط يخالف طموح الجندي السلتوح = اقوله والله اللي يعلم الاسرار والنيه

[سلوبودان]

[ههههههههههههههه جت كذا ياظامي حيل الله اقوى
وانا اقولكم طربان اليوم


هلا يامرحبا ترحيبة(ن) منها السلام يفوح=على الي داخلن فالمعلبه ويدق بوريه
هذاه الوقت حتى التيس فيه يقول ليه اطموح=طموحه عنز يالظامي وشرط تكون سوريه

[حمود بن برجس]

لعل الك البقا فالاوله والثانيه مسموح = لكن ان جبتها فالثالثه جبت الك دوريه

لو انك يالعضياني قريت اللي كتب فاللوح = عرفت تميز الحسنه وتفرقها عن السيه

[سلوبودان]

عسى من عقبك ما يوم يالضامي علاك ينوح=وراع الطيب يبشرله بمربوعه ومثنيه
حشى لله ما جاك الخطاء يالشاعر المملوح=وحنى كلنا اهل الطيب والعزوه عتيبيه

[مرزوق حمدان العتيبي]

وحنى كلنا اهل الطيـب والعـزوه عتيبيـه
...
الضامي وسلوبدان ... صحت السنتكم ...
واصلوا وياعلكم على القوّه ...