مـــبـــر وك يا سلطان الجذع

[نايف بن ملحق الثعلي]

سلام رديه وصابها الاسلام=حنا على السنه نبا نبديها

مبروك ياسلطان ياشاعر الاعلام=والطيبه ترجع من حظ راعيها

[سلطان الجـذع]

يامرحبا حييت يالفارس المقدام =وصلك عم السوالف يابناخيها
وحنا نبارك لك بعد عطوك وسام =وسايط ترفع العالم وترخيها

[نايف بن ملحق الثعلي]

حنا هل الطاله من سابق الايام=وانته تخمخمها لكن تخطيها

لاتلتفت خلفك ودروبنا قدام=وان كبرت العله نبا نداويها

[عمهوجـ الدعجاني]

ابك ابك خربتها يانايف مع الجذع


وانا بصفك يانايف ولايهون الحذع


لاتلتفت خلفك ودروبنـا قـدام
وان كبرت العله نبا نداويهـا

[سلطان الجـذع]

المشكله والله لن طالوا الاقزام =امصيبه فاول الدعوى وتاليها
ان كان حولك طيب افزع على الاخصام =واصحابك الجذعان ليتك تخليها

[دحيم المطيري]

صحت السنتكم ياشعار
مبدعين

ومبروك يالجذع ياشاعر الاعلام

واصلوا

[نايف بن ملحق الثعلي]

الليله الليله تلعبك الاوهام=خلك على هونك واعرف مساريها

ياعدنا الراوي ترا الكبود احيام=وردت على الجمه عساك ترويها

[سلطان الجـذع]

الدعجاني &المطيري

حياكم الله نورتوا المتصفح

[نايف بن ملحق الثعلي]

عمهوج الدعجاني

دحيم المطيري

حياكم الله

شكرأ على المرور

[سلطان الجـذع]

يانايم الغفله تلعب بك الاحلام =ماانته مصبح دار والا ممسيها
روح انشد الفالح ويجيك بالاعلام =ياشاعر جاين فوقك مدربيها

[نايف بن ملحق الثعلي]

حنا نعبد الله مانعبد الاصنام=كم ناس جينها نخلف هقاويها

عندي خبرعندي ماتعب الاقدام=واكثر سواليفك مانستمع فيها

[عمهوجـ الدعجاني]

عندي خبرعندي ماتعب الاقدام
واكثر سواليفك مانستمع فيها

الله عليك ياولد رووووق


اديه ع الحديد ولايهون الجذع ابن العم

[سلطان الجـذع]

لاتشعب القشرا تكفى بدون خطام =قيادها حطه في وسط اياديها
من لامك بعرفك والله ماينلام =ماتنطح الفزعه تمشي تباريها

[نايف بن ملحق الثعلي]

يالشاعرالشاطر يومن حظك قام=حطوك فااللجنه شاعر معانيها

بالله في دربك لاتزرع الالغام=حاسب على روحك والله ينجيها

[سلطان الجـذع]

حظ السعد حظي يوم ان حظك نام =وعلوم وعلومن ماني مسميها
ياما ازهد الورثه ياما اكثر الايتام =كلمه ونبغى وانا اخوك الردد فيها

[نايف بن ملحق الثعلي]

عان البروق اتلوح بين اليمن والشام=نبا نسويها وانته تلويها

ياراعي الورثه ترا الرجال احشام=نيتك يالشاعر ليتك تصفيها

[نايف بن ملحق الثعلي]

سلطان الجذع

صح لسانك

تصبح على خير

[عمرالروقي]

نايف الروقي
ابداع 0000
وصح لسانك
ولاهنت 0000
سلطان الجذع
الف مبروك 00
يالشاعر الاعلامي
المبدع 000000
وصح لسانك ولاهنت
000000000000

[كبتن عتيبه]

وصلك عم السوالف يابناخيهـا



الله الله
الله
الله الله







متابعين