وين انت ياقبلان

[ساير العتيبي]

السلام عليكم




قبلان ياقبلان وين انته نبا نرقا سنود = على شعاع النور ياقبلان . والساري سرا
بيني وبينك يالعتيبي علم نبغاله شهود = من يوم شفت النار في الميدان . والساري سرا

[كبتن عتيبه]

والساري سرا



الله الله

صـــــــــــــــــــتح لســـــــــــــــــــانك

وينك ياقبلان

[غازي غالب]

وعليكم السلام .. يامرحبا ياساير .. واستلم طال عمرك ...


قبلان حاضر وإرد ياساير على جمّ العدود = تبا تصدّر ياولد رويان . والساري سرا
الشاهد الله والمواطن عن حما داره يذود = يانعنبوها عيشة النقصان . والساري سرا

[ساير العتيبي]

ماشال بيت البدو ياقبلان ياكود العمود = هذا ترى من ماضي الازمان . والساري سرا
الراس عالي فـ السما والعود في عين الحسود = عندي على قولي مية برهان . والساري سرا

[ساير العتيبي]

يامرحبا يالكبتن صح بدنك وحياك الله

[غازي غالب]

كل الدوّل ماتعترف في دوله بليا حدود = وصية الراحل ابن انان . والساري سرا
ترى الخفاره ياوسيع العرف من قسم الجنود = ماهي بقسم الضابط الفسقان . والساري سرا

[ساير العتيبي]

الله يعز الدين ياقبلان ويذل اليهود = اللي تقول الزور والبهتاان . والساري سرا
الربح من قسم الذيابه والخساير للقرود = علم فلان وقولها لفلان . والساري سرا

[غازي غالب]

السيل جانا يالعتيبي عقب شيدت السدود = وسدود بيشه بنيها بنيان . والساري سرا
المعركه تزداد لو عباس دقق فالبنود = يبا يفتش سلعة الدكان . والساري سرا

[ساير العتيبي]

باقي معك شهرين تقدر تخفي آثار الوجود = واللي رضى ماهو كما الزعلان . والساري سرا

رح للمحاكم والمخافر واحظر اثبات وسنود = لا تنقفل من دونك البيبان . والساري سرا

[مرزوق حمدان العتيبي]

...
.
ساير وقبلان .. وابداع فالميدان
صحت السنتكم .....
واصلوا ياعتابه وانا فالصفين ...
...

[غازي غالب]

الوسم ماينشال ياساير ليا بعت القعود = والله لوسمّ باقي القعدان . والساري سرا
بعض العرب وقت اللوازم لاتحرى منه فود = والبعض الاخر وقفته تنبان . والساري سرا

[غازي غالب]

...
.
ساير وقبلان .. وابداع فالميدان
صحت السنتكم .....
واصلوا ياعتابه وانا فالصفين ...
...

سعادة المدير .. يامرحبا .. وصح بدنك ..

وحضورك يكفينا يالمدير ...


تحياااااااااااتي لك

[ساير العتيبي]

شبيت نارٍ تصطلي والحقتها تسعين عود = ماكنها الا حموَة البركان . والساري سرا
والا السعاده فالعباده والدعا عند السجود = مايخلق الا لاجلها الانسان . والساري سرا

[ساير العتيبي]

يامرحبا يامرزوق شرفتنا بحضورك

[مرزوق حمدان العتيبي]

..
.
انشهد انه قاف يستحق الاشاده
والمتابعه .... واستغرب غياب الجمهور ....
...
قبلان وساير ارفع العقال لكما احتراماً على الجزاله ...
..

[ساير العتيبي]

يامرحبا يامرزوق

يكفينا حضورك وحضور الكبتن

والاخوان معذورين



تحياااتي